Jo-Rumi 1:13 - MUMA MALER 2015

¹³ To owetena, adwaro ni mondo ung’e ni asetemo biro iru ndalo mang’eny, to timo kamano osetama nyaka chil kawuono. Asegombo mondo abi atiye tich maber e kindu, kaka asetimo e kind ogendini mamoko ma ok jo-Yahudi.

Motingʼo Loko Manyien

¹³ Jowetena, ok adwar ni ubed kukia, ni asedwaro kuom ndalo mathoth mondo abi iru, to timo kamano osetama nyaka kawuononi, mondo an bende ati tich maber e dieru mana kaka asetimo e dier joma ok jo-Yahudi.

Jo-Rumi 1:13 ပူးပေါင်းရင်းမြစ်များ

Isaya 27:6

E ndalo mabiro, nyikwa Jakobo nogurre motegno. Ee, jo-Israel nobed ka yath ma dongo kendo thiewo nyaka nyag olemo, mi pong’ piny ngima.”

Johana 12:24

Adier, adier, awachonu ni ka koth cham ok olwar e lowo, mi otho, to osiko mana kodhi achiel kende. To ka otho, to onyago kodhi mang’eny.

Johana 15:16

Un ne ok uyiera, to an ema ne ayierou, mi awalou mondo udhi unyag olemo, kendo mondo olemo munyagono osiki, mondo Wuora omiu gimoro amora mukwaye e nyinga.

Johana 4:36

Kata mana sani jokeyo yudo pokgi, kendo choko cham ni ngima ma nyaka chieng’. Kamano jochuoyo kod jokeyo bedo mamor kanyakla,

Tich Joote 1:15

Chieng’ moro Petro nochung’ mondo olosi e chokruok mar joma oyie kuom Kristo, ma dirom ji mia achiel gi piero ariyo.

Tich Joote 14:27

Kane gichopo Antiokia, ne gichoko jo-Kristo duto kaachiel, mi ginyisogi gik moko duto mane Nyasaye osemiyo gitimo, kendo kaka noseyawo yo ma joma ok jo-Yahudi mondo odok joma oyie kuom Kristo.

Tich Joote 15:12

Wechego nomiyo ji duto oling’, mochiko itgi ka Barnaba gi Paulo hulo ranyisi gi honni mane Nyasaye osemiyo gitimo ni joma ok jo-Yahudi.

Tich Joote 19:21

Kane gigo osetimore kamano, Paulo noneno ni mondo owuoth e piny Makedonia gi piny Akaya kolando Injili, bang’e ochwe nyaka Jerusalem. Nowacho niya, “Ka asedhi kuno, to onego adhi Rumi bende.”

Tich Joote 21:19

Paulo nomosogi, eka nonyisogi gik moko duto achiel kachiel mane Nyasaye osemiyo otimo e kind joma ok jo-Yahudi.

Tich Joote 28:14

Kuno ne wanwang’oe owete moko, mi okwayowa mondo wabed kodgi kuom ndalo abiriyo. Mano e kaka ne wawuotho, mwachopo Rumi.

Jo-Rumi 1:12

tiende ni ka wan kanyachiel to mondo wajiwre, ka yieu konya, kendo yiena bende konyou.

Jo-Rumi 11:25

Owetena, wach moro mopondo nitie e wachni ma adwaro mondo ung’e, nikech dipo ka uparo ni uriek. Wachno chalo kama: Bath jo-Israel konchiel chunygi osedoko matek, to mano biro dhi nyime nyaka kar romb joma ok jo-Yahudi ma Nyasaye dwaro, yud warruok.

Jo-Rumi 7:1

Owetena, un joma ong’eyo kaka chik tiyo, omiyo ung’eyo ni chik otueyo ng’ato mana ka pod ongima.

1 Jo-Korintho 1:10

Owetena, asayou e nying Ruodhwa Yesu Kristo ni beduru gi winjruok uduto kuom gima uwacho, mondo kik ubed gi pogruok e kindu, to uriwru chutho kuom paro achiel kod dwaro achiel.

1 Jo-Korintho 10:1

Owetena, adwaro ni mondo ung’e tiend gima notimore ni kwerewa: Bor polo notelo nigi giduto ka nie wigi malo, kendo giduto ne ging’ado Nam Makwar.

1 Jo-Korintho 12:1

Koro owetena, adwaro ni mondo ubed ka ung’eyo adiera man kuom mich ma Roho chiwo.

1 Jo-Korintho 14:20

Owetena, kik ubed gi paro machalo paro nyithindo. Beduru ka nyithindo e weche mag richo, to nyaka ubed joma dongo gi parou.

1 Jo-Korintho 14:26

Koro owetena, ere gima ber monego utim? E chokruoku duto, ng’ato ka ng’ato kuomu mondo obed gi wer, kata gi puonj, kata gi fweny, kata gi wach midhumo, kata gi loko wach midhumono; to mago duto onego obed makonyo chokruok.

1 Jo-Korintho 9:2

Kata ka jomoko ok kwana ka jaote, un to ung’eyo malong’o ni an jaote adier, nikech un e ranyisi mar otena kuom Ruoth.

2 Jo-Korintho 1:8

Owetewa, wadwaro nyisou chandruok mane wayudo e piny Asia, ne omiwa ting’ mapek mohewo tekrewa, mi chunywa oa ni ok wanachak wabed mangima.

2 Jo-Korintho 2:14

To wagouru ni Nyasaye erokamano nikech wan ma wan kuom Kristo, otelonwa pile koselocho, kendo komiyo walando wach man kuom Kristo kuonde duto, mana ka tik mang’ue ng’ar.

Jo-Galatia 3:15

Owetena, weuru amiue ranyisi mar gima timore pilepile. Ka ji ariyo otimo winjruok mi osingore, to onge ng’ama nyalo ketho winjruokgino, kata medoe wach moro, kata obedo ni en mana winjruok mae kind dhano gi dhano kamano.

Jo-Galatia 6:18

Owetena, ng’wono mar Ruodhwa Yesu Kristo obed kodu. Amin.

Jo-Filipi 1:22

To ka bet mangima e ringruok nyalo miyo ati tich moro maber, to kara ok ang’eyo gima dayier,

Jo-Filipi 4:17

To kik upar ni mich ema adwaro. Ooyo, gima adwaro en mana ni mondo Nyasaye omednu ohala.

Jo-Kolosai 1:10

Kamano unudag e ngima mamiyo Ruoth duong’, kendo unutim gik malong’one e yore duto, kunyago olemo mag timbe mabeyo duto, kendo kumedo ng’eyo Nyasaye.

Jo-Kolosai 1:6

Wach Maberno nyago olemo, kendo olandore e piny ngima, mana kaka oselandore e kindu, chakre chieng’ mane ukwongo winjoe wach ng’wono mar Nyasaye, mi ung’eye adier.

1 Jo-Thesalonika 2:18

Kuom mano ne wachano biro iru. Adier an Paulo ne achano biro iru ndalo mang’eny, to Satan nosindowa.

1 Jo-Thesalonika 4:13

Owetewa, wadwaro ni mondo ung’e wach man kuom joma osetho, mondo kik ubed gi kuyo ka joma onge geno.

2 Jo-Thesalonika 2:7

Teko mopondo mar tich Chayo Chik koro tiyo ling’ling’, to ka jal ma koro sindo Ng’at Mochayo Chik ogol oko, to tekono nofwenyre.

2 Timotheo 4:17

Ruoth ne ochung’ buta momiya teko mondo aland Wach Maber chuth, mondo ji duto ma ok jo-Yahudi owinj Wach Maber. Kamano ne oresa e dho sibuor.