Jo-Rumi 13:5 - MUMA MALER 2015

⁵ Mano emomiyo nyaka iluor joma nigi loch, ok nikech mirimb Nyasaye kende, to nikech kata e chunyi iwuon ing’eyo ni mano en gima kare.

Motingʼo Loko Manyien

⁵ Kuom mano, owinjore mondo ngʼato ka ngʼato owinj jorit loch, ok mana nikech inyalo yudo kum kende, to bende nikech chunyi neno ni mano ber.

Jo-Rumi 13:5 ပူးပေါင်းရင်းမြစ်များ

Eklesiastes 8:1

Ng’at mariek ema ong’eyo tiend gik moko. Rieko miyo wang’e rieny, kendo tieko ich wang’ ma en go.

Eklesiastes 8:2

Nyaka itim gima jatelo owacho, kendo kik irikni kisingore ni ibiro chiwo ni Nyasaye gimoro.

Tich Joote 24:16

Kuom mano, an bende aritora mondo abed gi chuny makare e nyim Nyasaye kendo e nyim ji ndalo duto, mana kaka gin.

Jo-Rumi 13:6

Mano bende ema omiyo onego ugol osuru, nikech ka joma nigi loch tiyo tichgi to gitiyo ni Nyasaye.

Jo-Hibrania 13:18

Lemnwauru alema, nikech wang’eyo ni waonge gi wach ma chunywa ketonwae bura, nimar wadwaro mana timo maber e yore duto.

1 Petro 2:19

Ka ng’ato ong’eyo ni Nyasaye ni kode, kendo mano omiyo odhil e sandruok moyudo, kata obedo ni onge ketho moro mosetimo, to mano e gima Nyasaye oyiego.

1 Petro 3:16

To timuru kamano gi muolo kod luor, kendo nyaka ubed gi chuny maler, mondo timu maber kaka jo-Kristo okuod wi jogo mayanyou, kendo hangonu wach.