Jo-Rumi 11:25 - MUMA MALER 2015

²⁵ Owetena, wach moro mopondo nitie e wachni ma adwaro mondo ung’e, nikech dipo ka uparo ni uriek. Wachno chalo kama: Bath jo-Israel konchiel chunygi osedoko matek, to mano biro dhi nyime nyaka kar romb joma ok jo-Yahudi ma Nyasaye dwaro, yud warruok.

Motingʼo Loko Manyien

²⁵ Owetena ok adwar ni ubed ka ukia tiend wach mopondoni, adwaro ni uwinj tiend wach mopondoni mondo kik ukawru ni uriek moloyo kaka uchal: Jo-Israel moko konchiel osemi chunygi odoko matek nyaka chop kar kwan mowinjore mar joma ok jo-Yahudi odonji.

Jo-Rumi 11:25 ပူးပေါင်းရင်းမြစ်များ

Zaburi 107:43

Joma riek onego onon wechegi, mondo opar hera mosiko mar Nyasaye.

Zaburi 127:1

Ka ok Ruoth Nyasaye ema ogero ot, to tich gedo odhi kanono, kendo ka ok en ema orito dala, to tich jorito ok nyal gimoro!

Zaburi 22:27

Ogendini duto nopar Ruoth Nyasaye. Ginidhi ire ka gia e tung’ piny gi tung’ piny. Adier, ogendini duto nolame.

Zaburi 72:17

Wich kik wil gi nyinge, kendo humbe mondo osiki nyaka chieng’. Ogendini duto mondo opake, kendo onego ji duto kwa Nyasaye mondo oguedhgi kaka oseguedho ruoth.

Ngeche 26:12

Ber bedo ng’at mofuwo mogik moloyo bedo ng’at maparo ni riek, to chutho ok riek.

Ngeche 26:16

Ng’at ma jasamwoyo paro e chunye ni oriek moloyo ji abiriyo mariek.

Isaya 5:21

Yaye, unune malit, un joma paro e chunygi giwegi ni riek, kendo ma kwanore ni ong’eyo gik moko.

Hosea 14:9

Joma riek mondo owinj weche mondik ka, kendo girwakgi e chunygi. Yore mag Ruoth Nyasaye oriere tir, kendo joma kare luwogi, to joricho chwanyore kendo podho nikech ok giluwgi.

Mathayo 13:11

Yesu nodwokogi niya, “Un osemiu ng’eyo weche mopondo mag Loch Polo; ji mamoko to ok omi,

Luka 21:24

Moko kuomgi noneg e lweny, to moko nomaki mi ter e pinje mamoko duto, kendo ogendini ma ok jo-Yahudi nonyon Jerusalem nyaka chop ndalo lochgi rum.

Johana 10:16

To bende an gi rombe moko ma ok ni e duondni. Gin bende nyaka akelgi, kendo giniwinj duonda, eka rombe duto nobed kueth achiel man gi jakwath achiel.

Jo-Rumi 1:13

To owetena, adwaro ni mondo ung’e ni asetemo biro iru ndalo mang’eny, to timo kamano osetama nyaka chil kawuono. Asegombo mondo abi atiye tich maber e kindu, kaka asetimo e kind ogendini mamoko ma ok jo-Yahudi.

Jo-Rumi 11:12

To ka ketho mag jo-Yahudi nokelo mwandu ni piny, kendo ka lal margi nokelo mwandu ni joma ok jo-Yahudi, to mano kaka dwokogi ir Nyasaye chuth dikel mwandu miwuoro!

Jo-Rumi 11:24

Un joma ok jo-Yahudi uchalo bad yath mane ong’ad oko kuom zeituni mae thim, mi ochom e yadh zeituni mopidhi. Jo-Yahudi to chalo gi bede yath hie, omiyo mano kaka chako chomogi kendo e yadhgi giwegi yot!

Jo-Rumi 12:16

Beduru joma winjore, kendo kik ubed joma sungore, to beduru e achiel gi ji duto. Kik ukawru ni uriek.

Jo-Rumi 16:25

Opak Nyasaye manyalo miyo ubed gi yie motegno, kaluwore gi Wach Maber mar Yesu Kristo ma alando. Wach Maber en wach mane opondo nyaka nene.

Jo-Rumi 9:18

Kuom mano waneno ni ka Nyasaye dwaro timo ni ng’ato ng’wono, to otimo atima. Bende ka odwaro ni mondo omi chuny ng’ato odok matek, to otimo atima kamano.

1 Jo-Korintho 10:1

Owetena, adwaro ni mondo ung’e tiend gima notimore ni kwerewa: Bor polo notelo nigi giduto ka nie wigi malo, kendo giduto ne ging’ado Nam Makwar.

1 Jo-Korintho 12:1

Koro owetena, adwaro ni mondo ubed ka ung’eyo adiera man kuom mich ma Roho chiwo.

1 Jo-Korintho 2:7

To rieko ma wapuonjo en rieko mopondo mar Nyasaye mapok ofwenyre. En rieko mopand ni ji, mane Nyasaye osechanonwa chon kane pok ochue piny, mondo wayud duong’.

1 Jo-Korintho 4:1

Nyaka ukwanwa ka jotich Kristo, ma osemi tich rito weche mopondo mag Nyasaye.

Jo-Efeso 1:9

oseelonwa dwarone mopondo, tiende ni oseelonwa gik mane ochano chon kuom ng’wonone, mondo otim kuom Kristo ka ndalo ogik kare.

Jo-Efeso 3:9

Bende nomiya tich mar miyo ji duto ng’eyo kaka weche mopondo mag Nyasaye tiyo. Nyaka nene, Nyasaye ma Jachuech gik moko duto nopando wachne ni tienge machon duto,

Jo-Efeso 4:18

Chunygi nie mudho, kendo gionge gi ngima ma Nyasaye chiwo, nikech gin joma kia, kendo tokgi tek ta.

2 Petro 3:8

To osiepena, kik wiu wil gi wach achiel ni, kuom Ruoth, ndalo achiel romre gi higni alufu achiel, bende higni alufu achiel romre gi ndalo achiel.

Fweny 1:20

To koro adwaro nyisi tiend wach mopandi mar sulue abiriyo mineno e lweta ma korachwichgi, kod teyni abiriyo mag dhahabu: Sulue abiriyo gin e malaika mag kanyakla abiriyo mag jo-Kristo, kendo teyni abiriyo gin e kanyakla abiriyogo.

Fweny 10:7

to ka malaika mar abiriyo ogoyo tung’ne to Nyasaye nochop chenone mopondo kaka osenyiso jotichne ma jonabi.”

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”

Fweny 7:9

Bang’ mano, ne ang’icho mi aneno ji mang’eny mokadho akwana moa e pinje duto gi dhoudi duto kod ogendini duto. Ne gichung’ e nyim kom duong’, kendo e nyim Nyarombo, ka girwakore gi lewni marachere, kendo giting’o othidhe e lwetgi.