Jo-Rumi 15:24 - MUMA MALER 2015

²⁴ koro adwaro ni mondo atim kamano. Abiro nenou ka akadho adhi Spania, kendo ka asebedo kodu moromo to ukonya e wuodhano.

Motingʼo Loko Manyien

²⁴ achano mar timo kamano kadhi Spania. Ageno mar limou ka abiro akadho mondo bangʼ bedo kodu moromo to ukonya e wuodhano.

Jo-Rumi 15:24 ပူးပေါင်းရင်းမြစ်များ

Ngeche 25:17

Kamano bende kik ilim wadu pile pile, nikech dipo ka ojok kodi, mi ochayi.

Tich Joote 15:3

Kuom mano, jo-Kristo duto nokowogi, kendo ka ne gikadho e piny Foinike gi piny Samaria ne gihulo kaka joma ok jo-Yahudi oselokore moyie kuom Yesu. Wachno nomiyo owete mamoko duto odoko mamor ahinya.

Tich Joote 19:21

Kane gigo osetimore kamano, Paulo noneno ni mondo owuoth e piny Makedonia gi piny Akaya kolando Injili, bang’e ochwe nyaka Jerusalem. Nowacho niya, “Ka asedhi kuno, to onego adhi Rumi bende.”

Tich Joote 21:5

To kane ndalo mane wadwaro bet kodgi orumo, ne wawuok mi wadhi nyime gi wuodhwa. Giduto kaachiel gi mondgi kod nyithindgi ne gikowowa nyaka dhonam, mi waduto ne wagoyo chongwa piny kanyo, kendo walamo Nyasaye.

Jo-Rumi 1:12

tiende ni ka wan kanyachiel to mondo wajiwre, ka yieu konya, kendo yiena bende konyou.

Jo-Rumi 15:28

Ka asetieko tijni, kendo amiyogi pesa duto ma osechoknigi, eka anabi iru ka adhi Spania.

2 Jo-Korintho 1:16

nikech ne achano mondo aneu ka akadho adhi Makedonia, kendo anachak aneu ka aduogo aa kuno, mondo ukowa ka adhi Judea.

3 Johana 1:6

Gisewuoyo kuom heranino e nyim kanyakla mar jo-Kristo man ka. Yie ikonygi e wuodhgi, kikowogi e yo malong’o ni Nyasaye mwatiyone,