Jo-Rumi 12:20 - MUMA MALER 2015

²⁰ Muma wacho bende niya, “Ka jasiki odenyo, to miye chiemo, kendo ka riyo oloye to miye pi omodhi, nikech kitimo kamano, to inege gi wichkuot.”

Motingʼo Loko Manyien

²⁰ To bende Muma wacho niya, “Ka jasiki odenyo, to miye chiemo; ka riyo oloye, to miye gimoro omodhi, ka itimo kamano, ibiro choko chuk mach maliel e wiye.”

Jo-Rumi 12:20 ပူးပေါင်းရင်းမြစ်များ

Chakruok 42:25

Eka Josef nogolo chik mondo oket cham e ogundegi, kendo mondo odwok ni ng’ato ka ng’ato pesane e ogunde, to bende mondo omigi chiemo moromogi chamo e wuodhgi ka gidok. Mi notimnigi kamano.

2 Ruodhi 6:22

To nodwoke ni, “Kik ineggi! Bende dineg ji mimako e lweny adier? Migi chiemo mondo gichiem, eka gidog ir ruodhgi.”

Zaburi 120:4

Nokumu mana kichielou gi aserni mabitho mag jolweny, kata kiwang’ou gi mach moowore haa!

Zaburi 140:10

Onego mirni mag mach maliel makwar wang’gi, mondo kik giwuog oko kendo.

Mathayo 5:44

An to awachonu ni nyaka uher wasiku, kendo ulam Nyasaye ni joma sandou,

Luka 6:27

“To un joma winjo wachna, awachonu ni, nyaka uher wasiku, kendo utim maber ni joma mon kodu.

Jo-Rumi 12:21

Kik uwe richo lou, to timuru gik mabeyo mondo ulogo richo.

1 Samuel 26:21

Eka Saulo nowacho niya, “Aseketho. Duogi, Daudi wuoda. Ok nachak atimni gima dihinyi, nikech nende iluoro ngimana. Awuoro, asefuwo, kendo alal marach.”