Jo-Rumi 15:2 - MUMA MALER 2015

² Ng’ato ka ng’ato kuomwa mondo otim gima ber kendo malong’o ni owadgi mondo okonye bet gi yie motegno.

Motingʼo Loko Manyien

² Ngʼato ka ngʼato kuomwa nyaka tim gik mamoro nyawadgi, ka en gi paro maber mar gere.

Jo-Rumi 15:2 ပူးပေါင်းရင်းမြစ်များ

Jo-Rumi 14:19

Emomiyo wadwaruru matek weche makelo kue kod weche ma ng’ato ka ng’ato dikonygo owadgi.

1 Jo-Korintho 10:23

Uwacho niya, “Ng’ato nigi thuolo mar timo gimoro amora.” Ee, mano adier, to kata kamano gik moko duto ok konywa. Ee, wan thuolo mar timo gimoro amora, to gik moko duto ok kelnwa dongruok.

1 Jo-Korintho 10:24

Kik ng’ato dwar mana gik makonye en owuon to ng’ato ka ng’ato mondo odwar gik makonyo jomoko.

1 Jo-Korintho 10:33

to timuru mana kaka atimo. Atemo bedo malong’o ni ji duto e yore duto, ka ok apar mana gima dikonya, to aparo mana gima dikony ji duto, mondo oresgi.

1 Jo-Korintho 13:5

Hera ok tim gima kuodo wich, ok odwar mare kende, iye ok wang’, bende ok omak sadha.

1 Jo-Korintho 14:26

Koro owetena, ere gima ber monego utim? E chokruoku duto, ng’ato ka ng’ato kuomu mondo obed gi wer, kata gi puonj, kata gi fweny, kata gi wach midhumo, kata gi loko wach midhumono; to mago duto onego obed makonyo chokruok.

1 Jo-Korintho 14:3

To ng’ama hulo wach moa kuom Nyasaye wuoyo gi ji, kokonyogi kendo ojiwogi kendo odwogo chunygi.

2 Jo-Korintho 12:19

Kamoro uparo ni watemo doko joma beyo e nyimu kwandikonu wechegi duto! Ooyo, wawuoyo mana e nyim Nyasaye, ka wan kuom Kristo. Osiepena, gik moko duto mwatimo, watimo mana ni mondo wagergo chunyu.

2 Jo-Korintho 13:9

To wamor ka wanyap, to un utek. Chutho gima walemone en ni mondo ubed joma kare e yore duto.

Jo-Efeso 4:12

Ne otimo kamano mondo omi jo-Nyasaye duto obed joma ong’eyo tich konyo ji, kendo tich gero ringre Kristo,

Jo-Efeso 4:29

Ka uwuoyo to wach moro marach kik wuog e dhou, to wachuru mana weche mabeyo kendo makonyo ji, kendo mowinjore, mondo joma winjo wecheu oyud konyruok.