Jo-Rumi 12:2 - MUMA MALER 2015

² Kik uluw timbe mag pinyni, to lokreuru mondo parou odok manyien, eka ubiro ng’eyo gik ma Nyasaye dwaro. Gin gik mabeyo kendo malong’o ma Nyasaye oyiego.

Motingʼo Loko Manyien

² Kik koro ulu kit ngima pinyni, to lokreuru ka parou doko manyien pile, eka unubed gi nyalo mar pimo kendo ngʼeyo dwach Nyasaye, ma en dwache maber, mowinjore kendo malongʼo chuth.

Jo-Rumi 12:2 ပူးပေါင်းရင်းမြစ်များ

Ezra 10:11

To koro huluru richou ni Ruoth Nyasaye ma Nyasach kwereu, kendo lokreuru mondo utim gima odwaro, kupogoru kuom joma ok jo-Yahudi, kendo kuom nyigi ma usekendo.”

Zaburi 119:103

Mano kaka chikeni mit. Adier, gimit moloyo mor kich!

Zaburi 119:128

Kuom mano, aluwo chikeni duto, to yore maricho duto amon-go.

Zaburi 119:174

Mano kaka adwaro resruok moa kuomi! Chikeni ema miya mor, A Ruoth Nyasaye.

Zaburi 119:72

Chik mawuok e dhogi berna. Moloyo fedha gi dhahabu mogundho.

Zaburi 119:97

Mano kaka ahero chikni! Apare odiechieng’ duto.

Zaburi 34:8

Neye kendi kaka Ruoth Nyasaye ber! Ng’at ma ogeno kuome en jahawi.

Zaburi 51:10

A Nyasaye, chuena chuny manyien, kendo miya paro malong’o mopong’ gi luor.

Wuok 23:2

Kik itim gimoro marach mana nikech iluoro koma ji ng’enyie, kata kik iketh bura mana nikech idwaro chwako koma ji ng’enyie.

Ezekiel 18:31

Adier, weuru richo duto ma usebedo ka utimo mondo ubed gi chuny manyien kod paro malong’o. Ere gima omiyo udwaro tho, un jo-Israel?

Ezekiel 36:26

Anamiu chuny manyien kod paro manyien. Bende anagol kuomu chuny matek ka lwanda, mi amiu chuny malong’o.

Mathayo 13:22

Kodhi mane olwar e kind kudho, to e ng’at mawinjo wach to paro mag piny gi ber mar mwandu thung’o wachno, mi ok nyag gimoro.

Mariko 4:19

to paro mag piny kod ber mag mwandu, gi gombo mar gik moko, donjo e chunygi, kendo thung’o wachno, mi wachno ok nyag gimoro.

Johana 14:30

Koro okabi wuoyo kodu mathoth, nikech jatend pinyni okayo machiegni. To oonge gi teko kuoma!

Johana 15:19

Ka da bed ni un mag pinyni, to da piny ohero gire owuon. To piny mon kodu nikech aseyierou kuom piny, omiyo koro ok un mag piny.

Johana 17:14

Asenyisogi wachni, mi piny odoko mamon kodgi, nikech ok gin mag piny, mana kaka an bende ok an mar pinyni.

Johana 7:7

Un piny ok nyal mon kodu to an omon koda nikech kinde duto asiko kanyise ni timbene richo.

Jo-Rumi 12:1

Emomiyo owetena, asayou kuom ng’wono mar Nyasaye mondo uchiw ringreu obed misango mangima kendo maler ma Nyasaye nyalo yiego, nikech mano e yo maradier mar lemo monego uluw.

Jo-Rumi 13:14

To rwakreuru gi Yesu Kristo kaka okumbau, kendo weuru keto chunyu kuom paro gik ma ringruok gombo.

Jo-Rumi 7:12

Kuom mano, Chik Musa en gima ler, kendo chike moting’o bende ler, kendo kare, kendo beyo.

Jo-Rumi 7:14

Wang’eyo malong’o ni Chik Musa ber, nikech oa kuom Nyasaye. An to an mana dhano matho, moseng’iew modoko misumba richo.

Jo-Rumi 7:22

E chunya maiye to amor gi Chik Nyasaye,

1 Jo-Korintho 3:19

nikech rieko mar pinyni en mana fuwo e wang’ Nyasaye. Nitie wach moro e Muma mawuoyo kuom Nyasaye kama: “En ema omako jorieko gi riekogi giwegi.”

2 Jo-Korintho 4:4

Gin joma ok yie, ma nyasach pinyni osedino chunygi, mondo kik gine ler ma Wach Maber manyiso ji duong’ maler mar Kristo, ma en owuon e kido mar Nyasaye.

2 Jo-Korintho 5:17

Ka ng’ato obedo kuom Kristo to ochueye ng’ama nyien. Gik moko duto machon osekadho, kendo gik manyien osechopo.

Jo-Galatia 1:4

Ruodhwa Yesu Kristo ema ne ochiwore owuon nikech richowa, mondo oreswa e piny marach ma kawuononi, koyie timo kaka Nyasaye Wuonwa dwaro.

Jo-Efeso 1:18

Akwayo ni chunyu oyawre mondo ung’e gima ugeno moseluongoue kendo ung’e kaka guethne mosesingore ni nomi joge ogundho,

Jo-Efeso 2:2

E ndalogo, yore richo ema ne uwuothoe, kuluwo timbe mag pinyni. Ne uwinjo wach ruodh teko mar kind polo gi piny, ma en chuny ma koro tiyo kuom joma otamore yie kuom Nyasaye.

Jo-Efeso 5:17

Kuom mano, kik ubed joma ofuwo, to temuru ng’eyo gima Ruoth dwaro.

Jo-Kolosai 1:9

Mano emomiyo, chakre chieng’ mane onyisowae kamano, pok waweyo mak walemonu, kwakwayo ni mondo ung’e dwaro mar Nyasaye chutho, ka un gi rieko kod ng’eyo duto ma Roho chiwo.

Jo-Kolosai 3:10

mi urwako dhano manyien mamedo doko manyien pile, mondo obed machal gi kit jachwechne, mi omi ung’e Nyasaye chuth.

Jo-Kolosai 4:12

Epafra ma bende jathuru, kendo ma misumba Yesu Kristo, bende ooronu mos. Pile olemonu matek, kokwayo Nyasaye mondo omi uchung’ motegno ka jo-Kristo maradier, kuketo chunyu kuom timo gik moko duto ma Nyasaye dwaro.

1 Jo-Thesalonika 4:3

Nyasaye dwaro ni mondo ubed joma ler, omiyo nyaka uwe terruok.

Tito 3:5

nowarowa. Ne ok owarowa nikech tim makare moro amora ma wan wawegi ne wasetimo, to nowarowa mana nikech ng’wonone owuon. Nowarowa gi lwok mane Roho Maler okelonwago nywol manyien kod ngima manyien.

Jakobo 1:27

Lemo mar adier kendo maler e nyim Nyasaye Wuoro, en limo nyithi kiye gi mond liete e chandruokgi, kendo bende gi ritruok kuom richo mag piny.

Jakobo 4:4

Un joma ok rit singruok mana ka mon moweyo chwogi! Donge ung’eyo ni ka uhero piny, to un wasik Nyasaye?

1 Petro 1:14

Luoruru Nyasaye kubedo ka nyithindo ma winjo wach, kendo kik uyie gombo mane un-go e ndalo moko kane pod ukia Nyasaye chak telnu e ngimau.

1 Petro 1:18

Ung’eyo ni kane owaru kuom timbeu manono mane uyudo kuom kwereu, to ne ok owaru gi gik matow kaka fedha kata dhahabu,

1 Petro 2:3

nimar kaka Muma wacho, usebilo ng’wono mar Ruoth.

1 Petro 4:2

Ikreuru kamano, mondo kuom ndalo mapod udakgo e piny, kik utim mana gik ma dhano gombo, to timuru mana gik ma Nyasaye dwaro.

2 Petro 1:4

Kamano osemiyowa singruok madongo kendo ma nengogi tek, mondo kuom singruokgo utony e kethruok ma gombo osekethogo piny, mondo ukaw kit Nyasaye owuon.

2 Petro 2:20

Ka ji osetony e kethruok mar pinyni nikech ging’eyo Ruodhwa kendo Jawarwa Yesu Kristo, to eka gichako giduodore e kethruok, mi kethruok makogi, to ngima ma gibedogo achien doko marach moloyo ngima mane gin-go mokwongo.

1 Johana 3:13

Owetena, kik ubwogi ka uneno ka piny mon kodu.

1 Johana 5:19

Wang’eyo ni wan mag Nyasaye, to piny duto bende nie lwet Ng’ama Rach.

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.

Fweny 13:8

Ji duto modak e piny lame, mak mana jogo ma nyinggi ondiki e kitap ngima mar Nyarombo mane onegi, chakre chuech piny.