Jo-Hibrania 7:6 - MUMA MALER 2015

⁶ Melkizedek to ne ok en nyakwar Lawi, to kata kamano Ibrahim nomiye achiel kuom apar mag gik mope, mi noguedho kata mana Ibrahim, ng’at mane oyudo singruok mag Nyasaye!

Motingʼo Loko Manyien

⁶ Melkizedek-ni ne ok en nyakwar Lawi, to kata kamano Ibrahim jal mane Nyasaye omiyo singruok nochiwone achiel kuom apar kuom gik mane opeyo, kendo nogwedhe.

Jo-Hibrania 7:6 ပူးပေါင်းရင်းမြစ်များ

Chakruok 12:13

Emomiyo yie inyisgi ni in nyamera, mondo kik ginega to gitimna maber nikech in.”

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Tich Joote 3:25

Un e nyikwa jonabigo, kendo singruok mane Nyasaye otimo gi kwereu oriwo koda ka un bende. Ne osingore kodgi, kowacho ni Ibrahim ni, ‘Dhoudi duto mag piny nonwang’ gueth kuom nyikwai.’

Jo-Rumi 4:13

Nyasaye nosingore ni Ibrahim kod nyikwaye ni piny nobed margi to ne ok osingore kamano nikech Ibrahim norito chik, to mana nikech nokwane ni en ng’at makare kuom yie mane en-go.

Jo-Rumi 9:4

Jo-Israel gin joma Nyasaye oseyiero mondo obed nyithinde. Ne onyisogi duong’ne maler, kendo ne otimo kodgi singruok madongo. Nomiyogi Chik Musa kendo nonyisogi kaka onego gilame e Hekalu. Bende nosingorenigi ni obiro guedhogi.

Jo-Galatia 3:16

To Muma wacho ni Nyasaye notimo singruok gi Ibrahim kendo gi nyakware. Ok owacho ni, gi nyikwaye, tiende ni, ji mang’eny, to owacho ni, gi nyakware, tiende ni, ng’at achiel kende, ma en Kristo.

Jo-Hibrania 11:13

Jogo duto notho ka nigi yie. Ne ok ginwang’o gik mane Nyasaye osingorenigi ni nomigi, to ne ginenogi gi kuma bor, mi giyie ni gin gik mantie adier. Ne gihulo ratiro ni gin mana welo gi jowuoth e piny ka.

Jo-Hibrania 11:17

Yie ema nomiyo Ibrahim ochiwo Isaka ka misango, kane Nyasaye oteme. Kata obedo ni Nyasaye nosesingorene,

Jo-Hibrania 7:1

Melkizedekno ne ruodh Salem, kendo ne en jadolo mar Nyasaye Manyalo Gik Moko Duto. Noromo gi Ibrahim kane Ibrahim dok dala koa loyo ruodhi, mi noguedhe.

Jo-Hibrania 7:7

Ong’ere malong’o ni ng’ama duong’ ema guedho ng’ama tin.