Jo-Rumi 10:19 - MUMA MALER 2015

¹⁹ Apenjo kendo niya, “Bende nyalo bet ni jo-Israel ne ok owinjo tiend wach?” To akwongo adwoko penjono kanyisou gima ne Musa owacho ni, “Anami nyiego maku kod joma ok oromo luong ni oganda. Adier, anami mirima maku kod oganda ma onge rieko.”

Motingʼo Loko Manyien

¹⁹ Kendo apenjo kama: Bende debed ni Israel ne ok owinjo tiend wach? Mokwongo, Musa wacho niya, “Anami nyiego maku gi joma ok owinjore kwan ka oganda; anami mirima maku gi oganda maonge winjo.”

Jo-Rumi 10:19 ပူးပေါင်းရင်းမြစ်များ

Jeremia 10:14

Gik ma kamago miyo ji ng’eng’, kendo bedo mofuwo. Jotheth duto yudo wichkuot kuom gik ma githedho, nikech gin mana nyiseche manono, ma onge gi ngima.

Jeremia 10:8

Giduto gifuwo kendo gionge rieko, nikech giyudo riekogi manono mana kuom yien mopa!

Hosea 2:23

Anapidh joga e pinyni, mi anami gidhi nyime maber. Anaher joma ne iluongo ni, ‘joma ok oher,’ kendo anawach ni joma iluongo ni, ‘joma ok joga,’ ni un joga, mi ginidwoka niya, ‘In Nyasachwa.’ ”

Jo-Rumi 10:18

To koro apenjo niya, “Bende nyalo bet ni jo-Israel ne ok owinjo Wach?” Ooyo! Ne gisewinjo, mana kaka Muma wacho ni, “Dwond joland wach osewinji e piny duto. Adier, wechegi osetundo e tung’ piny gi tung’ piny.”

Jo-Rumi 11:11

To koro apenjo niya, “Kane jo-Yahudi ochwanyore, ne gipodho mi gilal chuth koso?” Ooyo, ok kamano. Ketho mane jo-Yahudi okethogo nomiyo warruok obiro ni joma ok jo-Yahudi, mondo omi jo-Yahudi obed gi nyiego kodgi.

Jo-Rumi 11:14

katemo matek mondo ami jo-Yahudi wetena obed gi nyiego kodu, mondo ami moko kuomgi okwo.

Jo-Rumi 3:26

To bende notimo kamano mondo onyisgo ni pod otimo gima kare ndalogi, kendo ni ng’ato ka ng’ato moyie kuom Yesu, to omiyo bet e winjruok kode.

1 Jo-Korintho 1:12

tiende ni ng’ato ka ng’ato kuomu wacho mana wachne owuon. Achiel wacho ni, “An ng’at Paulo,” moro to wacho ni, “An ng’at Apolo,” kendo machielo wacho ni, “An ng’at Petro,” to moro bende wacho ni, “An ng’at Kristo.”

1 Jo-Korintho 10:19

To ka awacho kamano, to uparo ni awacho ni chiemo motimgo misango ni nyasaye manono en chiemo mopogore gi chiemo mamoko koso? Koso uparo ni awacho ni nyasaye manono en gima adier?

1 Jo-Korintho 11:22

Donge un gi mier munyalo chiemoe? Koso uchayo jo-Nyasaye, momiyo ukuodo wi joma odhier? Uparo ni dawach ang’o kuom wachni? Uparo ni dapaku? Ooyo, ok dapaku!

1 Jo-Korintho 12:2

Ung’eyo ni kane pok uyie kuom Kristo, ne iterou ir nyiseche manono mamomni, mi ulal.

1 Jo-Korintho 15:50

To owetena, gima awacho e ma: Joma pod nigi ringruok mar pinyni ok nyal yudo gueth mar Loch Nyasaye, bende gima tow ok nyal bedo wuon gik ma ok tow.

1 Jo-Korintho 7:29

Owetena, awachonu kamano nikech ndalo modong’ nok, omiyo chakre kawuono, joma nigi mon mondo obed ka joma ongego,

Rapar mar Chik 32:21

Gisemiyo nyiego omaka, nikech giselamo gikma ok nyasaye. Adier gisewang’o iya, nikech giselamo gima nono. Omiyo abiro miyo nyiego makgi ka ayiero oganda ma nono oloyo, kendo abiro wang’o igi, ka ayiero oganda ma ok dew Nyasaye.

Tito 3:3

Wan wawegi chon ne waonge rieko. Ne ok wawinjo wach, kendo ne wan joma ne olal. Ne wan wasumbini mag gombo mayoreyore mag ringruok, kendo pile ne wan gi ichlit gi nyiego e chunywa. Ne wamon gi jowetewa, kendo jowetewa bende ne mon kodwa.

1 Petro 2:10

“Chon ne ok un oganda kata matin, to tinde un oganda Nyasaye. Chon ne un mabor gi ng’wono mar Nyasaye, to koro useyudo ng’wonone.”