Jo-Rumi 12:8 - MUMA MALER 2015

⁸ kendo ka tich ng’ato en jiwo ji, to mondo otim kamano. Ka en jachiwo to mondo ochiw mabup. Ng’at momi mich mar bedo jatelo bende mondo otel ni ji katimo kinda. To ng’at makonyo ji mondo otim kamano gi mor.

Motingʼo Loko Manyien

⁸ Ka en jiwo ji, to mondo ojiw ji; ka en chiwo ne joma ochando, to mondo ochiw gi ngʼwono; ka en telo, to mondo orit ji gi kinda; ka en kecho ji, to mondo otime komor.

Jo-Rumi 12:8 ပူးပေါင်းရင်းမြစ်များ

Chakruok 18:19

Aseyiere mondo ochik nyithinde kod nyikwaye oluw yorena ka gitimo timbe mabeyo kendo makare. Kamano natimne gik moko duto ma nasesingorane.”

Zaburi 112:9

Opogo gige ni jochan gi chuny maler. Ngwonone osiko nyaka chieng’. Obiro bedo gi teko, kendo obiro yudo luor.

Zaburi 37:21

Ng’at ma timbene richo holo, to ok chul gima oholo. Ng’at maber to ng’won, kendo konyo ji.

Ngeche 22:9

Ng’at mang’won to noyud gueth, nikech opogo chiembe ni jochan.

Eklesiastes 11:6

Onego ichwo kodhi okinyi godhiambo, nikech ok ing’eyo kata gibiro twi giduto.

Eklesiastes 9:10

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Isaya 32:5

Ng’at ma achach ok nochak oluong ni ng’at malong’o, bende ng’at ma jamganga ok nochak oluong ni ng’ama ogen,

Isaya 32:8

Ng’at ma jaadiera to paro mana gik makare, kendo ok we adiera kata matin.

Isaya 64:5

Ihero ng’at matimo tim makare ka mor, kendo ma paro yoreni. Kata kane ikecho kamano, to wan ne pod watimo richo atima. Wasesiko gi richowa ndalo mang’eny. Koro bende niwarwa adier?

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

Tich Joote 11:23

Kane ochopo kuno, mi oneno kaka Nyasaye oseguedho ji, ne odoko mamor, mi ojiwogi giduto, mondo giket chunygi kuom Ruoth, kendo gipadre kuome.

Tich Joote 13:12

Kane ruoth oneno gima otimoreno, noyie kuom Yesu, kendo nohum nono kuom puonj Ruoth Yesu.

Tich Joote 13:15

Kane osesom weche moko moa e Chik Musa, kod mag Jonabi, jodong od lemo nokowonigi wach ni, “Owetewa, ka un gi wach moro madujiwgo ji, to wachuru.”

Tich Joote 15:32

Juda gi Sila, mane gin johul wach moa kuom Nyasaye, ne jowuoyo gi owete ka gijiwogi gi weche mang’eny, kendo gimiyogi teko.

Tich Joote 20:2

Ne owuotho e gwengego kolando Wach Maber, kendo kojiwo owete gi weche mang’eny. Bang’e nochweyo nyaka piny Gris,

Tich Joote 20:28

To tang’uru, kendo rituru kueth duto ma Roho Maler osemiyou mondo uriti. Beduru jokwath mag kanyakla mar joma oyie kuom Nyasaye mane ong’iewo gi remb Wuode owuon.

Tich Joote 4:36

Kamano bende e kaka ja-Lawi moro moa Saipras ma nyinge Josef, mane joote ochako bende ni Barnaba, (Tiende ni jal majiwo ji,)

Jo-Rumi 12:13

Poguru giu ni jo-Nyasaye modhier, kendo beduru joma ohero rwako welo.

Jo-Rumi 13:6

Mano bende ema omiyo onego ugol osuru, nikech ka joma nigi loch tiyo tichgi to gitiyo ni Nyasaye.

1 Jo-Korintho 12:28

Nyasaye oseketo ji e kanisane ma en kanyakla mar jo-Kristo duto, kama: mokwongo joote, mar ariyo johul wach moa kuom Nyasaye, mar adek jopuonj, eka joma timo honni, bang’e joma omi teko mar chango ji, gi joma konyo ji, gi joma omi tich telo ni ji, kod madhumo dhok mayoreyore.

1 Jo-Korintho 14:3

To ng’ama hulo wach moa kuom Nyasaye wuoyo gi ji, kokonyogi kendo ojiwogi kendo odwogo chunygi.

2 Jo-Korintho 1:12

To gimoro achiel mamiyowa mor en ni: wang’eyo malong’o e chunywa ni adier mar Nyasaye ema osetelonwa e kindwa gi ji, to moloyo to wasebet kamano mana kuom ng’wono mar Nyasaye, to ok kuom rieko mar dhano.

2 Jo-Korintho 11:3

To aluor ni kaka thuol nowuondo Hawa gi riekone parou bende kamoro inyalo wuondo mi uwe hero Kristo kende gi chunyu duto.

2 Jo-Korintho 8:12

Ka uketo chunyu kuom chiwo, to Nyasaye biro yie mana gi gima uchiwo, to ok odwar mondo uchiw gima uongego.

2 Jo-Korintho 9:11

Enomi udok jomwandu ahinya e gik moko duto, mondo ubed jong’wono ndalo duto, kendo mano nomi ji mang’eny goni Nyasaye erokamano nikech chiwou ma wamiyogi.

2 Jo-Korintho 9:13

Chiwouni biro nyiso ni umako chik Nyasaye, kendo ni uhulo Wach Maber man kuom Kristo gi adiera, omiyo gibiro miyo Nyasaye duong’, kendo ginipake nikech ng’wono ma utimonigi, kendo ni ji duto.

2 Jo-Korintho 9:7

Ng’ato ka ng’ato mondo ochiw kaka oseparo e chunye, ma ok ochune, kendo ma ok oywago ang’e, nikech jachiwo mamor ema Nyasaye ohero.

Jo-Efeso 6:5

Un wasumbini, winjuru wach ruodhiu mae pinyni, kuluor kendo kutetni, kendo timuru kamano gi chuny achiel, mana kaka uwinjo Kristo.

Rapar mar Chik 15:14

mak ikowe mabup gi jamni kod cham gi divai. Bedne mang’won, mana kaka Ruoth Nyasaye ma Nyasachu osebedoni mang’won.

Rapar mar Chik 16:11

Un kaachiel gi yawuotu kod nyiu, gi wasumbu machwo kod mamon, gi jo-Lawi modak e miechu gi jopinje mamoko gi nyithindo ma kiye kod mond liete modak kodu, nubed mamor e nyim Ruoth Nyasaye ma Nyasachu, kama obiro yiero mondo nyinge obedie.

Jo-Kolosai 3:22

Un wasumbini bende, winjuru chutho ruodhiu mae pinyni, kendo ka utiyo, to kik uti mana ni mondo ji oneu, ka gima udwaro bedo malong’o ni ji, to keturu chunyu e tichu, nikech uluoro Ruoth

1 Jo-Thesalonika 2:3

Ok wahomb ji gi wach mar miriambo, kata mar dwanyruook, kata mar miganga,

1 Jo-Thesalonika 2:8

To ne waherou ahinya, omiyo ne ok wayie mana chiwore mondo wamiu Wach Maber mar Nyasaye kende, to ne wayie miyou chunywa bende, nikech hera maduong’ mane waherougo.

1 Timotheo 4:13

Ket chunyi kuom somo ni ji Wach Nyasaye, kendo kuom lando wach, kendo kuom puonjo ji, nyaka chieng’ moro abi.

1 Timotheo 5:17

Jo-Kristo nyaka kwan jodongo motelo ni kanyakla mar jo-Kristo maber ka joma owinjore yud pok nyadiriyo, to moloyo onego gipar joma keto chunygi kuom tich lando wach, kendo kuom puonjo ji.

1 Timotheo 6:18

Nyisgi mondo gibed joma timbegi beyo, ka timbegigo ema obedonigi mwandu mogundho, mayie pogo gik ma gin-go ni jowetegi.

Jo-Hibrania 10:25

Kik wawe mak wachokore kaachiel, kaka jomoko oseweyo timo, to nyaka wajiwreuru ng’ato gi ng’ato, to moloyo onego utim kamano kuneno ka Chieng’ Ruoth sudo machiegni.

Jo-Hibrania 13:17

Winjuru wach jotendu, kendo timuru gik ma giwacho. Giritou odiechieng’ gotieno ma ok giyue, nikech nyaka ginyis Nyasaye wach kaka gisetiyo. Ka uluorogi, to gibiro tiyo gi mor to ka uchayogi to ginyalo tiyo ka gijur, to mano ok nyal konyou.

Jo-Hibrania 13:22

To akwayou owetena ni yieuru gi wach ma ajiwougoni, nikech asendiko mana weche manok kende.

Jo-Hibrania 13:24

Mosnauru jotendu duto, kod jo-Nyasaye duto. Owetewa ma jo-Italia bende omosou.

Jo-Hibrania 13:7

Paruru jotendu mane owachonu wach Nyasaye. Paruru kaka ngimagi ne chalo, kod tich mane gitiyo, mondo un bende ubed gi yie machalo gi yie mane gin-go.