Jo-Rumi 12:13 - MUMA MALER 2015

¹³ Poguru giu ni jo-Nyasaye modhier, kendo beduru joma ohero rwako welo.

Motingʼo Loko Manyien

¹³ Poguru giu gi jo-Nyasaye mochando. Beduru joma ohero rwako welo.

Jo-Rumi 12:13 ပူးပေါင်းရင်းမြစ်များ

2 Samuel 17:29

kod mor kich gi chak mopoto, gi rombe, kod mo mabuo, mondo Daudi gi joge ocham, nimar ne ging’eyo ni midenyo gi riyo koro omakogi e thim, kendo giol.

2 Ruodhi 4:10

Wachuogne ot moro matin ewi tado, kendo waketnee kitanda gi mesa gi kom kod taya, mondo pile kobiro limowa to oyue kanyo.”

Zaburi 41:1

Ng’at ma konyo joma odhier en jahawi. Ruoth Nyasaye norese ka en e thagruok.

Ngeche 31:20

Ong’won ni joma odhier, kendo okonyo joma chandore.

Mathayo 25:35

nikech ka ne kech kaya, to ne umiya chiemo, kendo kane riyo oloya, to ne umiya pi amodho, bende kane an wendo, to ne urwaka,

Tich Joote 10:4

Ne orango malaika mi openje koluor ni, “En ang’o, Ruoth?” Malaika nodwoke ni, “Lemoni gi timbeni mag ng’wono osechopo malo e nyim Nyasaye, kendo Nyasaye osepari.

Tich Joote 4:35

Pesago ne ipogo ni ng’ato ka ng’ato kaka dwarone chalo.

Jo-Rumi 12:8

kendo ka tich ng’ato en jiwo ji, to mondo otim kamano. Ka en jachiwo to mondo ochiw mabup. Ng’at momi mich mar bedo jatelo bende mondo otel ni ji katimo kinda. To ng’at makonyo ji mondo otim kamano gi mor.

1 Jo-Korintho 16:15

Owetena, donge ung’eyo Stefano kod joodgi? Gin e joma okwongo doko jo-Kristo e piny Akaya, kendo gisechiwore mondo giti ni jo-Nyasaye.

2 Jo-Korintho 9:1

Ok onego amed ndikonu kuom wach chiwo mioro ni jo-Nyasaye man Judea.

2 Jo-Korintho 9:12

Tich ma watiyoni ok kel mana gik moko duto ma jo-Nyasaye dwaro kende, to obiro miyo ji medo goyo ni Nyasaye erokamano bende.

Jo-Galatia 6:10

Emomiyo, kinde moro amora mwayudoe thuolo, to ber mondo watim ni ji duto maber, to moloyo ni jogo ma owetewa kuom yie.

1 Timotheo 3:2

Kuom mano jatend kanyakla mar jo-Kristo nyaka bed ng’at ma wach moro marach onge kuome, kendo mokendo dhako achiel kende, bende nyaka obed ng’at moritore, mobidhore, modimbore, mohero rwako welo, kendo ma japuonj molony.

1 Timotheo 5:10

kendo ma ji oyiego ni timbene beyo, bende moserito nyithinde maber. Bende nyaka obed dhako mohero rwako welo kendo moyie konyo jo-Nyasaye kadwokore piny e tich moro amora kaka lwoko tiend jo-Nyasaye, kendo nyaka oket chunye kuom tiyo tije mabeyo duto.

Tito 1:8

To nyaka obed ng’at mohero rwako welo, kendo mohero gik malong’o. Bende nyaka obed ng’at mabidhore, kendo ma jang’ad bura kare, kendo ma timbene ler, kendo mong’eyo ritore owuon.

Tito 3:14

To nyaka ine ni jowa opuonjore tiyo tije mabeyo, mondo giyud gik ma gichando. Kik gibed joma budho abudha.

Filemon 1:7

Owadwa, kane awinjo ni hera ma iherogo jo-Nyasaye oseduogo chunygi, ne amor ahinya, kendo an bende chunya noduogo.

Jo-Hibrania 13:16

Kik uwe mak utimo timbe ng’wono, kendo poguru giu ni joma chandore, nikech mago e misengni ma Nyasaye morgo.

Jo-Hibrania 13:2

Kik uwe mak urwako welo e miechu, nikech rwako welo nomiyo jomoko opo mana korwako malaika!

Jo-Hibrania 6:10

Nyasaye en jaadiera, kendo wiye ok nyal wil gi tichu kod hera ma usenyiso ni uherego, ka ukonyo joge, kaka usebedo kutimo kendo pod utimo,

1 Petro 4:9

Rwakuru joweteu ma ok ung’ur.

1 Johana 3:17

Ka ng’ato man gi mwandu oneno wadgi moro ka onge gi gima dokonyrego, to otamore konye, koro ere kaka hera mar Nyasaye nyalo siko e chunye?

3 Johana 1:5

Osiepna, in jaadiera kuom gimoro amora mitimo ni owete, kata ka gin joma welo.