Jo-Rumi 12:17 - MUMA MALER 2015

¹⁷ Ka ng’ato otimonu marach, to kik uchulne kuor, to keturu chunyu kuom timo gik ma ji duto oyiego ni beyo.

Motingʼo Loko Manyien

¹⁷ Kik uchul ngʼato angʼata rach kar rach. Neuru ni utimo gima ji duto oyiego ni ber.

Jo-Rumi 12:17 ပူးပေါင်းရင်းမြစ်များ

Chakruok 42:25

Eka Josef nogolo chik mondo oket cham e ogundegi, kendo mondo odwok ni ng’ato ka ng’ato pesane e ogunde, to bende mondo omigi chiemo moromogi chamo e wuodhgi ka gidok. Mi notimnigi kamano.

Ngeche 20:22

Kik ichul kuor kuom gima rach ma ng’ato otimoni, to gen kuom Ruoth Nyasaye mondo olosni wachno.

Ngeche 24:29

Kik iwach niya, “Abiro timone mana gima nyocha otimona! Adier, abiro chulone kuor!”

Mathayo 5:24

to nyaka iwe michno e nyim kendo-mar-misango kanyo, mi idhi ir waduno piyopiyo mondo ikwong ilos kindi kode. Eka idwogi, ichiw michno.

Mathayo 5:39

An to awachonu ni kik uchul kuor ni joma otimonu marach. Ka ng’ato othalo lembi ma korachwich, to lokne komachielo bende mondo othal.

Jo-Rumi 12:19

Osiepena, kik uchul kuor, to kar chulo kuor to weuru mondo mirimb Nyasaye ema otim kamano, nikech ondiki e Muma ni Ruoth Nyasaye owacho niya, “An ema nachul kuor. Adier, anachul maonge kiawa!”

Jo-Rumi 14:16

Bed kitang’ mondo gima ineno ni ber kik mi jomoko kinde mar wuoyo marach,

Jo-Kolosai 4:5

Ng’euru kaka utiyo gi rieko gi joma ok oyie kuom Kristo, ma ok uketho kinde ma un go kata matin.

1 Jo-Thesalonika 4:12

Ka utimo kamano, to ubiro miyo joma ok jo-Kristo genou, kendo ok unuchand gimoro.

1 Jo-Thesalonika 5:15

Neuru ni onge ng’ato machulo richo kar richo, to ndalo duto temuru mondo utim maber e kindu uwegi, kendo ni ji duto.

1 Jo-Thesalonika 5:22

to weuru maricho duto.

1 Timotheo 5:14

Omiyo daher mondo okend mond liete matindo, mi ginywol nyithindo, kendo girit utgi, eka digitam jasikwa yudo thuolo mar wacho weche maricho kuomwa.

1 Petro 2:12

Timu onego obed maber ahinya e nyim joma ok oyie, mondo kata obedo ni gihangou ni un joma richo, to gine timbeu mabeyo, mi gipak Nyasaye chieng’ ma obiroe ng’ado bura.

1 Petro 3:16

To timuru kamano gi muolo kod luor, kendo nyaka ubed gi chuny maler, mondo timu maber kaka jo-Kristo okuod wi jogo mayanyou, kendo hangonu wach.

1 Petro 3:9

Kik uchul richo kar richo, kata ayany kar ayany. Kar timo kamano, to guedhuru aguedha, kung’eyo ni kane Nyasaye oluongou, to noluongou ni mondo uyud gueth,

Ruth 3:14

Omiyo Ruth nonindo ka tiende nyaka huyuhuyu piny, to noa malo ka pod ng’ato ok nyal ng’eyo wadgi. Boaz nowachone niya, “Kik ng’ere ni dhako moro nende obiro kar nindo ka.”

1 Samuel 26:11

Kuero ngang’! Kik ater lweta kuom ruoth mowir ma Ruoth Nyasaye oyiero. To wakaw mana tong’ ma yo ka wiyeno, kod puga mar pino mondo wadhigo.”