Jo-Kolosai 1:1 - MUMA MALER 2015

¹ An Paulo, jaote mar Kristo Yesu kuom dwaro mar Nyasaye, ema andiko baruani kaachiel gi owadwa Timotheo.

Motingʼo Loko Manyien

¹ An Paulo, ma jaote mar Kristo Yesu kuom dwaro mar Nyasaye kaachiel gi Timotheo owadwa,

Jo-Kolosai 1:1 ပူးပေါင်းရင်းမြစ်များ

Tich Joote 16:1

Paulo nodhi mochopo Derbe, mochweyo nyaka Lustra, kuma ne nitie japuonjre moro ma nyinge Timotheo wuod dhako ma bende ne japuonjre ma nyar jo-Yahudi. Wuon Timotheo to ne ja-Grik.

Jo-Rumi 1:1

Ma en barua ma an Paulo, jatich Yesu Kristo, ema andikonu un jo-Rumi. Nyasaye noluonga mondo abed jaote, kendo nowala mondo aland Wachne Maber.

1 Jo-Korintho 1:1

An Paulo, mane Nyasaye oyiero kendo oluongo mondo obed jaote Kristo Yesu, ema andiko baruani kaachiel gi owadwa Sosthene.

2 Jo-Korintho 1:1

An Paulo, jaote Yesu Kristo kuom dwaro mar Nyasaye, ema andiko baruani kaachiel gi owadwa Timotheo. Wandikonu un kanyakla mar joma oyie kuom Nyasaye man Korintho, kendo ni jo-Nyasaye duto manie piny Akaya.

Jo-Efeso 1:1

An Paulo, jaote mar Yesu Kristo kuom dwaro mar Nyasaye, andikonu un jo-Nyasaye man Efeso, ma un joma oyie kuom Kristo Yesu.

Jo-Filipi 1:1

Wan Paulo gi Timotheo ma wasumb Kristo Yesu, wandikonu un jo Nyasaye duto man Filipi man kuom Kristo Yesu, kaachiel gi jodongu kod jokonygi.

1 Jo-Thesalonika 1:1

An Paulo, kaachiel gi Silvano, kod Timotheo, wandikonu un kanyakla mar jo-Kristo man Thesalonika, ma un jo-Nyasaye Wuoro kod Ruoth Yesu Kristo. Ng’wono gi kue obed kodu.

1 Jo-Thesalonika 3:2

to waornu owadwa Timotheo ma watiyogo tich Nyasaye mar lando Wach Maber mar Kristo, mondo obi ojiwu ubed gi yie motegno,

2 Jo-Thesalonika 1:1

An Paulo, kaachiel gi Silvano, kod Timotheo, wandikonu un kanyakla mar jo-Kristo man Thesalonika moyie kuom Nyasaye Wuonwa kod Ruodhwa Yesu Kristo.

Filemon 1:1

Kuom Filemon, osiepwa kendo jatich wadwa: An Paulo, ng’at motue nikech Yesu Kristo, ema andiko baruani gi owadwa Timotheo. Wandikoni kaachiel gi kanyakla mar jo-Kristo malemo e odi.

Jo-Hibrania 13:23

Adwaro ni mondo ung’e ni owadwa Timotheo osegony, kendo ka ochopo ka piyo, to anabi kode ka abiro nenou.