Jo-Rumi 11:17 - MUMA MALER 2015

¹⁷ En adier ni Nyasaye oserwakou un joma ok jo-Yahudi, mi ubedo joge, kendo uyudo gueth kaachiel gi jo-Yahudi. To rwakuno chalo mana gi bede yadh zeituni mong’ad oko, eka ochom bad yadh zeituni ma thim kargi, ma koro yudo chiembe koa e tiend yath kaachiel gi bede mamoko.

Motingʼo Loko Manyien

¹⁷ To ka bede yath moko nolwer oko, mondo un, ma un kaka yadh bungu, ochomu kargi, eka omi un bende ucham mwandu kaachiel kodgi koa e tiend yadh Zeituni maduongʼ,

Jo-Rumi 11:17 ပူးပေါင်းရင်းမြစ်များ

Zaburi 52:8

To an, achalo gi yadh zeituni, ma dongo maber e bath od Nyasaye, nimar ageno kuom hera mosiko mar Nyasaye nyaka chieng’.

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Isaya 6:13

Kata ka achiel kuom apar mar ji odong’ kanyo, to gin bende notiekgi pep, mana ka yien motong’, mi osiki kende ema odong’. Kamano jo-Nyasaye ma biro dong’ nochal gi osikino.”

Jeremia 11:16

Chon ne aluongogi ni yadh zeituni ma obokene ng’eny, kendo manyago olembe mathoth mabeyo, to koro abiro wang’o obokene kod bedene gi mach mariadore ka mor polo.

Jona 1:16

Bang’ mano jokwang’ noluoro Ruoth Nyasaye ahinya, mi ne gitimone misango, kendo gikuong’orene.

Zekaria 4:3

Bende aneno yiend zeituni ariyo e bathe, ma moro nie dir tawo korachwich, to machielo nie dire koracham.”

Mathayo 21:43

“Emomiyo awachonu ni Loch Nyasaye ibiro golo kuomu, kendo nomiye oganda moro manyalo nyago olemo makare. [

Johana 15:1

“An e mzabibu maradier, kendo Wuora e japur mzabibuno.

Johana 15:2

Bedena duto ma ok nyag olemo, ong’ado oko, to bede duto ma nyago olemo olwero maler mondo omed nyak.

Johana 15:6

Ka ng’ato ok obet kuoma to iwite oko, mana kaka iwito bad yath, mi two. Bede ma kamago ichoko, kendo iwito e mach, mi wang’.

Tich Joote 2:39

Singruok mane Nyasaye osetimono, notimonu gi nyithindu, kod ji duto man kuma bor, tiende ni ng’ato ka ng’ato ma Ruoth Nyasachwa noluong ire.”

Jo-Rumi 11:24

Un joma ok jo-Yahudi uchalo bad yath mane ong’ad oko kuom zeituni mae thim, mi ochom e yadh zeituni mopidhi. Jo-Yahudi to chalo gi bede yath hie, omiyo mano kaka chako chomogi kendo e yadhgi giwegi yot!

Jo-Galatia 2:15

Chutho, wan wawegi nonywolwa jo-Yahudi, kendo ok wan joogendini mamoko ma joricho.

Jo-Efeso 3:6

To wach mopondono en ni, kaluwore gi Wach Maber, to joma ok jo-Yahudi, chamo gikeni kodwa wan jo-Yahudi, kendo gin ringruok achiel kodwa, bende giriwore kodwa e singruok mane Nyasaye ochopo kuom Kristo Yesu.

Rapar mar Chik 8:8

En piny machiego cham kaka ngano gi shairi, kendo machiego mzabibu gi ng’owo gi zeituni kod olembe mamoko, bende ma mor kich ng’enyie.

Jo-Kolosai 2:13

Kata obedo ni chon ne un joma otho gi chunyu nikech richou, kendo nikech ne un joma ok jo-Yahudi, tiende ni joma ok ter nyangu, to Nyasaye koro osemiyo udoko mangima kaachiel gi Kristo. Adier, noweyonwa richowa duto!

Fweny 11:4

Joneno ariyogo gin yien ariyo mag zeituni, kendo gin teyni ariyo mochung’ e nyim Ruodh piny ngima.