Jo-Rumi 12:9 - MUMA MALER 2015

⁹ Herau mondo obed maonge miganga. Beduru mosin gi gik maricho, to sikuru kuom gik mabeyo.

Motingʼo Loko Manyien

⁹ Hera nyaka bed mar adier. Beduru mosin gi timbe maricho; padreuru kuom gik mabeyo.

Jo-Rumi 12:9 ပူးပေါင်းရင်းမြစ်များ

Zaburi 101:3

Adier, abiro bet mabor gi richo. Asin gi timbe joma weyo Nyasaye, kendo ok nariwra kodgi kata matin.

Zaburi 119:104

Chikeni ema miya rieko, omiyo achayo timbe duto maricho.

Zaburi 119:163

Asin gi miriambo, kendo ajokgo, to chikni ema ahero.

Zaburi 34:14

Weuru timo richo, to timuru mana gik mabeyo. Dwaruru kue e kinde duto, mi uluw.

Zaburi 36:4

Ochano gik mamono koriere e kitanda. Timne rach, omiyo ok onyal kwero gimoro marach.

Zaburi 45:7

Ihero timbe makare to imon gi timbe maricho. Mano emomiyo Nyasaye ma Nyasachi oseyieri ruoth, mowiri gi mo komiyi mor mang’eny moloyo mor ma osemiyo jowadu.

Zaburi 55:21

En jambola, to chunye opong’ gi sigu. Adier, wechene yom ka mo, to kara gibitho mana ka ligangla mowuodhi e olalo!

Zaburi 97:10

A Nyasaye, ihero joma mon gi richo. Irito ngima jogi, kendo iresogi e lwet joricho.

Ngeche 26:25

Kata obedo ni wechenego mit kamano, to kik iyie kode, nikech chunye sigu opong’o.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Ezekiel 33:31

Kuom mano joga chokore mondo owinj gima iwacho, to kata obedo ni iwachonigi gima onego gitim, to ok gitim. Miriambo ema gihero kendo pesa ema giketoe chunygi.

Amos 5:15

Beduru mamon gi gik maricho, to heruru gik mabeyo, kendo gururu bura makare e ut bura, nikech dipo ka Ruoth Nyasaye Manyalo Gik Moko Duto otimo ng’wono ni joka Josef modong’.

Mathayo 26:49

Kamano Judas nodhi ir Yesu piyo-piyo, monyodhe, komose ni, “Misawa, japuonj.”

Johana 12:6

To ne ok owach kamano nikech ne oparo joma odhier adier, to nowacho kamano mana nikech ne en jakuo, kendo kaka ne en jakeno mar jopuonjre, nothoro kawo pesa morito.

Tich Joote 11:23

Kane ochopo kuno, mi oneno kaka Nyasaye oseguedho ji, ne odoko mamor, mi ojiwogi giduto, mondo giket chunygi kuom Ruoth, kendo gipadre kuome.

2 Jo-Korintho 6:6

Wanyisore kuom timbewa makare, kendo kuom rieko, gi timo kinda, gi ng’wono, gi Roho Maler, gi hera maradier,

2 Jo-Korintho 8:8

Ok aketnu chik, to anyisou mana hera ma jomoko nono nigo, mondo ane ane ka herau en hera maradier.

1 Jo-Thesalonika 2:3

Ok wahomb ji gi wach mar miriambo, kata mar dwanyruook, kata mar miganga,

1 Jo-Thesalonika 5:15

Neuru ni onge ng’ato machulo richo kar richo, to ndalo duto temuru mondo utim maber e kindu uwegi, kendo ni ji duto.

1 Jo-Thesalonika 5:21

Temuru gik ma kamago duto, kendo rituru mabeyo kuomgi,

1 Timotheo 1:5

Gima omiyo ne anyisi mondo itim kamano en ni mondo hera mawuok e chuny maler maonge bura, kendo man gi yie maradier, obedie.

Jo-Hibrania 1:9

Ihero timbe makare, to imon gi timbe maricho. A Nyasaye, mano emomiyo Nyasachi oseyieri ruoth, mowiri gi mo, komiyi mor mang’eny moloyo mor mosemiyo jowadu.”

Jo-Hibrania 12:14

Temuru mondo ubed gi kue kod ji duto, kendo beduru gi ngima maler, nikech ka ng’ato ok ler, to ok none Ruoth.

Jakobo 3:17

To rieko moa e polo malo, opogore gi mano. Mokwongo oler, kendo okelo kue. Omuol, bende oikore winjo wach. Opong’ gi ng’wono, kendo onyago timbe mabeyo. Ok odew wang’ ji to bende ok ogang wach.

1 Petro 1:22

Koro kaka usepwodho chunyu kuom winjo wach mar adiera, kendo uheroru maonge miganga kaka owete, omiyo herreuru chuth gi chunyu duto,

1 Petro 4:8

To moloyo nyaka uherru gi chunyu duto, nikech hera miyo iweyo ni ji richo mang’eny.