Jo-Rumi 12:12 - MUMA MALER 2015

¹² Geno ma un-go mondo omi ubed mamor. Kisandou, to timuru sinani, kendo lemuru mak uweyo.

Motingʼo Loko Manyien

¹² Beduru mamor kuom geno, kutimo sinani e sand muyudo, kendo ulamo ma ok uywe.

Jo-Rumi 12:12 ပူးပေါင်းရင်းမြစ်များ

Zaburi 109:4

Kata obedo ni aherogi kendo alemonigi kamano, to pod gimon amona koda.

Zaburi 37:7

Bed gi kue e nyim Ruoth Nyasaye, kendo hori mos kirite. Kik iwe chunyi chandre nikech ji madhi maber, kata nikech joma timo timbe maricho.

Zaburi 40:1

Ne arito kony mar Ruoth Nyasaye gi kinda. Bang’e nochiko ite, mi owinjo ywakna.

Zaburi 62:8

Un jowa, genuru kuom Nyasaye kinde duto. Nyiseuru chandruok duto ma ungo, nimar en e kar konyruokwa.

Ngeche 10:28

Geno mar joma kare kelo ngima. Joricho to ok gen gimoro.

Ngeche 14:32

Timbe mamono mag joricho ema miyo orumo. Ng’at makare to yudo resruok kuom timne malong’o.

Mathayo 5:12

Ka gik makamago otimorenu, to beduru mamor ahinya, nikech pok maduong’ okannu e polo, nimar kamano bende e kaka ne gisando jonabi mane okwongonu.

Luka 10:20

To kik ubed mamor ni jochiende winjou, to beduru mamor mana nikech nyingu ondiki e polo.”

Luka 21:19

Omiyo timuru kinda, nimar mano e kaka unuyud ngima maradier.

Luka 8:15

To kodhi mane olwar e lowo maber, gin joma winjo wachno gi chuny makare kendo malong’o, kendo gimake matek, nyaka chop ginyagi.

Tich Joote 1:14

Giduto ne gilamo Nyasaye pile gi chuny achiel, kaachiel gi mon moko kaka Maria min Yesu kod owete Yesu.

Tich Joote 12:5

Kuom mano Petro ne mana ni e jela, to kanyakla mar jo-Kristo nolamone Nyasaye ahinya.

Tich Joote 2:42

Jogo noketo chunygi kuom puonj joote, kendo kuom timo gik moko duto kaachiel, kendo kuom chamo Sap Ruoth, kendo kuom lemo.

Tich Joote 6:4

Wan to wabiro keto chunywa kuom lemo, kendo kuom lando Wach Maber.”

Jo-Rumi 15:13

Nyasaye ma wuon geno opong’u gi mor duto kod kue nikech uyie kuome, mondo geno maru omedre mogundho kuom teko mar Roho Maler.

Jo-Rumi 15:4

Adier, weche mane ondiki chon e Muma nondiki mondo opuonjwa, kendo mondo Muma omiwa kinda kendo ohowa, mi wabed gi geno.

Jo-Rumi 2:7

Joma osiko katimo maber, kendo dwaro pak gi duong’ moa kuom Nyasaye, kod ngima ma ok rum, nomi ngima ma nyaka chieng’.

Jo-Rumi 8:25

To ka wageno yudo gima pok waneno, to rit ma waritegono nyiso ni wan jokinda.

1 Jo-Korintho 13:13

To gik moko adek ema osiko. Gin yie, gi geno, kod hera; to gima duong’ moloyo kuomgi en hera.

2 Jo-Korintho 12:8

Ne asayo Ruoth didek mondo ogol wachni kuoma,

Jo-Filipi 3:1

Koro oritu owetena, kendo beduru mamor kuom Ruoth. Onge teko moro ma aneno kuom nwoyonu weche mane asendikonu mokwongo, kendo en gima biro konyou.

Jo-Filipi 4:4

Beduru mamor pile kuom Ruoth kendo amedo wacho ni, beduru mamor.

Jo-Kolosai 1:11

Walemo ni mondo otegu gi teko mar duong’ne mang’ongo, komiyo udhil, kendo uketo chunyu mos, kata ka ang’o ema timore.

Jo-Kolosai 1:27

Nyasaye nochano mondo joge ong’e kaka wach mane osepandino nigi duong’ miwuoro kuom joma ok jo-Yahudi. To wachno en ni Kristo odak e iu, kendo miyo ugeno kuom duong’ mabiro.

Jo-Kolosai 4:12

Epafra ma bende jathuru, kendo ma misumba Yesu Kristo, bende ooronu mos. Pile olemonu matek, kokwayo Nyasaye mondo omi uchung’ motegno ka jo-Kristo maradier, kuketo chunyu kuom timo gik moko duto ma Nyasaye dwaro.

Jo-Kolosai 4:2

Timuru kinda kuom lemo, kendo kulemo kamano, to parou obed moyawore, kendo ugo ni Nyasaye erokamano.

1 Jo-Thesalonika 1:3

E nyim Nyasachwa kendo Wuonwa, wiwa ok nyal wil gi timbe ma usetimo nikech yie ma un-go, gi tich matek musetiyo nikech hera ma ungo, kendo gi kinda ma unyisogo ni ugeno kuom Ruodhwa Yesu Kristo.

1 Jo-Thesalonika 5:8

To wan, jogo mag odiechieng’, waritreuru ka waserwako yie gi hera kaka akor mar lweny, kendo ka waserwako geno mar warruok kaka ogut lweny.

2 Jo-Thesalonika 1:4

Mano emomiyo wan wawegi wapuoyou ni kanyakla mag jo-Nyasaye, nikech udhil gi sand kod chandruok muneno, to pod uyie ayiea motegno.

2 Jo-Thesalonika 3:5

Ruoth mondo omi chunyu omed hero Nyasaye, kendo ubed gi kinda machalo gi kinda mane Kristo nigo.

1 Timotheo 6:11

To in ng’at Nyasaye, nyaka ibed mabor gi gigo duto, to dwar mondo ibed mana ng’ama kare, kendo moluoro Nyasaye, bende man gi yie kod hera, kendo motimo kinda, kendo mamuol.

2 Timotheo 3:10

In to iseluwo puonjna gi timna kod gik ma adwaro timo e ngimana. Iseneno yie mara, gi dhilna, gi herana, gi kindana,

Tito 2:13

kendo warito gueth ma wageno yudo, ma en fwenyruok mar duong’ maler mar Kristo Yesu, Nyasachwa maduong’ kendo Jawar.

Tito 3:7

ni mondo ka osemiyo wabedo e winjruok kode kuom ng’wonone, to wadok joma geno chamo gikeni mag ngima mochwere.

Jo-Hibrania 10:32

Parieuru gik mane otimorenu e ndalo mokadho, kane ler mar Nyasaye orieny e chunyu. Kata obedo ni ne un e lweny mager kendo matek, to ne utimo kinda ka udhil.

Jo-Hibrania 10:36

To timuru kinda mondo utim gima Nyasaye dwaro, mi uyud gima osesingore ni nomiu,

Jo-Hibrania 12:1

Emomiyo ka koro oganda mang’ongo mar joneno opie molworowa ka bor polo kama, to wan bende waweuru ting’ duto kod richo maduodowa, kendo waringuru matek, kwanano ni ng’uech moseketwae.

Jo-Hibrania 3:6

To Kristo en jaadiera e od Nyasaye kaka wuowi ma jatend od wuon mare. Wan e jood Nyasaye, to mana ka wasiko gi chir kod geno ma ok dog chien.

Jo-Hibrania 5:7

E ndalo mane Yesu odak e pinyni ka dhano, ne olemo, kendo osayo Nyasaye mane nyalo rese e tho, ka oywak malit, kendo pi wang’e chuer. Nyasaye nowinjo ywakne nikech dembruokne.

Jo-Hibrania 6:12

Kik utim samuoyo, to beduru joma luwo ranyisi mar jogo mayudo gik ma Nyasaye nosingore ni nomigi nikech giyie kendo gitimo kinda.

Jo-Hibrania 6:15

Kuom mano, bang’ timo kinda, Ibrahim noyudo gima ne Nyasaye osesingorene.

Jakobo 5:7

Emomiyo owetewa, horeuru mos nyaka Ruoth bi. Neyeuru kaka japur hore mos ka rito puothe mondo onyagne cham mabeyo. Ohore mos nyaka oyud kodh chuoyo kod koth machiego cham.

1 Petro 4:13

To beduru mamor, kaka joma oriwore gi Kristo e masichene, mondo ubed gi mor mathoth, chieng, ma duong’ne maler ofwenyore.

1 Petro 4:7

Giko mar gik moko duto chiegni. Emomiyo, beduru mariek, kuritoru mondo uikru ni lemo.

2 Petro 1:6

Rieko to jiwuru gi ritruok, to ritruok to ujiw gi kinda, to kinda ujiw gi luoro Nyasaye.

Fweny 13:10

Ng’at ma onego tue nyaka tue, kendo ng’at monego negi e lweny, to nyaka negi e lweny, ma e kinde ma jo-Nyasaye nyaka timie kinda kendo nyaka bedie motegno.