Jo-Rumi 14:14 - MUMA MALER 2015

¹⁴ Ang’eyo maber chutho kaka ja-Kristo, ni onge chiemo moro ma inyalo luongo ni kuero. To ka ng’ato paro ni gimoro en gima kuero, to gino bedone mana kuero.

Motingʼo Loko Manyien

¹⁴ Kaka ngʼama ni ei Ruoth Yesu, angʼeyo malongʼo ni onge chiemo ma ok ler kende owuon. To ka ngʼato okawo gimoro ni ok ler, to gino dokone ma ok ler ne en owuon.

Jo-Rumi 14:14 ပူးပေါင်းရင်းမြစ်များ

Mariko 7:2

Ne gineno ka jopuonjre Yesu moko chiemo gi lwedo ma ok ler, tiende ni ne ok gilogo e yo ma chik jo-Farisai dwaro,

Tich Joote 10:28

Nowachonigi niya, “Uduto ung’eyo ni chikwa ok oyie mondo ja-Yahudi olim ng’at moro ma ok ja-Yahudi, kata osud machiegni kode. To Nyasaye osenyisa ni kik akwan ng’ato ang’ata ka ng’ama ok ler kata mogak.

Jo-Rumi 14:2

Jomoko nigi yie motegno mamiyogi thuolo mar chamo gimoro amora ma gihero, to joma onge gi yie motegno to chamo mana alot kende.

Jo-Rumi 14:20

Kik iketh tich Nyasaye mana nikech wach chiemo. En adier ni onge chiemo moro makuero, to kichamo gimoro mamiyo ng’ato podho, to iketho.

Jo-Rumi 14:23

To ng’at ma chiemo ka riwo gi kiawa, to bura oloyo, nikech gima otimo ok otim kong’eyo ni kare. Gimoro amora ma ng’ato otimo ka onge gi ratiro ni en gima kare, to en richo.

1 Jo-Korintho 10:25

Chamuru ring’o duto ma ung’iewo e chiro, ma ok uchich gi weche moko e chunyu,

1 Jo-Korintho 8:10

Ka ng’at ma chunye nyap oneni, in ma in gi rieko, kibet ichiemo e hekalu mar nyasaye manono, donge dimi obed gi chir, mi ocham chiemo motimgo misango ni nyiseche manono?

1 Jo-Korintho 8:7

To ji duto ok ong’ieyo wachno, nikech jomoko ngimagi ong’iyo gi nyiseche manono kendo kata mana sani gichamo chiemogo ka giparo ni adier otimgo misango ni nyiseche manonogo, kendo kaka chunygi nyap, giparo ni chiemogo osemiyo gidonjo e richo.

1 Timotheo 4:4

To gik moko duto mane Nyasaye ochueyo beyo, kendo onge monego ji kuer, to onego chamgi kigoyo ni Nyasaye erokamano,

Tito 1:15

Gik moko duto ler ni joma ler, to onge gimoro kata achiel maler ni joma okethore, kendo ma ok oyie. Parogi kod chunygi okethore.