Jo-Rumi 14:6 - MUMA MALER 2015

⁶ Joma paro ni odiechieng’ moro duong’ ahinya, timo kamano kamiyogo Ruoth duong’. Joma chamo kit chiemo duto timo kamano kamiyogo Ruoth duong’, nimar gigoyo ni Ruoth erokamano; kendo joma kuero kit chiemo moko bende timo kamano kamiyogo Ruoth duong’, nikech gin bende gigoyo erokamano ni Nyasaye.

Motingʼo Loko Manyien

⁶ Ngʼat mokawo odiechiengʼ moro ni duongʼ moloyo machielo timo kamano mondo omi Ruoth duongʼ. Ngʼat machamo ringʼo bende chiemo kamiyo Ruoth duongʼ, nikech ogoyo erokamano ne Nyasaye. Kamano bende, ngʼat ma ok chiem bende ok chiem kuom miyo Ruoth duongʼ, kendo ogoyo erokamano ne Nyasaye.

Jo-Rumi 14:6 ပူးပေါင်းရင်းမြစ်များ

Wuok 12:14

“Odieching’no nobednu chieng’ rapar, omiyo nyaka urite ka sawo mochwere ni Ruoth Nyasaye kuom tiengeu duto.

Wuok 12:42

Ne en otieno mane Ruoth Nyasaye oritogie mondo ogolgi e piny Misri. Otieno nogono en otieno moket mondo jo-Israel duto oparie Ruoth Nyasaye nyaka chieng’ ka ginindo bedo.

Wuok 16:25

Musa nowachonigi niya, “Mano ema mondo ucham tinende, nikech kawuono en chieng’ Sabato. Tiende ni chieng’ mowal ni Ruoth Nyasaye. Omiyo ok ubi yudo chiemo oko mukwanyo.

Isaya 58:5

Uparo ni kit tueyo chiemo ma ayiego en mana sando ringruok, ka ng’ato okulo wiye piny ka togo, kata ka onindo e pien gugru mopedho e buru? Koso mano e gima uluongo ni tueyo chiemo adier? Koso mano e chieng’ ma an Ruoth Nyasaye ayiego?

Zekaria 14:21

Agulni duto manie Jerusalem kod Juda nobed mowal ni tich Ruoth Nyasaye, kendo ji duto matimo misengni nokaw moko mondo ochwakie ring misango. Kamano ka kindeno ochopo, to onge johala moro amora ma nochak oyud e Hekalu mar Ruoth Nyasaye Manyalo Gik Moko Duto.

Mathayo 14:19

Bang’ mano, nonyiso ji mondo obed piny e lum. Eka nokawo makati abich gi rech ariyogo, mong’iyo malo, kendo ogwedhogi. Ne ong’ingo makatigo, momiyo jopuonjrene, eka jopuonjrene nomiyo ji,

Mathayo 15:36

Eka nokawo makati abiriyo kod rechgo, mogoyo ni Nyasaye erokamano. Nong’ingogi, momiyogi jopuonjrene, eka jopuonjrene nopogo ni ji.

Johana 6:28

Eka ne gipenje ni, “Ang’o monego watim, eka wabed joma tiyo tich Nyasaye?”

Jo-Galatia 4:10

Ka urito ndalo gi dueye gi higni kamano,