Jo-Hibrania 9:2 - MUMA MALER 2015

² Ne olos hema ma ong’ad iye ariyo. Kama ikwongo donjoe iluongo ni Kama Ler. Kanyo ema ne nitie rachung taya, gi mesa moketie Makati miketo e nyim Nyasaye pile.

Motingʼo Loko Manyien

² Ne olos hema ma opog iye ariyo. Kama ikwongo donjoe ne iluongo ni Kama Ler, kendo kanyo noketie rachung taya gi mesa moketie makati miketo e nyim Nyasaye pile.

Jo-Hibrania 9:2 ပူးပေါင်းရင်းမြစ်များ

Wuok 25:23

“Los mesa gi yiend sida, ma borne romo mita achiel, to lachne nus mita, kendo borne modhi malo bende nus mita.

Wuok 25:30

To makati miketo e nyima pile nyaka bed e mesano ndalo duto.

Wuok 25:31

“Ilos rachung taya gi dhahabu maler. Tiende kod kore to mondo ilos gi dhahabu mothedhi, kendo maupe mogorie, kaachiel, gi thiepegi kod obokegi, nyaka los obed gimoro achiel kode.

Wuok 26:1

“Los Hema Maler gi pasia apar mag law katana maber. Nyaka gor kuomgi kido mar kerubi gi usi mambulu gi maralik kod makwar, ma jatweng’o ma olony ema ogoro.

Wuok 26:33

Kiseliere e rang’awgo, eka iket Sandug Rapar e toke gi yo ka iye. Kamano pasiano nopog kind Ka Maler kod Kama Ler Moloyo.

Wuok 26:35

Mesa nyaka ket yo nyandwat gi yo ka oko mar pasia, to rachung taya iket momanyore gi mesa, yo milambo mar Hema Maler.

Wuok 29:1

“Kiwalo Harun gi jowuote mondo obed jodolona, to nyaka itim kama: Kaw nyarwath kod imbe ariyo maonge gi songa.

Wuok 29:35

“Tim ni Harun gi yawuote mana kaka asechiki. Kamano ketogi e tich nokaw ndalo abiriyo.

Wuok 40:2

“Chieng’ due achiel mar due mokwongo, nyaka ichung Hema Maler, ma en Hemb Romo.

Wuok 40:4

Kel mesa e iye, kendo ichanie gik moko duto monego obedie. Rachung taya bende ikel, mi imok teyni man kuome.

Mathayo 12:4

Donge ne odhi e Od Nyasaye mi ochamo makati miketo e nyim Nyasaye, ma Chikwa okwero ni en kata joge kik cham, to mak mana jodolo kende?

Mathayo 5:15

Onge ng’ama nyalo moko taya, to umo gi atonga. To okete mana ewi rachungi taya, mondo orieny ni ji duto manie ot.

Jo-Hibrania 9:25

Ok odonj mondo ochiwre pile, kaka jadolo maduong’ donjo Kama Ler higa ka higa gi remb chiayo,