Jo-Rumi 15:27 - MUMA MALER 2015

²⁷ Ne gineno ni ber mondo gitim kamano, to chutho gin jogop jogo, nikech kaka joma ok jo-Yahudi oseyudo gueth mag chuny kuom jo-Yahudi, omiyo owinjore gin bende gikony jo-Yahudi gi gik ma gichando mag pinyni.

Motingʼo Loko Manyien

²⁷ Negimor mar timo ma, to chutho gin jogop jogo. Nimar owinjore mondo joma ok jo-Yahudi, moseyudo konyruok mar chuny mar jo-Yahudi opog negie mwandu mag pinyni.

Jo-Rumi 15:27 ပူးပေါင်းရင်းမြစ်များ

Mathayo 6:12

bende wenwae richowa, kaka waweyo ni joma timonwa marach.

Jo-Rumi 11:17

En adier ni Nyasaye oserwakou un joma ok jo-Yahudi, mi ubedo joge, kendo uyudo gueth kaachiel gi jo-Yahudi. To rwakuno chalo mana gi bede yadh zeituni mong’ad oko, eka ochom bad yadh zeituni ma thim kargi, ma koro yudo chiembe koa e tiend yath kaachiel gi bede mamoko.

Jo-Rumi 7:14

Wang’eyo malong’o ni Chik Musa ber, nikech oa kuom Nyasaye. An to an mana dhano matho, moseng’iew modoko misumba richo.

1 Jo-Korintho 9:11

Ka wan ema ne wachuoyo kodhi mag chuny, koro ere gima omiyo ubwok ka wanwang’o kuomu gik moko mag piny ma wakonyorego?

Jo-Galatia 6:6

Ber mondo ng’at ma ipuonjo wach Kristo okony japuonjne, kopogone gik mabeyo duto ma en-go.

Filemon 1:19

Koro andiko wechegi gi lweta awuon, ka asingora niya, “An Paulo, abiro chuli,” ka ok aparoni ni gopa ma in-go en mana ngimani iwuon!