Jo-Kolosai 2:5 - MUMA MALER 2015

⁵ Kata obedo ni ok an kodu gi ringra, to an kodu gi chunya, kendo amor ahinya kaneno kaka uritoru maber, kendo kaka un gi yie motegno kuom Kristo.

Motingʼo Loko Manyien

⁵ Nikech kata obedo ni aonge kodu kuom ringruok, to an kodu kuom chuny, kendo amor mar neno kaka uchanoru maber kendo kaka yieu ochungʼ motegno kuom Kristo.

Jo-Kolosai 2:5 ပူးပေါင်းရင်းမြစ်များ

2 Weche mag Ndalo 29:35

Ewi tich timo misengnigo ne nitie bende tich dolo mar wang’o bor mag misengni mag erokamano, kaachiel gi misengni miolo piny kuom misengni miwang’o pep. Kamano e kaka tich Od Ruoth Nyasaye nodwok kare,

Zaburi 78:37

Ne ok giketo chunygi kuome, bende ne giweyo singruok mane gisetimo kode.

Zaburi 78:8

Ok onego gichal gi kweregi mane wigi tek, kendo mane odagi luoro Nyasaye. Ne gin joma chunygi yomyom, kendo ma ok ogeno kuom Nyasaye.

Kwan 7:11

Ruoth Nyasaye nowacho ni Musa niya, “We jodongo ochiw michgo mar walo kendo-mar-misango ni tich Nyasaye, ka jaduong’ ka jaduong’ kelo michne chieng’ achiel achiel.”

Tich Joote 2:42

Jogo noketo chunygi kuom puonj joote, kendo kuom timo gik moko duto kaachiel, kendo kuom chamo Sap Ruoth, kendo kuom lemo.

Tich Joote 20:21

Ne ahulo ni jo-Yahudi kod joma ok jo-Yahudi ratiro ni mondo gilokre giwe richogi giduog ir Nyasaye, kendo giyie kuom Ruodhwa Yesu.

1 Jo-Korintho 11:34

To ka ng’ato odenyo, to ber mondo ochiem e dala, mondo chokruok kik kelnu bura. Weche modong’ to nanyisu ka abiro.

1 Jo-Korintho 14:40

to weuru gik moko duto otimre maber kendo makare.

1 Jo-Korintho 15:58

Emomiyo owetena mahero, chung’uru motegno ma ok ung’ingni, kutiyo matek pile e tich Ruoth, kendo kung’eyo ni tich mutiyo kuom Ruoth ok nobed kayiem nono.

1 Jo-Korintho 16:13

Beduru motang’, kendo chung’uru motegno kuom yieu. Beduru gi chir kendo gi jing’o.

Jo-Kolosai 2:1

Adwaro ni mondo ung’e kaka akedonu matek, kendo ni jo-Laodikia, kaachiel gi ji duto mapok anena wang’ gi wang’.

1 Jo-Thesalonika 2:17

Owetewa, kane wasewere kodu, to kata obedo ni ne ok waneu kamano, to wiwa ne ok owil kodu kata matin. Bang’ kinde matin kende ne wabedo gi siso maduong’ mondo wanere kodu wang’ gi wang’.

1 Jo-Thesalonika 3:8

nikech ka uchung’ matek kuom Ruoth, to kara koro wangima maber.

Jo-Hibrania 3:14

nimar ka wamako geno mane wachakogo nyaka giko matek, to wanabed jocham gikeni kaachiel gi Kristo.

Jo-Hibrania 6:19

Genoni ema wan go. Ochalo gi loch mogur, motue chunywa kuome. Ok ong’ingni, to omoko matek ta. Okadho nanga mar rageng’, mi odonjo kama Ler Moloyo.

1 Petro 5:9

Chung’uru motegno kuom yie ma un-go, mondo utame, ka ung’eyo ni oweteu moyie manie piny duto, bende yudo chandruok ma kamago.

Ruth 1:18

Kane Naomi oneno kaka Ruth oketo chunye mar dhi kode, noling’.