Jo-Rumi 15:26 - MUMA MALER 2015

²⁶ nikech kanyakla mag jo-Kristo man Makedonia gi Akaya noneno ni ber mondo gigol chiwo okony jo-Nyasaye modhier man Jerusalem.

Motingʼo Loko Manyien

²⁶ Nimar jo-Makedonia gi jo-Akaya osechiwo kony gimor ne jomaler modhier man Jerusalem.

Jo-Rumi 15:26 ပူးပေါင်းရင်းမြစ်များ

Ngeche 14:21

Ka idwaro bedo mamor, to kony jochan, nimar charo ji en richo.

Ngeche 14:31

Ng’at ma sando jachan, to chayo mana Nyasaye mane ochueye, to ng’at ma kecho jachan ema miyo Nyasaye duong’.

Ngeche 17:5

Ng’at ma chayo jachan yanyo mana Nyasaye mane ochueye, kendo ng’at mabedo mamor ka masira omako wadgi noyud kum.

Zekaria 11:11

Kamano singruok ne okethi chieng’no, kendo joohand rombe mane ranga nong’eyo ni en wach Ruoth Nyasaye.

Zekaria 11:7

Kuom mano ne adoko jakwadh rombe miyang’o, ka atiyo ni joohand rombe. Bang’e ne akawo ludhe ariyo, mi achako achiel ni, ‘Ng’wono’, to machielo ne achako ni, ‘Riwruok’. Kamano ne abedo jakwadh rombe.

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

Mathayo 26:11

Joma odhier ni kodu ndalo duto, to an ok an kodu ndalo duto.

Luka 14:13

To kiloso nyasi, to luong mana joma odhier gi rang’onde gi pudhe kod muofni,

Luka 6:20

Yesu norango jopuonjrene, mowachonigi niya, “Mano kaka un johawi, un joma odhier, nikech gueth mar Loch Nyasaye en maru!

Tich Joote 16:12

Ne waa kanyo mwadhi nyaka Filipi, ma dala mar gweng’ mokwongo e piny Makedonia, to kendo en dala mane omi jo-Rumi mondo odagie. Ne wabet kuno kuom ndalo moko.

Tich Joote 16:9

Otienono Paulo noneno fweny ma ja-Makedonia moro ochung’ie, ka hombe niya, “Bi loka Makedonia mondo ikonya.”

Tich Joote 18:12

To kane Galio odoko ruodh Akaya, jo-Yahudi nochokore, mi omwomore kuom Paulo, moter e bura,

Tich Joote 19:21

Kane gigo osetimore kamano, Paulo noneno ni mondo owuoth e piny Makedonia gi piny Akaya kolando Injili, bang’e ochwe nyaka Jerusalem. Nowacho niya, “Ka asedhi kuno, to onego adhi Rumi bende.”

Tich Joote 9:13

Anania nodwoke ni, “Ruoth, ji mathoth osenyisa wach ng’atni, kendo kaka notimo timbe malich mang’eny ni jogi man Jerusalem.

1 Jo-Korintho 16:15

Owetena, donge ung’eyo Stefano kod joodgi? Gin e joma okwongo doko jo-Kristo e piny Akaya, kendo gisechiwore mondo giti ni jo-Nyasaye.

1 Jo-Korintho 16:5

Anabi iru ka aselando Wach Maber e piny Makedonia,

2 Jo-Korintho 1:16

nikech ne achano mondo aneu ka akadho adhi Makedonia, kendo anachak aneu ka aduogo aa kuno, mondo ukowa ka adhi Judea.

2 Jo-Korintho 11:9

Bende kane achando gimoro ka an kodu, to ne ok akwayo ng’ato kuomu mondo okonya, to owete mane oa Makedonia nokelona gik moko duto mane achando. Ne aritora mondo kik achandu, kendo pod abiro ritora mana kamano.

2 Jo-Korintho 2:13

To chunya ne onge gi kue, nikech ne ok anwang’o owadwa Tito. Omiyo nagoyo oriti ni jokuno, mi achweyo Makedonia.

2 Jo-Korintho 7:5

En adier ni kata ka ne wachopo Makedonia to ne ok wayudo yueyo. Ne wayudo mana chandruok kuonde duto: dhaw ne oluorowa oko, kendo chunywa ne opong’ gi luoro.

2 Jo-Korintho 9:12

Tich ma watiyoni ok kel mana gik moko duto ma jo-Nyasaye dwaro kende, to obiro miyo ji medo goyo ni Nyasaye erokamano bende.

2 Jo-Korintho 9:2

Ang’eyo kaka uikoru mar konyo, kendo asepuoyou e nyim jo-Makedonia kuom wachno, ka awachonigi ni un jo-Akaya usebedo kuikoru mar konyo, chakre higa cha. Kamano kinda maru osejiwo jogi mathoth.

2 Jo-Korintho 9:4

nikech kwabiro gi jo-Makedonia moko, mi wayudo ka ok uikoru, to mano dikuod wiwa kod wiu bende, bang’ pak mwasepakougo ahinya!

Jo-Filipi 4:15

Un jo-Filipi, ung’eyo maber ni e ndalo mane akwongo landoe Injili, kane aa piny Makedonia, onge kanyakla mar jo-Kristo kata achiel mane okonya gi chiwo mar pesa, mak mana un.

1 Jo-Thesalonika 1:7

Kuom mano, ne udoko ranyisi ni joma oyie duto manie piny Makedonia, kod piny Akaya,

1 Jo-Thesalonika 1:8

nimar wach Ruoth nolandore kochakore kuomu. Ok nolandore mana e Makedonia gi Akaya kende, to wach yie ma un-go kuom Nyasaye osechopo e it ji kuonde duto. Omiyo koro onge gima onego wawachi,

1 Jo-Thesalonika 4:10

Adier, mano e kaka uhero owete duto man Makedonia, to wahombou owetewa, ni mondo umed timo kamano moloyo.

1 Timotheo 1:3

Adwaro mondo imed dak Efeso mana kaka ne akwayi mondo itim, kane oyudo awuok adhi e piny Makedonia. Ji moko ni Efeso kuno mapuonjo puonj mayore, to nyaka ikwergi mondo giwe timo kamano.

Filemon 1:5

nikech awinjo wach yie ma in-go kod hera ma iherogo Ruoth Yesu, kaachiel gi jo-Nyasaye duto.