Jo-Hibrania 7:8 - MUMA MALER 2015

⁸ To korka jodolo, to waneno ni joka Lawi, ma gin joma yudo achiel kuom apar mag gik mokogo, gin joma tho. Korka Melkizedek to waneno ni ng’at mane oyudo achiel kuom apar, Muma wacho ni pod ngima.

Motingʼo Loko Manyien

⁸ To korka jodolo mag joka Lawi wayudo ni achiel kuom apar ichoko gi dhano matho; to kuom Melkizedek to wayudo ni achiel kuom apar nochoki gi jal ma ikwano ni ngima, mana kaka ndiko wacho.

Jo-Hibrania 7:8 ပူးပေါင်းရင်းမြစ်များ

Johana 14:19

Bang’ kinde matin, piny ok nochak onena kendo. Un to ununena. Anabed mangima, omiyo un bende unubed mangima.

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Jo-Hibrania 3:16

Ng’ano giri mane ong’anyo kane owinjo dwonde? Donge gin jogo duto mane Musa owuokgo Misri?

Jo-Hibrania 5:6

Muma wacho bende kamoro machielo niya, “In jadolo nyaka chieng’ e kit tich dolo mar Melkizedek.”

Jo-Hibrania 6:20

Kanyo ema Yesu nodonjoe nikech wan kotelonwa, kendo nodoko jadolo maduong’ nyaka chieng’ e kit tich dolo mar Melkizedek.

Jo-Hibrania 7:23

Nitie wach moro machielo bende, jodolo ma jo-Lawi ne nyaka bed mang’eny, nikech kaka gin dhano matho, tho ne monogi siko e tichgi.

Jo-Hibrania 7:7

Ong’ere malong’o ni ng’ama duong’ ema guedho ng’ama tin.

Jo-Hibrania 7:9

Chutho, wanyalo wacho ni kane Ibrahim ochulo achiel kuom apar, to kata mana Lawi nyakware, ma en ng’at mane onego oyud pok mar achiel kuom apar, bende nochulo pokno,

Jo-Hibrania 9:27

Ng’ato ka ng’ato nyaka tho mana dichiel kende, to bang’ mano Nyasaye yale.

Fweny 1:18

kendo an e Jal Mangima. Ne atho, to koro angima nyaka Piny Joma Otho.