Jo-Kolosai 4:6 - MUMA MALER 2015

⁶ Wecheu onego bed mang’won pile kendo man gi ndhadhu, kendo nyaka ung’e kaka udwoko ng’ato ka ng’ato.

Motingʼo Loko Manyien

⁶ Neuru ni wecheu obed mangʼwon man-gi ndhandhu kinde duto, mondo ungʼe kaka dudwoki ngʼato angʼata wach e yo mowinjore.

Jo-Kolosai 4:6 ပူးပေါင်းရင်းမြစ်များ

Jo-Efeso 4:29

Ka uwuoyo to wach moro marach kik wuog e dhou, to wachuru mana weche mabeyo kendo makonyo ji, kendo mowinjore, mondo joma winjo wecheu oyud konyruok.

1 Petro 3:15

Miuru Ruoth Kristo duong’ e chunyu, kendo pile beduru kuikoru dwoko ng’ato ang’ata mapenjou tiend geno ma un-go.

Eklesiastes 10:12

Weche ma ng’at mariek wacho, kelone luor. Ng’at mofuwo to tiekore kende owuon gi wechene.

Mariko 9:50

Kado ber, to ka ndhathe orumo, to ere kaka nochak oyud ndhathe? Beduru gi ndhadhu mondo ubed gi kue e kindu uwegi”.

Ngeche 15:4

Weche mang’won kelo ngima. Weche maricho to nyoso chuny.

Ngeche 15:7

Lew ng’at mariek lando rieko. Ng’at mofuwo to wechene obam.

Jo-Kolosai 3:16

Wach Kristo, gi gueth duto mokelo, mondo odag e chunyu. Puonjreuru kendo jiwreuru gi rieko duto. Weruru mamit e chunyu ni Nyasaye, kugoyone erokamano gi wende Zaburi gi wende pak kod wende mag chuny.

Mathayo 5:13

“Un e kat piny, to ka ndhath kado orumo, dochak oyud ndhadhu nadi? Ooyo! Koro oonge gi tich, omiyo ipuke mana oko, kendo ji nyone anyona.

Ngeche 10:21

Weche ng’at makare konyo ji mang’eny. Joma ofuwo to tho nikech gionge gi rieko.

Zaburi 119:46

bende anahul ni ruodhi chikeni, ka aonge gi wich kuot.

Zaburi 105:2

Werneuru, kendo pakeuru. Huluru gik madongo duto mosetimo.

Zaburi 45:2

In e ng’at ma jaberie moloyo ji duto, kendo in e jatwak mong’ith. Omiyo Nyasaye oseguedhi nyaka chieng’.

Luka 4:22

Jogo duto nopwoye ahinya, kendo ne giwuoro weche mang’won mane wuok e dhoge, mi gipenjore ni, “To donge jali en wuod Josef?”

Zaburi 119:13

Chike duto ma isegolo, anaol achiel ka achiel.

Zaburi 66:16

Un ji duto muluoro Nyasaye, biuru mondo anyisu gik ma osetimona.

1 Weche mag Ndalo 16:24

Huluru ni ogendini duong’ne maler mondo ji duto owinj timbene madongo.

Rapar mar Chik 11:19

Puonjuru nyithindu wechegi kendo twaguru kuomgi ka un e mier, kata kuwuotho e yo, kata kudhi nindo, kata kuchiew.

Tim jo-Lawi 2:13

Misengni duto mag cham mutimo nyaka ketie chumbi majiwo singruok mane utimo gi Nyasaye. Kamano chumbi nyaka keti e misengni duto mutimo.

Ezekiel 43:24

ikel ira, an Ruoth Nyasaye. Jodolo mondo okir kuomgi chumbi, otimnago misango miwang’o pep.