Jo-Rumi 10:20 - MUMA MALER 2015

²⁰ To Isaya wuoyo gi chir niya, “Joma ne ok manya ema ne onwang’a. Adier, afwenyora ni joma ne ok penja.”

Motingʼo Loko Manyien

²⁰ Isaya to wuoyo gi chir niya, “Ne oyuda gi joma ne ok omanya. Ne afwenyora ne joma ne ok openja.”

Jo-Rumi 10:20 ပူးပေါင်းရင်းမြစ်များ

Ngeche 28:1

Jaricho ringo kata ka onge ng’ama lawe. Ng’at makare to jachir ka sibuor.

Isaya 49:6

“Tich dwoko jo-Israel ma nyikwa Jakobo mane oke en tich ma in jatichna ihingo. Kuom mano, abiro loki ler mar ogendini, mondo iter warruokna e tung’ piny gi tung’ piny.”

Isaya 52:15

e kaka ogendini mang’eny nobwogi ka onene, kendo ruodhi noling’ thi e nyime, nikech ginine gima ne pok giwinjo.

Isaya 58:1

Gouru koko matek mak uweyo, kuywak mana ka tung’. Huluru ni joga kethogi. Adier, nyisuru joka Jakobo richogi.

Mathayo 20:16

Eka Yesu notieko, kawacho niya, “Kamano joma koro odong’ chien notel, to joma koro otelo nodong’ chien!”

Luka 14:23

Eka ruodhe nochako owachone ni, ‘Dhiyo e wang’yore kod gweng’ duto, iwach ni ji kijiwogi ni nyaka gibi mondo oda opong’ thich!

Jo-Rumi 10:3

nikech pok ging’eyo yo ma Nyasaye miyogo ji bet e winjruok kode, to gise mana temo loso yorgi giwegi. Kamano ne ok giyie luwo yo ma Nyasaye miyogo ji bet e winjruok kode.

Jo-Rumi 9:30

Koro wanawach ang’o? Onego wawach ni joma ok jo-Yahudi, mane ok otemo mondo obed e winjruok gi Nyasaye, ema koro osebet e winjruok kode kuom yie,

Jo-Rumi 9:31

to jo-Israel, mane temo dwaro yor Chik ma dimi gibed e winjruok gi Nyasaye, ne ok oyudo chik ma kamano.

1 Johana 4:19

Nyasaye ema noherowa mokwongo, mano emomiyo wahere kaachiel gi ji mamoko bende.