Jo-Rumi 14:19 - MUMA MALER 2015

¹⁹ Emomiyo wadwaruru matek weche makelo kue kod weche ma ng’ato ka ng’ato dikonygo owadgi.

Motingʼo Loko Manyien

¹⁹ Kuom mano, watemuru matek mondo watim gima kelo kwe kendo ma wanyalo jiworego ngʼato gi ngʼato.

Jo-Rumi 14:19 ပူးပေါင်းရင်းမြစ်များ

Zaburi 133:1

Mano kaka en gima ber kendo malong’o ka owete odak kanyakla gi kue.

Zaburi 34:14

Weuru timo richo, to timuru mana gik mabeyo. Dwaruru kue e kinde duto, mi uluw.

Mathayo 5:9

“Jothek gin johawi, nikech noluonggi ni nyithind Nyasaye.

Mariko 9:50

Kado ber, to ka ndhathe orumo, to ere kaka nochak oyud ndhathe? Beduru gi ndhadhu mondo ubed gi kue e kindu uwegi”.

Jo-Rumi 12:18

Temuru mondo kanyalore, to udag gi ji duto gi kue.

Jo-Rumi 15:2

Ng’ato ka ng’ato kuomwa mondo otim gima ber kendo malong’o ni owadgi mondo okonye bet gi yie motegno.

1 Jo-Korintho 10:23

Uwacho niya, “Ng’ato nigi thuolo mar timo gimoro amora.” Ee, mano adier, to kata kamano gik moko duto ok konywa. Ee, wan thuolo mar timo gimoro amora, to gik moko duto ok kelnwa dongruok.

1 Jo-Korintho 10:33

to timuru mana kaka atimo. Atemo bedo malong’o ni ji duto e yore duto, ka ok apar mana gima dikonya, to aparo mana gima dikony ji duto, mondo oresgi.

1 Jo-Korintho 14:26

Koro owetena, ere gima ber monego utim? E chokruoku duto, ng’ato ka ng’ato kuomu mondo obed gi wer, kata gi puonj, kata gi fweny, kata gi wach midhumo, kata gi loko wach midhumono; to mago duto onego obed makonyo chokruok.

1 Jo-Korintho 14:3

To ng’ama hulo wach moa kuom Nyasaye wuoyo gi ji, kokonyogi kendo ojiwogi kendo odwogo chunygi.

1 Jo-Korintho 14:4

Ng’at madhum gi dhok mayoreyore to konyo mana en owuon, to ng’ama hulo wach moa kuom Nyasaye to tego kanyakla mar jo-Kristo.

1 Jo-Korintho 14:5

Daher mondo un duto udhum gi dhok mayoreyore, to moloyo adwaro mondo uhul wach moa kuom Nyasaye, nikech ng’ama hulo wach moa kuom Nyasaye nigi tich maduong’ moloyo ng’ama dhum gi dhok mayoreyore, mak mana ka nitie jalok wach manyalo hulo tiend gima ng’at madhumo owacho, mondo jo-Kristo duto oyud konyruok.

1 Jo-Korintho 7:15

To ka jal ma ok oyie ema dwaro pogore gi jaode, to jaode mondo oweye aweya oa. Wach ma kamano ok otueyo owadwa kata nyaminwa. To Nyasaye oseluongou, un joma oyie, mondo udag e kue.

1 Jo-Korintho 8:1

Koro adwaro wuoyonu kuom chiemo motimgo misango ni nyiseche manono. Uwacho niya, “Wang’eyo ni wan duto wan gi rieko.” To rieko ma kamano kelo sunga, to hera to emamiyo ji dongo.

2 Jo-Korintho 12:19

Kamoro uparo ni watemo doko joma beyo e nyimu kwandikonu wechegi duto! Ooyo, wawuoyo mana e nyim Nyasaye, ka wan kuom Kristo. Osiepena, gik moko duto mwatimo, watimo mana ni mondo wagergo chunyu.

2 Jo-Korintho 13:11

Koro oritu owetena! Temuru mondo ubed joma kare, kuwinjo wechena. Beduru gi winjruok, kendo gi kue, eka Nyasach hera kod kue nobed kodu.

Jo-Efeso 4:12

Ne otimo kamano mondo omi jo-Nyasaye duto obed joma ong’eyo tich konyo ji, kendo tich gero ringre Kristo,

Jo-Efeso 4:29

Ka uwuoyo to wach moro marach kik wuog e dhou, to wachuru mana weche mabeyo kendo makonyo ji, kendo mowinjore, mondo joma winjo wecheu oyud konyruok.

1 Timotheo 1:4

Bende nyisgi mondo giwe keto chunygi kuom sigendini manono kod sigendini mag anywola, nimar mago gin mana weche makelo mbaka ma ok rum, to ok gimi ji ng’e cheno mar Nyasaye, miyudo kuom yie.

2 Timotheo 2:22

Nyaka iring ia e gombo mag yawuowi, to ibed e kanyakla mar joma sayo Ruoth gi chuny maradier, kendo madwaro bedo joadiera, kendo madwaro tim makare gi hera kod kue.

Jo-Hibrania 12:14

Temuru mondo ubed gi kue kod ji duto, kendo beduru gi ngima maler, nikech ka ng’ato ok ler, to ok none Ruoth.

1 Petro 3:11

Nyaka olokre owe timo richo, mi otim gik mabeyo, kendo nyaka odwar kue kinde duto, mi oluw,