Jo-Rumi 1:15 - MUMA MALER 2015

¹⁵ Mano emomiyo un joma odak Rumi bende, agombo ahinya landonu Wach Maber.

Motingʼo Loko Manyien

¹⁵ Mano emomiyo aketo chunya ni nyaka un bende ayalnu Injili, un ma un Rumi.

Jo-Rumi 1:15 ပူးပေါင်းရင်းမြစ်များ

1 Ruodhi 8:18

to Ruoth Nyasaye nowachone niya, ‘Nitimo maber, kuom paro gerona ot.

Isaya 6:8

Bang’ mano ne awinjo ka Ruoth Nyasaye wacho niya, “Ere ng’ama daor? Koso ng’ano ma dibed jaotena?” An to ne adwoko niya, “Era e, an ema mondo iora.”

Mathayo 9:38

Emomiyo kwauru wuon puodho mondo oor jotich odhi okane cham.”

Mariko 14:8

Dhakoni osetimo gima onyalo. Osewiro ringra chon gi mo, mondo obed moikore ne yik.

Johana 4:34

Yesu nowachonigi ni, “Chiemba en timo gima Jal mane oora dwaro, kendo tieko tich mane omiya.

Tich Joote 21:13

To Paulo nodwokowa niya, “Utimo ang’o, kuywak kendo utemo mondo uneg chunya? An aseikora mondo otueya, kata mondo atho Jerusalem nikech nying Ruoth Yesu!”

Jo-Rumi 10:15

Koso ere kaka ji nyalo lando Wach Maber ka ok oorgi? En mana kaka Muma wacho niya, “Mano kaka ji mor ka gineno joma kelo nigi Wach Maber!”

Jo-Rumi 12:18

Temuru mondo kanyalore, to udag gi ji duto gi kue.

Jo-Rumi 15:20

Gima asedwaro moloyo gik moko duto en ni mondo aland Wach Maber kuonde ma nying Kristo pok ong’eree, mondo kik aged ewi mise mar ng’at machielo,

1 Jo-Korintho 9:17

Ka dabed ni atiyo tijni kuom dwarona awuon, to da ayudo pok. To kaka ok atiye gi dwarona awuon, mano nyiso ni en mana tich ma Nyasaye osemiya mondo ati.

2 Jo-Korintho 8:12

Ka uketo chunyu kuom chiwo, to Nyasaye biro yie mana gi gima uchiwo, to ok odwar mondo uchiw gima uongego.