Jo-Rumi 1:32 - MUMA MALER 2015

³² Ging’eyo malong’o ni Chik Nyasaye wacho ni joma timo gik makamago owinjore gi tho, to kata kamano pod gisiko gitimogi atima, to bende gipako joma timo gik ma kamago.

Motingʼo Loko Manyien

³² Kata obedo ni gingʼeyo chik makare mar Nyasaye ni joma timo gik ma kamago owinjore gi tho, to gidhiyo adhiya nyime gi timogi, kendo bende gipwoyo joma timogi.

Jo-Rumi 1:32 ပူးပေါင်းရင်းမြစ်များ

Zaburi 50:18

Ka ineno jakuo, to ibedo osiepne, kendo inie kanyakla mar joma terore.

Ngeche 28:4

Joma ok oluoro chik pako joricho. Joma orito chik to kwerogi.

Hosea 7:3

Ruoth Nyasaye wacho niya, “Ji wuondo ruoth gi jodonge kuom yoregi maricho.

Luka 11:48

Kamano unyiso ni uyie gi gima kwereu notimo, nikech gin ema ne ginego jonabi, kendo koro un ema umwono liete jonabigo!

Tich Joote 22:20

Bende kane oneg Stefano mane hulo weche kuomi, ne antie, kendo ne ayie gi nekne, bende ne arito ni joma ne onege lepgi.’

Tich Joote 8:1

Chieng’ onogo, kanyakla mar jo-Kristo man Jerusalem nochako yudo sand malit. Giduto nokegi kuonde duto e pinje Judea gi Samaria, mak mana joote kende ema ne odong’ Jerusalem.

Jo-Rumi 1:18

Mirimb Nyasaye moa e polo, mamon gi richo duto kod timbe ma ok kare mag joma geng’o adiera, koro osefwenyore.

Jo-Rumi 1:21

Kata obedo ni ji nong’eyo Nyasaye, to ne ok gidwar mana miye duong’, kata goyone erokamano moromogo. Kar timo kamano, to parogi nokethore, kendo chunygi maonge rieko, mudho opong’o.

Jo-Rumi 6:21

To ere ohala mane uyudo kuom timo gik ma koro miyou wichkuotgi? Giko mar gigo en mana tho.

Jo-Rumi 6:23

Misach richo en tho, to mich Nyasaye en ngima mochwere kuom Yesu Kristo Ruodhwa!

2 Jo-Thesalonika 2:12

Kamano nokum ji duto mane otamore yie adiera, to ohero mana richo.