Jo-Rumi 11:21 - MUMA MALER 2015

²¹ Ka jo-Yahudi, machalo bede yath hie ema ne Nyasaye ok okecho, un to dokechu nadi?

Motingʼo Loko Manyien

²¹ Nimar ka Nyasaye ne ok okecho bede madier, to kata un bende ok obi weyou.

Jo-Rumi 11:21 ပူးပေါင်းရင်းမြစ်များ

Jeremia 25:29

Dala ma abiro kuongo kumo en mana dalani. Koso giparo ni nawe mak akumogi? Ooyo, abiro kumogi mak orem, nikech abiro kelo lweny kuom ji duto modak e piny. An Ruoth Nyasaye Manyalo Gik Moko Duto ema awacho kamano.

Jeremia 49:12

Ruoth Nyasaye wacho niya, “Ka ji mane ok owinjore kum, bende noyudo kum, koro un uparo ni dutony mak okumu? Ooyo, nyaka kumu!

Jo-Rumi 11:17

En adier ni Nyasaye oserwakou un joma ok jo-Yahudi, mi ubedo joge, kendo uyudo gueth kaachiel gi jo-Yahudi. To rwakuno chalo mana gi bede yadh zeituni mong’ad oko, eka ochom bad yadh zeituni ma thim kargi, ma koro yudo chiembe koa e tiend yath kaachiel gi bede mamoko.

Jo-Rumi 11:19

Kamoro ubiro wacho niya, “Bede moko nong’ad oko mondo ochomwa kargi.” Ee, mano en adier,

Jo-Rumi 11:20

to ne ong’adgi oko nikech ne ok giyie, to un koro usiko asika kuom yath nikech uyie. To mano kik mi usungru, to beduru gi luoro e nyim Nyasaye.

Jo-Rumi 11:22

Neuru ni Nyasaye ng’won kendo ger. Oger ni joma oselal, to ong’won ni un, to mana kusiko kuyie ng’wonone. Ka ok utimo kamano to un bende ibiro ng’adou oko.

Jo-Rumi 8:32

Nyasaye ne ok otimo migundia kuom Wuode owuon, to ne ochiwe mi otho nikech wan duto. To kane ochiwo Wuode kamano, to ere kaka dotamre miyowa gik moko duto mogundho?

Juda 1:5

Adwaro mondo aparnu weche moko, kata obedo ni useng’eyogi duto kamano. Ruoth noreso jo-Israel, mi ogolo e piny Misri. To achien notieko jogo mane odagi yie.