Jo-Hibrania 8:5 - MUMA MALER 2015

⁵ Tich ma jodologo chiwo en kido gi tipo mar tich manie polo, mana kaka tich Musa bende nobet, nikech kane Musa chako tich gero Hema mar Romo gi Nyasaye, to Nyasaye nowachone niya, “Neni iloso gik moko duto machal gi kido mane onyisi e got.”

Motingʼo Loko Manyien

⁵ Tich ma jodologo tiyo e kama ler mar lemo en mana kido gi tipo mar tij dolo manie polo. Mano emomiyo ka Musa ne dwaro chako gero Hemb Romo to Nyasaye nosieme kawachone niya, “Ne ni igero gik moko duto machal gi kido mane onyisi ewi got.”

Jo-Hibrania 8:5 ပူးပေါင်းရင်းမြစ်များ

1 Weche mag Ndalo 28:12

Nonyise bende paro ma en go kuom gero laru mag Od Ruoth Nyasaye, gi udi mane olwore, gi ut keno mag Od Nyasaye kod udi ma nokanie mich maler mochiw ni Ruoth Nyasaye.

1 Weche mag Ndalo 28:19

Daudi nowacho niya, “Magi duto Ruoth Nyasaye owuon ema onyiso. Tichna ne en mana dwaro rieko kaka digere.”

Wuok 25:40

To nyaka ine ni ilosogi machal gi kido mane onyisi ewi got.

Wuok 25:9

To nyaka gere kaachiel gi gige duto, kiluwo mana kido ma abiro nyisi.

Wuok 26:30

Kamano nyaka ilos Hema Maler, kiluwo mana kido mane onyisi ewi got.

Wuok 27:8

Nyaka ilos kendo-mar-misango gi bao, to iye mondo obed thuolo, ka i sanduk. Lose mana kaka ne onyisi ewi got.

Kwan 8:4

Kor rachungi kaachiel gi bedene kod thiepene ne othedhi gi dhahabu. Musa nolose mana machal gi kido mane Ruoth Nyasaye onyise.

Mathayo 2:12

To Nyasaye ne osiemogi e lek ni kik gidog ir Herode, omiyo ne gidok thurgi gi yo machielo.

Tich Joote 7:44

“Kane kwerewa nie thim, ne gin kod Hemb Rapar. Nolose mana kaka Nyasaye nosenyiso Musa, kowachone ni nyaka olose mana machal gi kido mane oseneno.

Jo-Kolosai 2:17

Gigo duto gin mana tipo mar gik mabiro, to adiera wuon en Kristo.

Jo-Hibrania 10:1

To Chik Musa oting’o mana kido mar gik mabeyo mabiro, to ok giting’o gigo hie. Misengni ma jodolo timo ka luwore gi Chik gitimo higa ka higa. To mano nyiso ni Chik ok nyal miyo jolemo bed kare chutho,

Jo-Hibrania 11:7

Yie ema nomiyo Nowa owinjo siem mane Nyasaye osiemego kuom gik mabiro. Ne omako wach, omiyo nohondho yie mi oresogo joode. Kamano noketo ni piny bura, kendo en owuon yieneno nomiyo obedo e winjruok gi Nyasaye.

Jo-Hibrania 12:25

Ritreuru mondo kik utamru winjo dwond Jal mawuoyo kodu. Joma notamore winjo dwond Musa kane Nyasaye omiyo owuoyo gi ji e piny, ne ok otony. Wan to dwatony nadi ka watamore winjo Jal mawuoyo kodwa gie polo?

Jo-Hibrania 13:10

Wan gi kendo-mar-misango ma jodolo matiyo e Hema Maler onge gi ratiro mar chamo misengni motimie.

Jo-Hibrania 9:9

Mano en ranyisi manyiso kaka gik moko chalo e kinde ma kawuono. Onyiso ni mich gi misengni ma ichiwo ni Nyasaye ok nyal miyo chuny jalemo bedo malong’o chuth,

Joshua 22:28

Ne waparo bende ni ka gima kamano ditimrenwa, kata ni nyikwawa, to wanyalo nyisogi kido mar kendo-mar-misango mar Ruoth Nyasaye ma wasegero. Ok en mar wang’o misengni kata gimoro amora machalo kamano, to en mana ranyisi e kindwa kodu.

Fweny 15:5

Bang’ mano, ne ang’icho mi aneno ka Hekalu mar Hemb Rapar oyawore e polo.