Jo-Rumi 13:2 - MUMA MALER 2015

² Omiyo ng’ama tamore winjo wach joma nie loch to tamore winjo mana gima Nyasaye ema oketo. Ng’ato ang’ata matimo kamano nokel kum kuome owuon,

Motingʼo Loko Manyien

² Omiyo, ngʼama otamore winjo joma ni e loch, to otamore winjo gima Nyasaye ema oketo, kendo joma timo kamano biro yudo kum kuomgi giwegi.

Jo-Rumi 13:2 ပူးပေါင်းရင်းမြစ်များ

Wuok 16:8

Eka Musa nomedo wacho niya, “Ruoth Nyasaye ema biro miyou kuon mang’eny mondo ucham gokinyi, nimar osewinjo kaka uywakne. Wan ok uywagnwa, to Ruoth Nyasaye ema uywakne, nikech wan ok wan gimoro.”

Isaya 58:2

Kata obedo ni gin joricho kamano, to pod gidwara pilepile, kendo gihero ng’eyo yorena, mana ka oganda ma timo gik makare, kendo ma ok oweyo chik Nyasaye. Gikwaya mondo amigi chike makare, kendo giwacho ni gimor ka gisudo machiegni koda.

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [

Mariko 12:40

Gin e joma yako ut mond liete, ka giriasore gi lemo moyware. Gininwang’ kum marach moloyo!”

Luka 20:47

Gin joma yako ut mond liete, ka giriasore gi lemo moyware. Gininwang’ kum marach moloyo!”

Jo-Rumi 13:1

Ng’ato ka ng’ato nyaka winj wach joma nigi teko mar loch, nimar teko duto wuok mana kuom Nyasaye, kendo joma nigi tekogo, Nyasaye ema oketo.

Jo-Rumi 13:3

nikech joma nie loch ok nyal bwogo joma timo maber, to mak mana joma timo marach ema gibwogo. Donge idwaro ni mondo joma nigi loch kik bwogi? Kara tim atima gik mabeyo, eka joma nigi loch nopaki,

Jo-Rumi 13:5

Mano emomiyo nyaka iluor joma nigi loch, ok nikech mirimb Nyasaye kende, to nikech kata e chunyi iwuon ing’eyo ni mano en gima kare.

Jo-Rumi 9:19

To ang’eyo ni ng’ato kuomu biro penja niya, “Ka onge ng’ama nyalo geng’o gima Nyasaye dwaro kamano, to ere gima omiyo Nyasaye pod dhaw gi ji?”

Tito 3:1

Par ni ji mondo ochiw luor ni joma nigi loch kod joma nigi teko, ka giwinjo wachgi kendo giikore tiyo tije mabeyo duto.

Jakobo 3:1

Owetena, kik ji mang’eny kuomu bed jopuonj, nimar nyaka ung’e ni wan jopuonj nong’adnwa bura malit moloyo ji moko.

1 Petro 2:13

Winjuru chike duto ma joloch oketo, nikech uhero Ruoth Yesu. Adier, rituru chike mag ruodh piny, ma en ng’ama duong’ moloyo,