Jo-Rumi 14:20 - MUMA MALER 2015

²⁰ Kik iketh tich Nyasaye mana nikech wach chiemo. En adier ni onge chiemo moro makuero, to kichamo gimoro mamiyo ng’ato podho, to iketho.

Motingʼo Loko Manyien

²⁰ Kik iketh tich Nyasaye nikech wach chiemo. Chiemo duto ler, to ok ber mondo ngʼato ocham gimoro amora mamiyo ngʼat machielo podho.

Jo-Rumi 14:20 ပူးပေါင်းရင်းမြစ်များ

Mathayo 15:11

Gik ma donjo e dho dhano ok ema mi dhano dok jaketho, to mana gik mawuok e dhoge ema miyo odoko jaketho”

Mathayo 18:6

“Ka ng’ato omiyo achiel kuom joma tindo moyie kuomagi odonjo e richo, to diber moloyo ka otuene pong’ mang’ongo e ng’ute, kendo nyumego e chuny nam!

Tich Joote 10:15

Eka dwol nochako owuoyo kode mar ariyo ni, “Gimoro amora ma Nyasaye owacho ni ler, in kik iwach ni ok ler.”

Jo-Rumi 14:2

Jomoko nigi yie motegno mamiyogi thuolo mar chamo gimoro amora ma gihero, to joma onge gi yie motegno to chamo mana alot kende.

Jo-Rumi 14:21

Ber mondo iwe chamo ring’o kata madho kong’o kata timo gimoro amora manyalo miyo owadu podhi.

Jo-Efeso 2:10

Wan chuech manyien mar Nyasaye. Nochueyowa kuom Kristo Yesu mondo wabed joma timo timbe mabeyo, mane Nyasaye owuon oikonwa mondo watim.

Jo-Filipi 1:6

Ang’eyo malong’o ni Nyasaye mane ochako tich maber e chunyu biro dhi kode nyime nyaka chope chieng’ ma Yesu Kristo obiroe.

Tito 1:15

Gik moko duto ler ni joma ler, to onge gimoro kata achiel maler ni joma okethore, kendo ma ok oyie. Parogi kod chunygi okethore.