Jo-Rumi 13:4 - MUMA MALER 2015

⁴ nikech gin jotich Nyasaye matiyo mondo okonyi. To ka itimo marach to gin jotich Nyasaye matoyo mirimb Nyasaye kuom joketho.

Motingʼo Loko Manyien

⁴ Nimar en jatich Nyasaye moketo mondo okonyi. To ka itimo marach, to bed abeda maluor nikech ok otingʼ ligangla kayiem! En jatich Nyasaye machulo kuor gi mirima kokumo ngʼama timo marach.

Jo-Rumi 13:4 ပူးပေါင်းရင်းမြစ်များ

1 Ruodhi 10:9

Apako Ruoth ma Nyasachi moheri, kendo oketi ruodh Israel. Ruoth Nyasaye oseketi ruoth ni mondo ing’ad bura kare.”

2 Weche mag Ndalo 19:6

kendo nowachonigi niya, “Paruru gima utimo, nimar ung’ad bura e nying dhano, to ung’ado e nying Ruoth Nyasaye, nikech en kodu kung’ado bura.

Ngeche 16:14

Pile ng’at mariek dwaro ni mondo ruoth obed mamor, nimar kokecho, to mirimbe nyalo kelo ni ng’ato tho.

Ngeche 20:2

Ka ruoth okecho, to nyaka iluore, mana kaka iluoro sibuor karuto, nikech kimedo wang’o iye, to ichalo mana gi ng’ama dere.

Ngeche 20:26

Ruoth mariek fwenyo joketho, kendo okumogi ma ok okechogi.

Ngeche 20:8

Ruoth mobet e kom duong’ne kang’ado bura piedho weche maricho duto gi wang’e.

Isaya 1:17

kendo uwe timo richo to utim mana gik mabeyo. Luwuru mana adiera, kendo konyuru joma ithiro. Bende nyaka une ni nyithi kiye kod mond liete oyal buchegi kare.”

Jeremia 5:28

bende emomiyo gichwe kendo dendgi leny. Timbegi maricho ng’eny mokadho akwana. Ok gikony nyithi kiye mondo oyud bura makare, bende ok ging’ad bura makare ni joma odhier.

Ezekiel 22:27

Ruodhi chalo gi otoche ma kidho le ma gimako. Gichuero remo mondo giyud mwandu.

Ezekiel 25:14

Joga Israel nochulna kuor kuom jo-Edom, kendo gitimnigi mana kaka mirimba mager chalo. Kamano jo-Edom nong’e kaka kuor ma achulo lit! An Ruoth Nyasaye ema awacho kamano.”

Mika 3:9

Winjuru, un jo-Israel mochayo timbe makare, kendo ma loko adiera bedo miriambo.

Jo-Rumi 12:19

Osiepena, kik uchul kuor, to kar chulo kuor to weuru mondo mirimb Nyasaye ema otim kamano, nikech ondiki e Muma ni Ruoth Nyasaye owacho niya, “An ema nachul kuor. Adier, anachul maonge kiawa!”

Jo-Rumi 13:6

Mano bende ema omiyo onego ugol osuru, nikech ka joma nigi loch tiyo tichgi to gitiyo ni Nyasaye.

1 Jo-Thesalonika 4:6

Kik ng’ato tim ni wadgi marach, kata wuond wadgi e wachni, nikech Ruoth nochul kuor kuom wechegi duto, mana kaka ne wawachonu chon ka wasiemou matek.

Joshua 20:5

Ka ng’ato madwaro chulo kuorno oluwe nyaka kuno, to jodalano kik chiwe, to girite, nikech nonego nyawadgi mana kuom both, to ok nikech ne gimonre.

Joshua 20:9

Mago ne gin mier mane ng’at moneko nyalo tonyie. Ne oketgi ni jo-Israel duto, kendo ni jodak mane ni kodgi. Ng’ato ang’ata mane oneko kobothne, ne nyalo ringo kuno, mondo ng’at ma dwaro chulone kuor kik nege, kapok oyale e nyim oganda.

1 Petro 2:14

kendo rituru bende chike mag jotelo ma gin joma en ema oketo mondo okum joma ketho, to opak joma timo maber.