Jo-Rumi 15:25 - MUMA MALER 2015

²⁵ Sani to koro adhi Jerusalem ka atero mich ni jo-Nyasaye man kuno,

Motingʼo Loko Manyien

²⁵ Sani to pod an e wuodha adhi Jerusalem mondo adhi akony jomaler man kuno.

Jo-Rumi 15:25 ပူးပေါင်းရင်းမြစ်များ

Tich Joote 18:21

mi ogoyonigi oriti, kowachonigi ni, “Nachak aduog iru, ka Nyasaye oyie.” Eka nokwang’ oa Efeso.

Tich Joote 19:21

Kane gigo osetimore kamano, Paulo noneno ni mondo owuoth e piny Makedonia gi piny Akaya kolando Injili, bang’e ochwe nyaka Jerusalem. Nowacho niya, “Ka asedhi kuno, to onego adhi Rumi bende.”

Tich Joote 20:16

Paulo noneno ni mondo okwang’e okadh Efeso, kik obudh e piny Asia, nikech noreto kogeno ni kanyalore to mondo chieng’ Pentekost oyude ka en Jerusalem.

Tich Joote 20:22

To koro neuru, adhi Jerusalem ka Roho Maler otelona, to ok ang’eyo gima dhi tima kuno.

Tich Joote 24:17

“To bang’ bedo maonge e Jerusalem kuom higni moko, ne adok kuno mondo ater mich ni ogandawa, kendo atim ni Nyasaye misango.

Tich Joote 9:13

Anania nodwoke ni, “Ruoth, ji mathoth osenyisa wach ng’atni, kendo kaka notimo timbe malich mang’eny ni jogi man Jerusalem.

Jo-Rumi 12:13

Poguru giu ni jo-Nyasaye modhier, kendo beduru joma ohero rwako welo.

1 Jo-Korintho 16:4

kendo ka owinjore ni an bende onego adhi, to anadhi kodgi.

2 Jo-Korintho 8:4

To bende ne gihombowa mondo gikonywa nywako tich ng’wono mar konyo jo-Nyasaye man Judea.

2 Jo-Korintho 8:6

Mano emomiyo ne wakwayo Tito, mane ochako tich ng’wono, mondo olimu kendo, kendo okonyu tieke.

Jo-Galatia 2:10

To ne gidwaro mana ni mondo wapar jochan, ma en gima an bende ne aseketo chunya ahinya mondo atim.

Jo-Hibrania 6:10

Nyasaye en jaadiera, kendo wiye ok nyal wil gi tichu kod hera ma usenyiso ni uherego, ka ukonyo joge, kaka usebedo kutimo kendo pod utimo,