Jo-Rumi 13:10 - MUMA MALER 2015

¹⁰ Ka ihero wadu, to ok inyal timone marach. Mano emomiyo hera chopo chik duto.

Motingʼo Loko Manyien

¹⁰ Hera ok tim gima rach ni wadgi. Kuom mano, hera ema ochopo chike duto.

Jo-Rumi 13:10 ပူးပေါင်းရင်းမြစ်များ

Mathayo 7:12

“Pile timuru ni jowadu mana kaka duher mondo gin bende gitimnu. Mano e tiend Chik Musa gi tiend puonj Jonabi.

Johana 13:34

Amiyou chik manyien ni mondo uherru. Kaka aseherou e kaka ng’ato ka ng’ato mondo oher wadgi.

Jo-Rumi 13:8

Kik ubed gi gop ng’ato, to gowi kende ma unyalo bedogo en mana hera ma onego uhergo jowadu. Ng’at mosehero wadgi to osechopo Chik Musa duto.

Jo-Galatia 5:14

nikech chik duto ichopo e wach achiel niya, “Her wadu kaka iherori iwuon.”

Jakobo 2:8

Ka umako chik Ruoth ma ondiki e Muma ni, “Her wadu kaka iherori iwuon,” to utimo gima kare.