Jo-Rumi 1:30 - MUMA MALER 2015

³⁰ gi johang wach, bende gin joma Nyasaye oweyo, kendo ma ochayo Nyasaye. Gin jokwinyo, gi joma wigi tek kod joma wuorore. Pile gifwenyo yore manyien mag timo richo, kendo gin joma ok winj jonywol.

Motingʼo Loko Manyien

³⁰ joma ketho nying ji, joma ochayo Nyasaye, jokwinyo, joma wigi tek, kendo josunga, jogo mapile fwenyo yore manyien mag timo richo; kendo ok giwinj jonywolgi;

Jo-Rumi 1:30 ပူးပေါင်းရင်းမြစ်များ

1 Ruodhi 20:11

Ruodh Israel nodwoko ni, “Wachneuru niya, ‘Ng’ama rwako gilweny kik pakre ka ng’ama oselonyogi!’ ”

2 Weche mag Ndalo 19:2

To Jehu wuod Hanani ma janen nodhi romone mopenje niya, “Bende itimo maber kikonyo joricho kendo ihero joma ok ohero Ruoth Nyasaye? Mirima osemako Ruoth Nyasaye kodi nikech wachni.

2 Weche mag Ndalo 25:19

In Amazia, iwuorori ni iseloyo jo-Edom, mi koro iwuoyo gi sunga. To ber mondo ibed mana e dala. Ang’o momiyo iero miero ma biro tieki kaachiel gi jo-Juda?”

Zaburi 10:3

Jaricho pakore kuom gombone maricho. Odagi Ruoth Nyasaye kendo okwedo ka wuoro omake.

Zaburi 106:39

Gin bende ne gidoko mogak gi timbegi modwanyorego, mi giweyo luwo Nyasaye.

Zaburi 49:6

Gin e jogo mogeno kuom mwandugi, kendo ma sungore nikech gimew ahinya.

Zaburi 5:5

Josunga bende ok idwar neno e wang’i, kendo imon gi joricho duto.

Zaburi 52:1

In ng’ama ratego, ang’o momiyo isungori nikech richoni? Hera mar Nyasaye osiko pile nyaka chieng’.

Zaburi 81:15

Jogo mamon koda dikulre e nyima ka luoro omako, kendo digiyud kum mochwere.

Zaburi 94:4

Joma timbegi mono biro sungore kendo kawore kuom kinde marom nade?

Zaburi 97:7

Wichkuot omako ji duto malamo kido mag nyiseche manono. Ee, jogo duto masungore gi gik manono, wigi okuot. Kata mana nyiseche duto kulore e nyim Ruoth Nyasaye.

Zaburi 99:8

A Ruoth Nyasaye ma Nyasachwa, ne iwinjo ywak jogi, mi inyisogi ni in e Nyasaye ma ng’wono ni ji, kata obedo ni ne ikumogi kuom richogi kamano.

Ngeche 24:8

Ka pile ichano timo richo, to ji biro luongi ni andhoga.

Ngeche 25:23

Fuong’o wach kelo miero, mana kaka yamo kelo koth.

Ngeche 30:17

Ng’at manyiero wuon, kata machayo min mare ka oti, onego achuth cham, kata onego agak lodh wengene!

Ngeche 8:36

To ng’at ma ok oyuda, hinyore owuon. Chutho, ng’at ma mon koda, ohero mana tho!”

Eklesiastes 7:29

To gima aseyudo bende, en mana ni, Nyasaye ne ochueyowa joma kare, to wan wawegi ema wasegajore gi paro mathoth.

Ezekiel 14:5

Kamano ageno ni kum ma abiro kumogigo biro miyo giduogo ira, kata obedo ni giseweya ka gilamo nyiseche manonogo.

Ezekiel 22:7

Onge kata ng’at achiel e dala mamiyo wuon gi min luor. Uwuondo jopinje mamoko, kendo usando mond liete gi nyithi kiye.

Kwan 10:35

Pile kane Sanduk chako wuoth, Musa ne wacho niya, “A Ruoth Nyasaye, a malo, mondo wasiki oke, kendo joma mon kodi oringi!”

Mathayo 15:4

Nyasaye nowacho ni, ‘Luor meru gi wuoru’, kendo ni, ‘Ng’at moyanyo wuon kata min nyaka negi’.

Mathayo 16:21

Chakre kindeno, Yesu nochako nyiso jopuonjrene malong’o niya, “Nyaka adhi Jerusalem mondo jodongo gi jodolo madongo kod jopunj Chik osanda, kendo onega, to chieng’ mar adek anachier.”

Luka 21:16

Kata mana jonywolu gi oweteu gi wedeu kod osiepeu nondhogu, kendo ginichiw jomoko kuomu mondo onegi.

Johana 7:7

Un piny ok nyal mon kodu to an omon koda nikech kinde duto asiko kanyise ni timbene richo.

Tich Joote 5:36

nikech e ndalo moko mokadho, Theuda nobiro kawacho ni en jatelo, mi ji ma dirom mia ang’wen noluwe. To nonege, kendo ji duto mane luwe noke, mi kargi olal nono.

Jo-Rumi 2:17

In to ipakori ni in ja-Yahudi, kendo imor gi bedo kamano. Igeno kuom Chik Musa, kendo isungori ni in achiel kuom jo-Nyasaye.

Jo-Rumi 2:23

In ipakori ni in gi Chik Nyasaye, to donge ikelo achaye ni Nyasaye kiketho Chik,

Jo-Rumi 3:27

Koro ere gima odong’ ma ng’ato nyalo sungorego? Onge gimoro, nikech sunga osegol oko chuth. To ere gima omiyo ogole? Ogole nikech warito Chik koso? Ooyo, ogole mana nikech wayie.

2 Jo-Korintho 10:15

Ok onego wapakre kuom tich ma jomoko osetiyo kuonde mokadho tong’wa, to wageno ni kaka yie maru medo bedo motegno, duong’ mwayudo e kindu bende biro medore ahinya, mak wakadho tong’wa.

2 Jo-Korintho 12:20

Aluor ni ka abiro to dipo ka anwang’o ka ok uchal kaka adwaro, kendo un bende dipo ka unwang’o ni ok achal kaka udwaro! Aluor ni dhaw gi nyiego gi mirima gi ichlit gi ajara gi kuoth gi sunga kod koko nyalo betie.

Rapar mar Chik 27:16

“ ‘Okuong’ ng’at mochayo wuon kata min.

Rapar mar Chik 7:10

To jogo mochaye kendo ma ok ohere, otieko chuth piyopiyo ma ok odeko.

2 Jo-Thesalonika 2:4

Obiro sungore, kokwero gimoro amora miluongo ni nyasaye, kata gimoro amora milamo. Enohedhre kata mana bet e Hekalu mar Nyasaye, kohulo owuon ni en Nyasaye.

2 Timotheo 3:2

Ji nobed joma oherore kendgi giwegi, kendo ma ohero pesa. Ginibed joma wuorore kendo ma jong’ayi, kendo ma yanyo ji. Bende ok giniwinj jonywolgi, bende ok ginibed joma goyo erokamano, kata joma oluoro Nyasaye.

Tito 3:3

Wan wawegi chon ne waonge rieko. Ne ok wawinjo wach, kendo ne wan joma ne olal. Ne wan wasumbini mag gombo mayoreyore mag ringruok, kendo pile ne wan gi ichlit gi nyiego e chunywa. Ne wamon gi jowetewa, kendo jowetewa bende ne mon kodwa.

Jakobo 3:5

Lep bende chalo kamano. En fuoni matinie moloyo, to onyalo wuorore ngang! Parieuru bende kaka pilni mach matin nono nyalo moko mach mawang’ bungu maduong’.

Jakobo 4:16

To kar timo kamano, to upakoru kusungoru! Pakruok duto ma kamago gin richo.

2 Petro 2:18

Giwuorore gi weche manono, kendo kuom gombo mag ringruok gihoyo joma dwaro tony kaa kuom joma timbegi nono.

Juda 1:16

Jogi gin joma keko akeka, kendo ng’ur ang’ura. Giluwo mana gombo mag ringregi giwegi, bende gisungore marach, kendo giwuondo ji gi weche mamit mondo giyud gik ma gidwaro.