Jo-Rumi 1:11 - MUMA MALER 2015

¹¹ Agombo nenou mondo apognue mich ma Roho chiwo, mondo ubed gi teko,

Motingʼo Loko Manyien

¹¹ Agombo nenou ahinya mondo apognue mich moko mag chuny mondo ategugo,

Jo-Rumi 1:11 ပူးပေါင်းရင်းမြစ်များ

Chakruok 31:30

Ang’eyo ni ne ia nikech siso ne oloyi gi joodu, to ang’o momiyo nikwalo nyisechena”?

2 Samuel 13:39

Bang’e ruoth ne gombo neno Absalom, nikech chunye nosea kuom wach tho Amnon.

2 Samuel 23:15

Daudi noomo chunye ka siso omake, mowacho niya, “Mad ng’ato kelna pi soko man but ranga Bethlehem, mondo amodhi!”

2 Weche mag Ndalo 20:20

Jo-Juda ne ochiew gokinyi mang’ich mondo odhi e thim Tekoa, to kane gidhi, Jehoshafat nochung’ mowachonigi niya, “Winjuru un jo-Juda gi joma odak Jerusalem! Genuru kuom Ruoth Nyasaye ma Nyasachu, mi unukwo, kendo genuru kuom jonabi mage, mi unulo.”

Tich Joote 16:5

Kamano kanyakla mag jo-Kristo nomedo bedo gi yie motegno kendo kwan joma oyie bende nomedore ameda pile.

Tich Joote 19:21

Kane gigo osetimore kamano, Paulo noneno ni mondo owuoth e piny Makedonia gi piny Akaya kolando Injili, bang’e ochwe nyaka Jerusalem. Nowacho niya, “Ka asedhi kuno, to onego adhi Rumi bende.”

Tich Joote 19:6

Eka Paulo noketo lwete kuomgi, mi Roho Maler obiro kuomgi. Ne giwuoyo gi dhok mayoreyore, kendo ne gihulo weche moa kuom Nyasaye.

Jo-Rumi 1:12

tiende ni ka wan kanyachiel to mondo wajiwre, ka yieu konya, kendo yiena bende konyou.

Jo-Rumi 15:23

To koro asetieko tija kuondegi, kendo kaka asegombo biro iru kuom higni mang’eny,

Jo-Rumi 15:29

Ang’eyo ni ka abiro iru to anabi gi gueth mogundho mar Kristo.

Jo-Rumi 15:32

Kamano ka Nyasaye oyie to anabi iru gi mor, kendo ayue kodu.

Jo-Rumi 16:25

Opak Nyasaye manyalo miyo ubed gi yie motegno, kaluwore gi Wach Maber mar Yesu Kristo ma alando. Wach Maber en wach mane opondo nyaka nene.

2 Jo-Korintho 1:15

Ne an gi geno ahinya kuom wachno, omiyo ne achano mokwongo mondo abi iru, uyud gueth diriyo,

2 Jo-Korintho 1:21

Jal mamiyo wan kod un wabedo gi ratiro ni wan kuom Kristo en Nyasaye. En ema osewirowa,

2 Jo-Korintho 11:4

Awacho kamano nikech ka ng’ato obiro ma lando wach Nyasaye machielo, ma ok Yesu mane walando wachne, kata ka oyudo roho machielo mopogore gi Roho mane uyudo, kata Wach Maber machielo gi mano mane uyudo, to mano kaka uyiego mana mapiyopiyo!

2 Jo-Korintho 9:14

Kuom mano, gibiro neno kaka Nyasaye osebedonu mang’won ahinya, kendo gibiro lemonu gi hera maduong’.

Jo-Filipi 1:8

Nyasaye ong’eyo ni awacho adier ni hera matut ma aherougo oa mana kuom Yesu Kristo owuon.

Jo-Filipi 2:26

to en gi siso mar nenou uduto, kendo chunye chandore nikech nuwinjo ni otuo.

Jo-Filipi 4:1

Emomiyo owetena ma ahero, chung’uru motegno kuom Kristo. Siso oloya kodu ahinya, jowadwa. Un ema umiya mor, kendo un e osimbona, manyiso ni aselocho.

1 Jo-Thesalonika 3:13

Ruoth mondo oteg chunyu ubed joma onge bura, ka ubedo maler e nyim Nyasaye Wuonwa, chieng’ ma Ruodhwa Yesu biroe kod joge duto.

1 Jo-Thesalonika 3:2

to waornu owadwa Timotheo ma watiyogo tich Nyasaye mar lando Wach Maber mar Kristo, mondo obi ojiwu ubed gi yie motegno,

2 Jo-Thesalonika 2:17

mondo ojiw chunyu, kendo otegu e yore duto, kendo e weche duto mabeyo.

2 Jo-Thesalonika 3:3

To Ruoth en jaadiera, omiyo enojiwu, kendo enoritu kuom Ng’ama Rach.

Jo-Hibrania 13:9

Puonj moro mayore kendo magalagala kik golu e yo. En gima ber ka chunywa yudo teko kuom ng’wono mar Nyasaye, to ok kuom rito chike mag chiemo michamo, nikech rito chike ma kamago pok okonyoe ng’at moritogi.

1 Petro 5:10

To ka usenwang’o chandruok kuom kinde matin, to Nyasach ng’wono duto, ma oseluongou kuom Kristo e duong’ne mochwere, noduog chunyu, mi miu teko, kendo omiu chuny motegno, koketou e mise ma ok yiengni.

1 Petro 5:12

Andikonu barua machiekni, ka Silvano, ma ageno kaka owadwa maradier, konya. Adwaro jiwou kendo nyisou ni mano e kaka ng’wonono mar adier mar Nyasaye chalo. Omiyo chung’uru motegno kuom ng’wonono.

2 Petro 1:12

Kuom mano, abiro paronu wechego pile, kata obedo ni useng’eyogi, kendo uguroru motegno kuom adiera ma useyudo.