Jo-Rumi 15:13 - MUMA MALER 2015

¹³ Nyasaye ma wuon geno opong’u gi mor duto kod kue nikech uyie kuome, mondo geno maru omedre mogundho kuom teko mar Roho Maler.

Motingʼo Loko Manyien

¹³ Mad Nyasach geno opongʼu gi mor kod kwe mogundho ka ugeno kuome, mondo omi upongʼ gi geno malach kuom teko mar Roho Maler.

Jo-Rumi 15:13 ပူးပေါင်းရင်းမြစ်များ

Isaya 55:12

Adier, unuwuog Babulon gi mor kod kue, kendo kuonde mukadhoe, gode madongo gi matindo nogo mahu gi mor. Yien duto mae thim bende nopam lwetgi.

Jeremia 14:8

To in kendi ema jo-Israel ogeno kuomi, nimar in ema iresowa ka wanie chandruok. Ere gima omiyo ichalo wendo e pinywa ma bworo kuom otieno achiel kende?

Joel 3:16

Dwond Ruoth Nyasaye mor gi ewi got Sayun. Ee, omor Jerusalem, kendo polo gi piny yiengni. To Ruoth Nyasaye nores joge Israel, kobedonigi kama ginyalo geng’oree.

Johana 14:1

Bang’ mano Yesu nowachonigi niya, “Kik chunyu parre. Yieuru kuom Nyasaye, to kuoma bende yieuru.

Johana 14:27

Kue ema koro aweyonu. Adier, kue mara awuon ema amiyou. En kue ma pinyni ok nyal chiwo. Kik chunyu parre, kendo kik ubed maluor.

Jo-Rumi 12:12

Geno ma un-go mondo omi ubed mamor. Kisandou, to timuru sinani, kendo lemuru mak uweyo.

Jo-Rumi 14:17

nikech Loch Nyasaye ok en wach mar chiemo kata mar madho gimoro, to en mana wach tim makare gi kue kod mor ma Roho Maler kelo.

Jo-Rumi 15:19

Notimonigi gi weche kod timbe, kendo gi teko manenore kuom ranyisi gi honni, ma en teko mar Roho. Kamano asetieko lando Wach Maber mar Kristo koni gi koni, chakre Jerusalem nyaka Iliriko.

Jo-Rumi 15:5

To Nyasaye ma wuon kinda gi hoch mondo omi ubed gi winjruok achiel kaka Yesu Kristo dwaro,

1 Jo-Korintho 2:4

bende kane alando wach to ne ok akonyora gi weche mariek maywayo ji, to teko mar Roho ema ne onyisou ni wach ma alando en adier,

2 Jo-Korintho 9:8

Nyasaye nyalo miyou gik moko duto mudwaro, kendo mokadho kanyo, mondo kinde duto ubed gi gik moromou, kod mago munyalo konyogo tije mabeyo duto,

Jo-Galatia 5:22

To gik ma Roho nyago gin: hera, mor, kue, horuok, ng’wono, ber, bedo jaadiera,

Jo-Efeso 1:2

Ng’wono gi kue moa kuom Nyasaye Wuonwa gi Ruoth Yesu Kristo, obed kodu.

1 Jo-Thesalonika 1:5

nikech kane wakelonu Injili, to ne ok wakele mana gi wach mar dhok, to ne wakele gi teko mar Roho Maler, mi uyie chuth. Bende ung’eyo kaka ne wachalo ka ne wan kodu Thesalonika. Adier, ne wabet kamano mana nikech un.

1 Timotheo 1:1

An Paulo, jaote mar Kristo Yesu kuom chik mar Nyasaye ma Jawarwa gi Kristo Yesu ma en geno marwa,

Jo-Hibrania 6:11

to wagombo ahinya mondo ng’ato ka ng’ato otim kinda nyaka giko, mondo uyud chutho gima ugeno.

1 Petro 1:8

Kata obedo ni pok uneno Yesu, to pod uhere ahera, bende kata obedo ni ok unene sani, to pod uyie ayiea kuome, kendo upong’ gi mor maduong’ mokadho awacha,

1 Samuel 1:18

Hana nowachone niya, “Mad abed ng’ama owinjore gi ng’wononi.” Eka nodhi mochiemo, ka chunye ler.