Jo-Hibrania 8:8 - MUMA MALER 2015

⁸ To Nyasaye noneno wach moro morem kuom joge, mana kaka Muma wacho ni, “Ruoth Nyasaye owacho niya, ‘Ndalo biro ma anatimie singruok manyien gi dhood Israel kod dhood Juda.

Motingʼo Loko Manyien

⁸ To Nyasaye noneno wach moro morem kuomgi mi owacho niya, “Kinde biro, Jehova Nyasaye wacho, ma anatim singruok manyien, gi dhood jo-Israel kod dhood jo-Juda.

Jo-Hibrania 8:8 ပူးပေါင်းရင်းမြစ်များ

Isaya 55:3

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.

Jeremia 23:5

“Ndalo biro ma nayierie nyakwar Daudi hie mondo obed ruoth. Enorit piny gi rieko, kotimo gik ma owinjore kendo makare e piny.

Jeremia 23:7

“An Ruoth Nyasaye awacho niya, ‘Ndalo biro ma onge ng’ama nokuong’re gi nyinga ka Nyasaye mangima mane ogolo jo-Israel e piny Misri,

Jeremia 30:3

nimar ndalo biro ma anaduogie joga ma jo-Israel gi jo-Juda. Anadwokgi e piny mane amiyo kweregi, mi gidagie kendo.”

Jeremia 31:27

“An Ruoth Nyasaye awacho ni kinde biro ma ji gi jamni nonya mang’eny e piny Israel gi Juda.

Jeremia 31:38

Ruoth Nyasaye wacho niya, “Ndalo biro ma nochak ogerie dalani, chakre kama oger mabor mar ng’icho mar Hananel kochiko yo podho chieng’, nyaka rangach man kama ohinga gomogo.

Jeremia 32:40

Anatim kodgi singruok mochwere ni ok nawe timonigi maber, kendo anami giluora gi chunygi duto, mi ok ginibar giweya.

Ezekiel 37:26

Abiro timo kodgi singruok mochwere makelonigi kue. Anami gimedre, mi aket Hekaluna e pinygi, kendo nobed kuno nyaka chieng’.

Mathayo 26:28

nikech ma e remba, mochuer ni ji mang’eny, kitimonigigo Winjruok gi Nyasaye mondo owenigi richogi.

Mariko 14:24

Eka nowachonigi ni, “Ma e remba mochwer ni ji mang’eny kitimonigigo Winjruok gi Nyasaye.

Luka 17:22

Eka nowacho ni jopuonjrene niya, “Ndalo nobi ma unugomb nenoe chieng’ achiel kuom ndalo mag Wuod Dhano, to ok unune.

Luka 22:20

Kamano bende nokawo kikombe bang’ chiemo, kowacho niya, “Kikombe ni e remba, mochwer nikech un, kitimonugo Winjruok Manyien gi Nyasaye.

Luka 5:38

Kuom mano divai manyien nyaka ol mana e ndede manyien.

1 Jo-Korintho 11:25

Kamano bende, bang’ chiemo, nokawo kikombe kowacho niya, “Kikombeni e remba, motimgo Winjruok Manyien gi Nyasaye. E kinde ka kinde mumadhee, to timuru kamano mondo uparago.”

2 Jo-Korintho 3:6

kendo en ema ne otimowa jotich Winjruok Manyien. Ok en Winjruok mar chik mondiki, to en mar Roho. Chik mondiki kelo tho, Roho to kelo ngima.

Rapar mar Chik 29:14

Ok un kende ema amiyou utimo singruokni,

Jo-Hibrania 12:24

Usebiro ir Yesu, jagach mosekelo winjruok manyien, ma rembe mokir nyiso wach maber moloyo wach mane remb Habil onyiso.

Jo-Hibrania 7:22

Mano omiyo singruok ma Yesu osiro ber moloyo singruok machon.

Jo-Hibrania 8:13

To ka Nyasaye wuoyo kuom singruok manyien kamano, to mano nyiso ni osemiyo singruok mokwongo odoko machon, kendo ong’ere ni gima odoko machon, kendo oti, chiegni rumo.

Jo-Hibrania 8:6

To tich ma Yesu oseyudo ber moloyo tich jodologo, mana kaka winjruok ma okelo ber moloyo winjruok machon, nikech en winjruok ma singruok mabeyo moloyo ema guro.

Jo-Hibrania 9:15

Omiyo Kristo e jal makelo winjruok manyien, mondo jogo mane oluongi oyud mwandu mochwere mane Nyasaye osingore ni gibiro yudo. Mano nyalo timore nikech tho osebetie makelo resruok kuom richo mane otim e ndalo winjruok machon.