Jo-Rumi 11:28 - MUMA MALER 2015

²⁸ Kane ilando ni jo-Yahudi Injili, to ne gidoko wasik Nyasaye, to mano nokelonu konyruok, un joma ok jo-Yahudi. To kata kamano Nyasaye noseyierogi, kendo pod oherogi, nikech oparo kweregi.

Motingʼo Loko Manyien

²⁸ Kaluwore gi weche mag Injili, to gin wasik Nyasaye, nikech un, to kaluwore gi yiero, to ohergi nikech kweregi

Jo-Rumi 11:28 ပူးပေါင်းရင်းမြစ်များ

Chakruok 26:4

Anami nyikwayi bedo mang’eny ka sulwe mae polo, kendo anamigi pinyni duto, mi ogendini duto nokwaya mondo agwedhgi kaka aseguedho nyikwayi.

Chakruok 28:14

Nyikwayi nobed mang’eny ka lowo. Gininya malach kendo ginilandre koni gi koni, mi dhoudi duto mae piny nokwa mondo oguedhgi kaka aseguedhi gi nyikwayi.

Jeremia 31:3

omiyo ne athinyoranigi gi kuma bor. Kinde duto asebedo ka aherou, un jo-Israel, kendo pod asiko ka aherou mochwere.

Mika 7:20

Initim gima kare, kendo iniher jo-Israel ma nyikwa Ibrahim gi hera mosiko, mana kakane isingori ni kwerewa chon.

Mathayo 21:43

“Emomiyo awachonu ni Loch Nyasaye ibiro golo kuomu, kendo nomiye oganda moro manyalo nyago olemo makare. [

Luka 1:54

Osekonyo jo-Israel jotichne,

Tich Joote 14:2

To jo-Yahudi mane otamore yie noketho chuny joma ok jo-Yahudi, mi omiyogi mon gi jopuonjre.

Tich Joote 18:6

To kane gidagi wachne, kendo gichako yanye, noteng’onigi lepe, kosiemogi niya, “Ka ulal, to mano nobed wachu uwegi! Anto aonge wach kanyo. Chakre kawuono adhi ir joma ok jo-Yahudi.”

Jo-Rumi 11:11

To koro apenjo niya, “Kane jo-Yahudi ochwanyore, ne gipodho mi gilal chuth koso?” Ooyo, ok kamano. Ketho mane jo-Yahudi okethogo nomiyo warruok obiro ni joma ok jo-Yahudi, mondo omi jo-Yahudi obed gi nyiego kodgi.

Jo-Rumi 11:30

Un joma ok jo-Yahudi, chon ne utamoru winjo wach Nyasaye, to koro useyudo ng’wono mar Nyasaye nikech jo-Yahudi otamore winjo wach.

Jo-Rumi 11:7

To koro nadi? Waneno ni gima jo-Israel osebedo ka dwaro, pok giyudo, to joma nok kuomgi mane oyier ema oseyude. Jomoko duto to ne omi chunygi odoko matek mondo kik winj gima Nyasaye dwaro,

Jo-Rumi 5:10

Kane pod wan wasik Nyasaye, to ne omiyo wasedoko osiepne, kuom tho mar Wuode. To tinde kaka koro wasedoko osiepene, donge ibiro resowa moloyo nikech ngima mar Wuode?

Jo-Rumi 9:5

Gin e nyikwa kwerewa madongo machon, kendo korka anywola, to Mesia ne oa e ogandagi. Opak Nyasaye Moloyo Gik Moko Duto nyaka chieng’! Amin.

Rapar mar Chik 10:15

To kata kamano, Ruoth Nyasaye ne pod rito kwereu nikech noherogi, mi bang’gi noyiero mana un nyikwagi kuom ogendini moko duto mondo ubed joge, kaka pod ubet nyaka chil kawuono.

Rapar mar Chik 4:31

Ruoth Nyasaye ma Nyasachu en Nyasaye mang’won, omiyo ok nojwang’u, kata kethou ok nokethu, kendo wiye ok nowil gi singruok ma notimo gi kwereu kokuong’ore.

Rapar mar Chik 8:18

to paruru Ruoth Nyasaye ma Nyasachu, nimar en ema omiyou teko mar yudo mwandu. Kamano ochopo singruok mane omiyo kwereu, kokuong’ore.

Rapar mar Chik 9:5

Ok timbeu mabeyo kata dimbruok ma un-go ema omiyo ubiro donjo e piny jogo mondo ukaw, to en mana nikech richo mag ogendinigo emomiyo Ruoth Nyasaye ma Nyasachu riembogi mondo giwenu thuolo, kochopogo singruok ma notimo gi kwereu ma Ibrahim gi Isaka kod Jakobo.