Jo-Rumi 12:11 - MUMA MALER 2015

¹¹ Timuru kinda maonge samuoyo, kendo keturu chunyu kuom tiyo matek ni Ruoth.

Motingʼo Loko Manyien

¹¹ Kik chunyu nyosre, to meduru bedo motegno, kutiyo ni Ruoth.

Jo-Rumi 12:11 ပူးပေါင်းရင်းမြစ်များ

Wuok 5:17

To Farao nodwokogi niya, “Un jonyawo ahinya! Mano emomiyo ukwaya ni mondo aweu udhi utim misango ni Nyasachu.

Ngeche 10:26

Kik iwe jasamwoyo timni gimoro, nikech obiro chaloni ka kedhno marewo dhok, kendo ka iro malungo wang’.

Ngeche 13:4

Ng’at ma jasamwoyo nyalo dwaro gimoro ahinya, to ok onyal yudo. Jakinda to yudo gik moko duto ma odwaro.

Ngeche 18:9

Jasamwoyo rach mana ka ng’at ma ketho gik moko.

Ngeche 22:29

Ng’at ma ong’eyo tije maber ok ti ni ji ajiya, to tiyo mana ni ruodhi.

Ngeche 31:15

Omondo chiew mondo olos ni joode chiemo, kendo onyis jotichne manyiri gik ma onego gitim.

Eklesiastes 9:10

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Isaya 56:10

nikech jotend Israel duto chalo gi jorito ma muofni, ma ok ne gimoro. Giduto gichalo gi guogi ma momni ma ok nyal gueyo. Gihero nindo ka giriere piny, ka gileko

Mathayo 24:12

Timbe maricho nomedre, omiyo hera mar ji mang’eny nodog chien.

Mathayo 25:26

To ruodhe nowachone niya, ‘Yaye, in jatich marach, kendo ma jasamuoyo! Kara in ing’eyo kama ne ok achuoyoe, kendo achoko cham kama ne ok aludoe?

Tich Joote 18:25

Nosepuonjore wach Yor Ruoth, kendo nopuonjo wach Yesu kare koketo chunye. To kata kamano, nong’eyo mana batiso mar Johana kende.

Tich Joote 20:19

Ne atiyo ni Ruoth gi chuny mamuol chuth, ka pi wang’a chuer, kendo ka aneno masiche nikech gik maricho mane jo-Yahudi chano timona.

1 Jo-Korintho 7:22

Ng’ama Ruoth oluongo ka misumba en ng’at Ruoth, ma osemiyo thuolo. Kamano bende e kaka ng’at ma Kristo oluongo ka ni thuolo en misumba Kristo.

Jo-Efeso 4:28

Ng’ama yande kwalo nyaka we kuelo, mondo ochak tich matek kendo modimbore gi lwete owuon, oyud gima dokonygo wadgi moro modhier.

Jo-Kolosai 4:1

Un ruodhi, timuru ni wasumbu maber kendo mowinjore, kung’eyo ni un gi Ruoth e polo.

1 Timotheo 5:13

Bende ka giwuotho e mier ka gitiyo, to gipuonjore doko josamuoyo, to ok mana josamuoyo kende, to bende giting’o weche koni gi koni, kendo gidonjo e weche ma ok mekgi, ka giwacho gik ma ok owinjore giwachi.

Jo-Hibrania 12:28

Emomiyo wagouru erokamano ni Nyasaye, nikech wanwang’o piny manyien ma ok nyal yiengni, walameuru kaka owinjore, ka wamiye duong’ kod luor,

Jakobo 5:16

Emomiyo, ng’ato ka ng’ato mondo ohul richone ni wadgi, kendo ng’ato ka ng’ato olem ni wadgi mondo obed mangima. Lemo mar ng’at makare nigi teko kendo timo gik madongo.

1 Petro 1:22

Koro kaka usepwodho chunyu kuom winjo wach mar adiera, kendo uheroru maonge miganga kaka owete, omiyo herreuru chuth gi chunyu duto,

1 Petro 4:8

To moloyo nyaka uherru gi chunyu duto, nikech hera miyo iweyo ni ji richo mang’eny.

Fweny 2:4

To kata kamano pod an gi wach kodi ni, koro ok ihera kaka ne ihera mokwongo.