Jo-Rumi 11:33 - MUMA MALER 2015

³³ Mano kaka mwandu mag Nyasaye dongo! Riekone kod ng’eyone tut manadi! Ere ng’ama nyalo ng’eyo tiend gik moparo? Koso ere ng’ama nyalo ng’eyo yorene?

Motingʼo Loko Manyien

³³ Yaye mano kaka mwandu kendo rieko gi ngʼeyo mar Nyasaye tut miwuoro! Mano kaka buchene oyombo parowa, kendo yorene fwenyo tek!

Jo-Rumi 11:33 ပူးပေါင်းရင်းမြစ်များ

Ayub 10:13

To kata obedo kamano, koro ang’eyo ni e chunyi kucha,

Ayub 15:8

In ne in kanyo, miwinjo ka Nyasaye chano gik mobiro timo? Koso in kendi ema in gi rieko?

Ayub 23:14

Obiro timo gima osechanona. Mano en mana gimoro achiel kuom gik mang’eny ma ochanona.

Ayub 26:14

To mago gik manyiso mana dir tekone kende, kendo gin mana weche manok miwacho kuome. To koro en ng’awa ma nyalo ng’eyo duong’ hie mar Nyasaye.”

Ayub 33:13

Ere gima omiyo iwacho ni Nyasaye ok winj kwayo mar dhano?

Ayub 37:19

Ara, puonjwa ane gima onego wawach ni Nyasaye, nimar wiwa ni nono, kendo wakia gima onego wawachi.

Ayub 37:23

Teko mar Nyasaye duong’ ma ok wanyal sudo machiegni kode. En jaratiro, kendo ong’ado ni ji bura makare.

Ayub 5:9

nikech en ema otimo gik madongo, bende honni mage ng’eny mokadho akwana.

Ayub 9:10

Otimo gik madongo modhiero dhano ng’eyo kendo honni mage okadho akwana.

Zaburi 139:6

Ng’ech ming’eyago lich miwuoro! Chutho, otut ma ok anyal winjo tiende.

Zaburi 145:3

A Ruoth Nyasaye iduong’, omiyo nyaka paki ahinya. Adier, duong’ni odhiero ji ng’eyo.

Zaburi 36:6

Timni makare ogurore ka gode madongo, kendo rieko mingadogo bura tut ka nam. In Ruoth Nyasaye, irito dhano gi le.

Zaburi 40:5

A Ruoth Nyasacha, isetimonwa gik mang’eny miwuoro. Onge ng’ama inyalo pimo kodi! Gik moko duto ma isechanonwa kelonwa gweth. Ka da anyalo hulogi duto mi awuo kuomgi, to ging’eny ma ok anyal tieko.

Zaburi 77:19

A Nyasaye, niwuotho, king’ado nam matut, to ger tiendi ne ok nyal ne.

Zaburi 92:5

Mano kaka timbeni dongo yaye Ruoth Nyasaye, kendo mano kaka paroni tut!

Zaburi 97:2

Boche polo gi mudho molil olworo Ruoth Nyasaye, kendo lochne otenore kuom tim makare kod adiera.

Ngeche 25:2

Wamiyo Nyasaye duong’ kuom gik ma opando. Ruodhi to wamiyo duong’ kuom lero tiend weche.

Ngeche 25:3

Onge ng’ama ong’eyo chuny ruoth, nimar parone oyombowa mana kaka bor mar polo, kendo tut mar nam.

Eklesiastes 3:11

Oseketo kinde mowinjore ni gimoro amora. Osemiyowa gombo mar ng’eyo gik mabiro timore, to ok osemiyowa fwenyo gik moko duto motimo.

Eklesiastes 7:24

Ere kaka dhano difweny tiend ngima? Otut moyombowa, kendo otek modhierowa winjo.

Eklesiastes 8:17

to ok onyal ng’eyo gik ma Nyasaye timo. Kata da bed ni oketo chunye matek machal nade, to ok onyal ng’eyo tiendgi. Ji mariek paro ni ong’eyo tiendgi, to chutho ok ging’eyo.

Isaya 28:29

Wachno bende oa kuom Nyasaye Manyalo Gik Moko Duto, ma ng’ado rieko mabeyo, kendo ma tekone duong’!

Isaya 40:28

Donge ung’eyo, koso pok uwinjo, ni Ruoth Nyasaye ma Nyasaye mochwere, kendo ma Jachuech piny malichni duto, ok ol, kendo ok nyosre? Parone tut, ma odhiero dhano ng’eyo.

Daniel 4:35

Ji ma odak e piny nenore ka gima tin e nyime, bende otimo gima en ema ohero gi ogendini mag polo kod ji manie piny. Onge ng’ama nyalo mone timo gima odwaro, kata mana penje gima otimo.”

Jo-Rumi 2:4

Koso itimo kamano nikech ichayo Nyasaye nimar ong’won ahinya kendo ohore mos, mak okumi piyo? Donge ing’eyo ni Nyasaye ng’won kamano mana nikech odwaro ni mondo ilokri?

Jo-Rumi 9:23

To bende notimo kamano mondo omigo ji ong’e duong’ne kaka lich. En duong’ ma omiyo joma otimonigi ng’wono, ma gin joma ne oseloso chon mondo oyud duong’ kamano.

1 Jo-Korintho 2:10

To wan ema ne Nyasaye onyisowa wachne mopondo, kuom teko mar Roho, nikech Roho ofwenyo ni ji gik moko duto, kata mana weche matut mag Nyasaye.

Jo-Efeso 1:7

Nyasaye oseweyonwa richowa, kendo osewarowa nikech tho mar Kristo. Mano kaka mich

Jo-Efeso 2:7

Notimo kamano mondo onyisgo tienge duto mabiro mwandu mogundho mar ng’wonone mane omiyowa kuom hera maduong’ mane oherowago kuom Kristo Yesu.

Jo-Efeso 3:10

mondo koro kuom kanyakla mar jo-Kristo, omi joloch gi weg teko manie polo ong’e riekone mathoth mopogore opogore.

Jo-Efeso 3:16

Akwayo Nyasaye kuom duong’ne mang’ongo mondo omiu teko e chunyu maiye kuom Roho mare,

Jo-Efeso 3:18

mondo un, kaachiel gi jo-Nyasaye duto, ung’e hera mar Kristo, ma lachne, gi borne, kod borne modhi malo, kod tutne ok nyal ng’ere.

Jo-Efeso 3:8

An e ng’ama tinie ahinya moloyo jo-Nyasaye duto, to Nyasaye notimona ng’wono, momiya tich mar lando ni joma ok jo-Yahudi Wach Maber mar mwandu mogundho mar Kristo.

Jo-Kolosai 1:27

Nyasaye nochano mondo joge ong’e kaka wach mane osepandino nigi duong’ miwuoro kuom joma ok jo-Yahudi. To wachno en ni Kristo odak e iu, kendo miyo ugeno kuom duong’ mabiro.