Jo-Rumi 10:14 - MUMA MALER 2015

¹⁴ To ere kaka ji nyalo lame, ka ok giyie kuome? Koso ere kaka digiyie kuom Jal ma pok giwinjo wachne? Koso digiwinj ni entie nadi, ka ng’at malandonigi wach onge?

Motingʼo Loko Manyien

¹⁴ To ere kaka digiluong ngʼat mapok giyie kuome? Koso digiyie nadi kuom Ngʼat mapok giwinjo kuome? To giniwinj kuome nadi kaonge ngʼama oyalonigi?

Jo-Rumi 10:14 ပူးပေါင်းရင်းမြစ်များ

Jona 1:16

Bang’ mano jokwang’ noluoro Ruoth Nyasaye ahinya, mi ne gitimone misango, kendo gikuong’orene.

Jona 1:5

Kibaji nogoyo jokwang’, mi ng’ato ka ng’ato nolamo nyasache. Gik mane gin go e yie ne giwito e nam, mondo yie odong’ mayot. To sechego noyudo Jona oselor e yie piny, kendo oriere kuno ka nindo ogoye ngoga.

Mathayo 20:7

Ne gidwoke ni, ‘Wobudho ka nikech onge ng’at mosemiyowa tich’. Eka nowachonigi niya, ‘Kara, un bende dhiuru e puotha mar mzabibu’.

Johana 20:31

To mago mantiegi osendiki mondo uyie ni Yesu e Mesia, Wuod Nyasaye, kendo ka uyie, to mondo ubed gi ngima kuom nyinge.

Johana 9:36

To ng’atno nodwoke ni, “Jaduong’, Wuod Dhano en ng’a mondo ayie kuome?”

Tich Joote 19:2

Nopenjogi ni, “Nunwang’o Roho Maler kane udoko joma oyie koso?” To ne gidwoke ni, “Pok wasewinjoe ngang’ ni Roho Maler nitie.”

Tich Joote 8:31

To ng’atno nodwoke ni, “Ere kaka dawinj tiende, ka ng’ato ok onyisa?” Eka nokwayo Filipo mondo oidh kode e gari.

Jo-Rumi 1:5

En ema ne otimona ng’wono mondo abed jaote e nyinge, mondo ami ogendini duto oyie kuome kendo oluore.

Jo-Efeso 2:17

Ne obiro molando Wach Maber mar kue ni un joma ok jo-Yahudi mane ni mabor gi Nyasaye, kendo ni jo-Yahudi mane ni machiegni kode.

Jo-Efeso 4:21

Chutho ne uwinjo jo-puonjre mage, ne opuonju adiera man kuome.

Rapar mar Chik 30:13

Bende ok en loka nam, ma dimi uwach ni, ‘Ng’ama ding’adnwa nam mondo okelwago, mi opuonjwa, eka warite?’

2 Timotheo 4:17

Ruoth ne ochung’ buta momiya teko mondo aland Wach Maber chuth, mondo ji duto ma ok jo-Yahudi owinj Wach Maber. Kamano ne oresa e dho sibuor.

Tito 1:3

Nyasaye ma jawarwa ema nohulo wachne malong’o e ndalo mane en owuon oketo, kendo nogolo chik ni an ema onego miya tich mar lando wachneno.

Jo-Hibrania 11:6

To ng’at maonge gi yie ok nyal bet malong’o ni Nyasaye, nimar ng’ama dwaro biro ir Nyasaye nyaka yie ni Nyasaye nitie, kendo ni en gi mich momiyo joma dware.

Jakobo 5:15

Ka joma lemonego bende nigi yie, to obiro chango, mi Ruoth mi oa malo e kitandane, kendo ka osetimo richo to nowene.