Jo-Hibrania 9:1 - MUMA MALER 2015

¹ Singruok mokwongo ne nigi chike moko miluwo kilamo Nyasaye, to bende ne en gi kar lemo molosi e pinyka.

Motingʼo Loko Manyien

¹ Singruok mokwongo ne nigi chike matayo lemo kaachiel gi kama ler mar lemo e piny-ka.

Jo-Hibrania 9:1 ပူးပေါင်းရင်းမြစ်များ

Wuok 25:8

Bang’ mano gigerna Kama Ler mondo adag kodgi.

Ezekiel 43:11

To ka ineno ni wigi okuot kuom gik ma gisetimo, to nyisgi kido mogergo Hekalu, kaachiel gi gik moko duto manie iye, kod dhorangeye midonjogo gi miwuokgo, kendo kaka gik moko duto ochan e iye. Bende nyisgi chike duto man kanyo. Ndik gigo duto mondo ging’e kaka gik moko ochan, kendo gimak chikego duto.

Tim jo-Lawi 18:30

Emomiyo rituru chikna kendo kik uluw timbe makuero mane weg pinyno otimo ka pok ubiro. Kamano ok nudok mogak. An e Ruoth Nyasaye ma Nyasachu.

Tim jo-Lawi 22:9

Jodolo nyaka rit chikna, nono to gidoko joketho, mi githo kuom chayo nyinga. An e Ruoth Nyasaye mapwodhogi.

Kwan 9:12

Kik lembe moro dong’ nyaka okinyi, kendo kik tur choke kata achiel. Pasaka nyaka tim mana kaka chik dwaro.

Luka 1:6

Giduto ne gin joma kare e nyim Nyasaye, kendo ne girito chike duto mag Ruoth Nyasaye gi chunygi duto.

Jo-Rumi 9:4

Jo-Israel gin joma Nyasaye oseyiero mondo obed nyithinde. Ne onyisogi duong’ne maler, kendo ne otimo kodgi singruok madongo. Nomiyogi Chik Musa kendo nonyisogi kaka onego gilame e Hekalu. Bende nosingorenigi ni obiro guedhogi.

Jo-Kolosai 2:8

To tang’uru mondo kik uwe ng’ato mak parou gi rieko kod wuond manono, mawuok kuom puonj dhano kod timbe machon mag piny, to ok kuom Kristo.

Jo-Hibrania 8:13

To ka Nyasaye wuoyo kuom singruok manyien kamano, to mano nyiso ni osemiyo singruok mokwongo odoko machon, kendo ong’ere ni gima odoko machon, kendo oti, chiegni rumo.

Jo-Hibrania 8:2

Obet kanyo ka otiyo Kama Ler maradier, ma en hema ma Nyasaye ema oguro, to ok dhano.

Jo-Hibrania 8:7

Ka dine winjruok mokwongo bed ma onge wach moro moremie, to Nyasaye ok dodwaro winjruok mar ariyo.

Jo-Hibrania 9:24

Awacho kamano nikech Kristo ne ok odonjo Kama Ler molos gi lwedo, ma en mana kido mar Kama Ler hie, to nodonjo e polo hie, mondo koro ochung’nwa e nyim Nyasaye.