Jo-Rumi 1:23 - MUMA MALER 2015

²³ Kar lamo Nyasaye ma ok tho, to gilamo mana kido mar dhano matho, kata mag winy, kata mag le, kod mag gik mamol.

Motingʼo Loko Manyien

²³ kendo negiloko duongʼ mar Nyasaye ma ok tho e kido machalo gi dhano matho, gi winy, gi le gi gik mamol.

Jo-Rumi 1:23 ပူးပေါင်းရင်းမြစ်များ

Zaburi 106:20

Ne giwilo duong’ mar Nyasaye, mana gi kido mar chiayo machamo lum!

Isaya 40:18

En ng’a ma dipim gi Nyasaye? Koso ang’o ma diwachi ni chal kode?

Isaya 40:26

Ting’uru wengeu malo e polo, mondo upar ane ng’ama ne ochueyo gigo duto. Donge en mana Jal mane otelo ni oganda mar sulue, ka oluongo moro ka moro gi nyinge, mana ka gima en jaduong’ lweny motelo ni jolwenje? Tekone maduong’ malich omiyo onge kata mana sulue achiel ma ok ochung’ kare.

Isaya 44:13

Japecho to pimo bao gi tol, kendo oketo alama kuome, eka opaye gi koyo, kendo olose maber e kido mar dhano, mana ni mondo ochunge achunga e od lemo!

Jeremia 2:11

ka oganda moro oseweyo nyisechegi, moluwo nyiseche mamoko, kata obedo ni ok gin nyiseche madieri kamano? To un joga, useweya, an Nyasachu moseting’ou malo, mi ulamo nyiseche ma ok nyal konyou.

Ezekiel 8:10

Kuom mano, nadonjo mi aneno ka kor udi ogorie gik mamol kod le mang’eny ma chik okwero, kaachiel gi nyiseche manono mamoko duto mane jo-Israel lamo.

Tich Joote 10:12

To ei gino ne nitie kit gik moko mangima, kaka jamni gi le kod gik mamol gi winy.

Tich Joote 17:29

“To koro kaka wan nyithind Nyasaye, ok onego wagal ni kit Nyasaye chalo gi kido moro amora molos gi dhahabu kata gi fedha kata gi kidi ma dhano molony kuom tichne oloso gi riekone.

Jo-Rumi 1:25

Ne giloko adiera mar Nyasaye odoko miriambo, kendo kar lamo Jachuech ma owinjore yud pak nyaka chieng’ to ne gilamo mana gik mochue, kendo gimiyo duong’.

1 Jo-Korintho 12:2

Ung’eyo ni kane pok uyie kuom Kristo, ne iterou ir nyiseche manono mamomni, mi ulal.

Rapar mar Chik 5:8

“ ‘Kik ulos kido moro mopa kata gima chalo gi gimoro manie polo malo kata manie piny mwalo kata mana manie pi mae bwo piny.

1 Petro 4:3

E ndalo mosekadho, ne un gi kinde malach moromou timo gik ma joma ok oyie dwaro. Ne utimo timbe maricho, kaka owruok, gi gombo, gi mer, gi dwanyruok, gi metho mag anjawo, kod lamo nyiseche manono, ma en gima Chik okwero.

Fweny 9:20

To joma odong’ mane masichego ok onego, pod ne ok oloko chunygi oa kuom gik mane giseloso gi lwetgi, to ne gimedo mana lamo jochiende gi nyiseche manono molos gi dhahabu gi fedha gi mula gi kidi kod bao, ma gin gik ma ok nyal neno, kata winjo wach, kata wuotho.