Jo-Rumi 1:29 - MUMA MALER 2015

²⁹ Gipong’ gi timbe maricho duto, kaka gombo gi chuny marach. Adier gipong’ gi nyiego gi nek gi dhaw gi miganga kod himruok. Gin jokuoth,

Motingʼo Loko Manyien

²⁹ Gipongʼ gi kit timbe mamono duto, gi richo, gi wuoro kod timbe mobam. Bende gipongʼ gi ich lit, gi nek, gi dhawo, gi wuond kod himruok. Gin jokuoth,

Jo-Rumi 1:29 ပူးပေါင်းရင်းမြစ်များ

Zaburi 41:7

Ji duto ma mon koda kuodha e kindgi giwegi, kendo gik mahinya ema gimorgo.

Ngeche 16:28

Joricho kelo dhaw kuonde duto, kendo jokuoth thuwo osiepe.

Ngeche 26:20

Ka yien onge, to mach tho. Kamano bende, ka jakuoth onge, to miero orumo.

Mathayo 5:32

An to awachonu ni, ng’at moriembo chiege nikech wach moro amora ma ok mana wach terruok, miyo chiegeno bedo jaterruok. To bende ng’at mokendo dhako ma chwore oriembo, en bende oterore.

Jo-Rumi 3:10

mana kaka Muma wacho niya, “Onge ng’ama kare. Ooyo, onge kata mana ng’at achiel.

2 Jo-Korintho 12:20

Aluor ni ka abiro to dipo ka anwang’o ka ok uchal kaka adwaro, kendo un bende dipo ka unwang’o ni ok achal kaka udwaro! Aluor ni dhaw gi nyiego gi mirima gi ichlit gi ajara gi kuoth gi sunga kod koko nyalo betie.

1 Timotheo 3:11

Kamano mondgi bende nyaka bed gi tim makare, to kik gibed mon ma jokuoth, to gibed mon moritore, kendo ma jo adiera e weche duto.

Tito 3:3

Wan wawegi chon ne waonge rieko. Ne ok wawinjo wach, kendo ne wan joma ne olal. Ne wan wasumbini mag gombo mayoreyore mag ringruok, kendo pile ne wan gi ichlit gi nyiego e chunywa. Ne wamon gi jowetewa, kendo jowetewa bende ne mon kodwa.