Jo-Hibrania 8:9 - MUMA MALER 2015

⁹ Ok nochal gi singruok mane atimo gi kweregi, kane atayogi, kagologi e piny Misri, nimar ne ok girito singruok mane atimo kodgino, mi an bende ne ajwang’ogi’

Motingʼo Loko Manyien

⁹ Singruokno ok nochal gi mano mane atimo gi kweregi, kane amako lwetgi mi atelonegi kagologi e piny Misri, nikech ne ok giluwo singruokna ma natimo kodgi omiyo an bende ne alokora aweyogi, Jehova Nyasaye owacho.

Jo-Hibrania 8:9 ပူးပေါင်းရင်းမြစ်များ

Chakruok 19:16

To kane gineno ni pod odigni, ne gimako lwete, mi gigole e dalano kaachiel gi chiege kod nyige, nikech Ruoth Nyasaye nokeche.

Ayub 8:20

Nyasaye to ok jwang’ joma ogeno kuome, to bende ok okony joma timbegi richo.

Zaburi 105:43

Kuom mano ne otelo ni joge moyiero, mi ogolo oko ka wer gi ilo.

Zaburi 77:20

Ne itayo jogi ka jakwath, ka gin e lwet Musa gi Harun.

Zaburi 78:57

mi giweye, kendo gindhoge mana kaka kweregi notimo. Ne gibaro mi giweyo yo, mana ka asere modir gi atung’ mobam, ma ok dimb gima onego ochiel.

Wuok 32:8

Piyopiyo nono giseweyo yo mane achikogi ni mondo giluw, mi giseloso nyaroch dhahabu mondo gilam. Gisekulorene, kendo gisetimone liswa, ka giwacho niya, ‘A jo-Israel, ma e nyasaye ma nogolowa e piny Misri.’ ”

Wuok 34:10

Ruoth Nyasaye nowacho niya, “Koro adwaro timo kodu singruok. Abiro timo honni madongo ka jou neno, ma nyaka nene pok otim e piny ngima, kata e oganda moro. Ji duto ma un e kindgi biro neno gima an Ruoth Nyasaye anyalo timo, nikech abiro timonu gima lich.

Wer Mamit 8:5

“Mano ng’a, mawuok e thim, ka jokwakore gi jaheraneno?” “Jaherana, ne achiewi e bwo yadh olemo, kama ne meru onywolie.

Isaya 40:11

Ochalo jakwath ma sembo jambe, koting’o nyirombe e bade, kendo oriwogi e kore, kotelo ni mago man gi nyithindo, kotero modho.

Isaya 41:13

nikech an Ruoth Nyasaye ma Nyasachu ema amako badu ma korachwich, kendo awachonu niya, “Kik ubed maluor, nimar an ema akonyou.”

Isaya 51:18

Kuom yawuowi duto ma isenywolo, onge kata achiel manyalo teloni, Adier, kuom yawuowi duto ma isepidho, onge kata achiel ma ditayi.

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Jeremia 31:32

Ok nochal gi singruok mane atimo gi kweregi kane atayogi kagologi e piny Misri, nimar ne giketho singruok mane atimo kodgi kata obedo ni ne an ruodhgi.

Ywagruok 4:16

Ruoth Nyasaye owuon ema nokeyogi, mi ok ochako oparogi kendo. Bende ne ok ong’wono ni jodolo, kata kecho jodongo ne ok okecho.

Ezekiel 16:59

Ruoth Nyasaye nomedo wacho niya, “Abiro timoni mana kaka oromore gi timbeni, nimar ne ichayo winjruok mane wan go, mi ok irito singruok mane itimo koda.

Ezekiel 16:8

“Kane achako akadho machiegni kodi, ne ayudo ka iseromo mako osiep, omiyo ne ayaro lawa, mi aumogo dugi, kendo ne ayie ni abiro kendi. Adier, ne atimo kodi singruok, mi idoko mara. An Ruoth Nyasaye ema awacho kamano.

Amos 5:22

Ka utimona misengni miwang’o pep, kod misengni mag cham, to ok nayiego, bende ok narang jambu mutimogo misengni mag sawo.

Malaki 2:13

To bende uywak kendo udengo, ka ulwoko kendo-mar-misango mar Ruoth Nyasaye gi pi wang’u, nikech Ruoth Nyasaye odagi ng’iyo misengni muchiwone, kata yie kodgi ok oyie.

Mariko 8:23

Yesu nomako lwet ng’atno mi ogole oko e dala. Ne ong’ulo olawo e wang’e kendo oketo lwete kuome. Eka ne openje niya, “Bende inyalo neno gimoro?”

Tich Joote 13:11

To koro winji, kata mana sani Ruoth Nyasaye biro goyi gi lwete, kendo ibiro bedo muofu, mi ok ninen kuom ndalo moko.” Gikanyono mudho mandiwa noimo wang’ Eluma, mi owuotho komulo amula, kendo kodwaro ng’ama taye gi lwete.

Tich Joote 7:36

Musa nogono ema nogolo jo-Israel e piny Misri, kotimo honni gi ranyisi kuno, kendo e Nam Makwar, kendo komedo timogi e thim kuom higni piero ang’wen.

Tich Joote 9:8

Saulo noa malo, motemo yawo wang’e, to ne ok onyal neno, omiyo ne gitaye mana gi lwete, mi gitere Damaski.

Jo-Galatia 4:24

To wachno nigi tiende mopondo kama: Mon ariyogo ochung’ kar singruok ariyo. Hagar en dhako mane onywolo nyithinde e tich misumba, kendo ochung’ kar singruok mane otim e got Sinai,

Rapar mar Chik 29:1

Mago e weche mag singruok mane Ruoth Nyasaye ochiko Musa mondo omi jo-Israel otim, kane gin e piny jo-Moab. Singruokno ne omedi kuom singruok mane otimo kodgi Horeb.

Rapar mar Chik 29:12

Uikoru mondo ukuong’ru, kutimo singruok ma Ruoth Nyasaye ma Nyasachu dwaro timo kodu kawuono.

Rapar mar Chik 29:25

To nodwokgi niya, ‘Mano osetimore nikech jo-Israel ne ok orito singruok mane Ruoth Nyasaye ma Nyasach kweregi otimo kodgi kane gin e piny Misri.