Jo-Rumi 12:14 - MUMA MALER 2015

¹⁴ Kwauru Nyasaye mondo oguedh joma sandou. Ee, kwayeuru mondo oguedhgi aguedha, to kik okuong’gi.

Motingʼo Loko Manyien

¹⁴ Gwedhuru joma sandou; gwedhgiuru agwedha, kik ukwongʼ-gi.

Jo-Rumi 12:14 ပူးပေါင်းရင်းမြစ်များ

Mathayo 5:44

An to awachonu ni nyaka uher wasiku, kendo ulam Nyasaye ni joma sandou,

Luka 23:34

Yesu nowacho niya, “Wuora, wenigi, nikech gikia gima gitimo.” Askeche to nokawo lepe, mi gipogore gi ombulu.

Luka 6:28

Guedhuru joma kuong’ou, bende lamuru Nyasaye ni joma yanyou.

Tich Joote 7:60

Eka nogoyo chonge piny, mokok matek niya, “Ruoth, we ni jogi richogi.” To kane osewacho kamano, chunye nochot. Saulo noyie gi nek Stefano.

Jo-Rumi 12:21

Kik uwe richo lou, to timuru gik mabeyo mondo ulogo richo.

1 Jo-Thesalonika 5:15

Neuru ni onge ng’ato machulo richo kar richo, to ndalo duto temuru mondo utim maber e kindu uwegi, kendo ni ji duto.

Jakobo 3:10

Kamano dhok achielno ema pak kod ayany wuokie. Owetena, mano ok onego obed kamano.

1 Petro 3:9

Kik uchul richo kar richo, kata ayany kar ayany. Kar timo kamano, to guedhuru aguedha, kung’eyo ni kane Nyasaye oluongou, to noluongou ni mondo uyud gueth,