Jo-Rumi 13:7 - MUMA MALER 2015

⁷ Miuru ng’ato ka ng’ato gima onego umiye, bed ni en osuru, kata luor, kata duong.’

Motingʼo Loko Manyien

⁷ Miuru ji duto gik makorgi monego umigi kaka: Joma onego chul osuru; chuluru osuru; joma juogo chuluru pesa jwok; joma onego uluor, miuru luor, kendo joma onego umi duongʼ, miuru duongʼ.

Jo-Rumi 13:7 ပူးပေါင်းရင်းမြစ်များ

1 Ruodhi 3:17

Dhako achiel nowacho niya, “Yaye ruodha, wadak gi dhani e ot achiel, kendo nanywolo nyathi ka wan kode e odno.

Wuok 20:12

“Luor wuoru gi meru, eka mondo idag aming’a e piny ma Ruoth Nyasaye ma Nyasachu biro miyou.

Ngeche 24:21

Wuoda, luor Ruoth Nyasaye, kendo luor ruoth ma rito piny. Bed mabor gi joma piem kodgi,

Ngeche 3:27

Tim ni jochan maber e sa asaya minyalo.

Tim jo-Lawi 19:3

Ng’ato ka ng’ato kuomu nyaka luor min gi wuon, kendo nyaka rit Sabato maga. An e Ruoth Nyasaye ma Nyasachu.

Tim jo-Lawi 19:32

“Nyaka uchung’ ni ng’ama duong’ ma wiye oti lwar, kumiye duong’ kendo uluor Ruoth Nyasaye ma Nyasachu. An e Ruoth Nyasaye.

Mathayo 17:25

Petro nodwokogi ni, “Ee, ogolo.” To kane Petro odonjo e ot, Yesu ema nokwongo wuoyo kode, kapenje niya, “Simon, in iparo ang’o kuom wach golo osuruni? Joma nadi magolo osuru ni ruodhi mag pinyni? Gin jopinje ruodhigo, koso gin jopinje mamoko?”

Mathayo 22:21

Ne gidwoke ni, “Gin mag Kaisar.” Eka Yesu nowachonigi niya, “Emomiyo, chiwuru ni Kaisar gi Kaisar, to gi Nyasaye chiwuru ni Nyasaye.”

Mariko 12:17

Eka Yesu nowachonigi niya, “Chiwuru ni Kaisar gi Kaisar, to gi Nyasaye chiwuru ni Nyasaye.” Kane giwinjo dwokoneno, dhogi nomoko.

Luka 20:22

To koro, nyiswa ane ka Chikwa oyie mondo wagol osuru ni Kaisar, kata kik wagol?”

Luka 20:25

Eka Yesu nowachonigi niya, “Kara chiwuru ni Kaisar gi Kaisar to gi Nyasaye chiwuru ni Nyasaye!”

Luka 23:2

mi gichako donjone kuno, ka giwacho niya, “Ne wanwang’o jali kapuonjo jowa marach, kokwerogi ni kik gigol osuru ni Kaisar, kendo kowacho ni en owuon en Mesia, tiende ni ruoth.”

Jo-Rumi 12:10

Herreuru kaka owete onego herre, ka ng’ato ka ng’ato miyo owadgi duong’ moloyo en owuon.

Jo-Rumi 13:6

Mano bende ema omiyo onego ugol osuru, nikech ka joma nigi loch tiyo tichgi to gitiyo ni Nyasaye.

Jo-Efeso 5:33

To un bende owuoyo kuomu kama: Ng’ato ka ng’ato mondo oher chiege kaka oherore owuon, kendo dhako ka dhako bende nyaka luor chwore.

Jo-Efeso 6:5

Un wasumbini, winjuru wach ruodhiu mae pinyni, kuluor kendo kutetni, kendo timuru kamano gi chuny achiel, mana kaka uwinjo Kristo.

1 Timotheo 5:13

Bende ka giwuotho e mier ka gitiyo, to gipuonjore doko josamuoyo, to ok mana josamuoyo kende, to bende giting’o weche koni gi koni, kendo gidonjo e weche ma ok mekgi, ka giwacho gik ma ok owinjore giwachi.

1 Timotheo 5:17

Jo-Kristo nyaka kwan jodongo motelo ni kanyakla mar jo-Kristo maber ka joma owinjore yud pok nyadiriyo, to moloyo onego gipar joma keto chunygi kuom tich lando wach, kendo kuom puonjo ji.

1 Timotheo 6:1

Owete manie tich misumba nyaka kwan ruodhigi ka joma onego mi luor duto, mondo kik ji cha nying Nyasaye, kod wach mwapuonjo.

1 Petro 3:7

Un chwo bende daguru gi mondu ka ung’eyo ni gin chuech mang’aw. Omiyo nyaka umigi luor, nimar gin bende giyudo kodu mich mar ngima ma Nyasaye chiwo kuom ng’wonone. Kutimo kamano, to onge gimoro mabiro monou lemo.

1 Samuel 12:18

Kamano Samuel nokwayo Ruoth Nyasaye, mi Ruoth Nyasaye nomiyo polo omor, kendo koth ochue, chieng’no. Omiyo ji duto noluoro Ruoth Nyasaye ahinya, kod Samuel bende.