Jo-Kolosai 3:5 - MUMA MALER 2015

⁵ Emomiyo neguru dhano machon gi timbene duto mag piny ka, kaka terruok, gi dwanyruok, gi hera marach, gi gombo marach, kod ich lach ma en mana lamo nyiseche manono,

Motingʼo Loko Manyien

⁵ Emomiyo, neguru dwaro duto mag ringruok manie ngimau, kaka: terruok, dwanyruok, gombo, tim ma ok ler, kod wuoro, ma en lamo nyiseche manono.

Jo-Kolosai 3:5 ပူးပေါင်းရင်းမြစ်များ

Jo-Rumi 8:13

nikech kutimo gi ma ngima mar dhano dwaro to ubiro tho. To ka unego timbeu maricho kuom teko mar Roho, to unubed mangima.

Jo-Galatia 5:24

Joma oyie kuom Kristo Yesu oseguro gombo mag ngima mar dhano kod herane marach e msalaba.

Jo-Rumi 6:13

Kik ng’ato kuomu yie mondo fuonde moro amora obed gima itimogo richo, to chiwreuru ni Nyasaye ka joma otho mochako ochier. Adier, chiwneuru ringreu duto mondo obed gik ma itimogo gik makare,

1 Petro 2:11

Osiepena, akwayou ni kaka un welo kendo jodak e pinyni, beduru motang’ gi gombo mag ringruok makedo gi chunyu pile.

1 Jo-Korintho 6:18

Beduru mabor gi terruok. Richo moko duto ma ng’ato timo ok keth ringre. Ng’ama terore to ketho ringre owuon.

Jo-Efeso 4:19

Parogi mar pogo ber gi rach osetho, omiyo giwere mana ni anjawo, ka gitimo timbe duto ma ok ler gi chunygi duto.

2 Jo-Korintho 12:21

Bende aluor ni ka abiro to Nyasacha dipo ka omiya bedo gi wichkuot e nyimu, mi dabed gi kuyo nikech joma thoth mane oketho, to otamore lokore kuom tim ma ok ler mane gisebedo ka gitimo, kaka terruok kod anjawo.

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”

Jo-Rumi 7:23

to e ringra anwang’oe chik machielo makedo gi chik ma chunya oyiego. Chikno omiyo abedo misumba richo modak e ringra.

Mathayo 15:19

nikech chuny dhano ema paro maricho nitie, mamiyo otimo gik maricho, kaka nek gi terruok gi wuowo gi kuo gi miriambo, kod kuoth.

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.

Jakobo 4:1

Ang’o makelo lweny kod dhaw duto manie kindu? Donge giwuok kuom gombou makedo e dendu pile mondo utim dwarogi?

1 Jo-Korintho 6:13

Ng’at machielo bende nyalo wacho ni, “Chiemo en mar ich, kendo ich en mar chiemo.” Ee, to Nyasaye notiek gik moko ariyogo duto. To ringruok ok ochue ni terruok, to en mar Ruoth, kendo Ruoth en mar ringruok.

Jo-Rumi 6:6

Wang’eyo ni ngimawa machon nogur kode e msalape ni mondo kitwa mar richo orum, kendo ni mondo kik wamed bedo wasumb richo,

Jo-Hibrania 13:4

Ji duto mondo okwan kend ka gima duong’, kendo singruok ma joma okendore osingorego nyaka rit matek, nikech Nyasaye nokum joma terore, bed ni gin yawuowi gi nyiri, kata chwo gi mon.

Jo-Hibrania 12:16

Ritreuru mondo kik ng’ato kuomu bed ng’ama terore kata ng’ama ok oluoro Nyasaye ka Esau, mane ong’iewo duong’ne mar nywol mana ni mondo ochiem dichiel kende!

1 Jo-Thesalonika 4:3

Nyasaye dwaro ni mondo ubed joma ler, omiyo nyaka uwe terruok.

1 Jo-Korintho 5:1

Wachore malong’o ni wach terruok nie kindu, kendo en kit terruok ma ok nwang’ kata mana e kind joma ok oyie kuom Nyasaye, nikech ng’ato terore gi chi wuon!

Jo-Rumi 7:5

E ndalo mane pod waluwo timbe mag dhano, Chik nomiyo gombo otiyo e ngimawa, mi onywolo mana tho.

Jo-Rumi 1:29

Gipong’ gi timbe maricho duto, kaka gombo gi chuny marach. Adier gipong’ gi nyiego gi nek gi dhaw gi miganga kod himruok. Gin jokuoth,

Jo-Rumi 1:26

Kuom mano Nyasaye nojwang’ogi, moweyogi e gombogi maricho makelo wichkuot. Mon noweyo riwore gi chwogi, mi odwanyore gi mon wetegi, ma en gima mono!

1 Jo-Thesalonika 4:5

Kik umi gombou thuolo kaka joma ok oyie Nyasaye timo.

1 Jo-Korintho 6:11

To kamano e kaka moko kuomu ne chalo! To koro osepwodhu kuom richo, kendo owalu ubed jo-Nyasaye, bende osemi ubet e winjruok gi Nyasaye e nying Ruoth Yesu Kristo, kendo kuom teko mar Roho mar Nyasachwa.

Jo-Kolosai 2:11

Kane uyie kuom Kristo to noteru nyangu, to ok nyangu mar ringruok, to nyangu mar Kristo, ma en lonyo kit dhano machon matimo richo,

1 Timotheo 6:10

nimar hero pesa e chakruok mar kit richo duto. Jomoko osegombo mondo oyud pesa mathoth, kendo mano osemiyo gibaro giweyo yie marwa, mi gichwowo mana chunygi giwegi gi chandruok mathoth.

Jo-Hibrania 13:5

Kik ubed joma ohero pesa, to gik ma un-go ema mondo oromu, nikech Nyasaye owuon osewacho niya, “Ok anaweyi, kata jwang’i ok anajwang’i ngang’.”

Wuok 37:22

Maupego gi bedego kod rachungi nobedo gimoro achiel mothedh gi dhahabu maler.